João 7:12 - Tradução Bíblica Pacaas Novos

¹² Mija nana wari' co tomi' hohomu xucucun con. Ma' nana co awi na ta nonon, ma' nana oro xucucun co om ca awi ca ta nonon ma' quem. Mixein nonon oro wari' ta nonon.

João 7:12 Iomraidhean Croise

Mateus 10:25

Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.

Mateus 21:46

Je ca quep xun paxi' cocon ma'. Ane jin' cocon oro wari' ne, xi taxi' ara cocon oro wari' pain ca profeta na Jeju ta cocon ta.

Mateus 27:63

Taramaxicon ac cocon na. Mam' pe wet urut pain ca tomi' nucun co pacara ne, co tama' mixein cara ne. Ca' na ca tomi' nucun pain ca e' e' wet nucun pane: Ma' 3 pin iri tara xec pain ca mi' pin ne ne, e' mami' ac ta' tara ta na ca tomi' mixein nucun pane.

Lucas 18:19

Para awi ma mapa' quem ac con na. Om na wari' co awi. Xica' pe na Iri' Jam co awi.

Lucas 23:47

Taramaxicon nucucun oro soldado ma', querec iri nain oro ca ara ne con Jeju ma' ne, tomi' ac ca na: Wa inon co cwa' me. Iri' wari' ca ma' ira na ca tomi' ca pain ca tomi' querec te con Iri' Jam.

Lucas 23:50

Ma' na wari' ma'. José na wixicon. Wari' nein Arimateia na José ma'. Pe nain Judeia Arimateia ma' quem. Awi na José. Iri' wari' na. Wara taramaxicon pe ho' hap xirapari' Iri' Jam na na. Win ma' ne paxi' nonon oro taramaxicon co cut in taxipa' xucucun ma', ane om xin ne cocon pain ca tomi' xo' xucucun pain ca to' pa' pin totoron Jeju ta caca ne.

Lucas 6:45

Ac i ma' nana oro wari' quem. Wari' co awi ca coromicat nucun ma', ac ca cut toco' xo' cain na ca awi ne capijacon pain ximicon, an hwet ac cain na pain ca tomi' nucun. Wari' co om awi ca coromicat nucun ma' iri na ne, ac ca cut toco' xo' cain na ca om awi ne capijacon pain ximicon, an hwet ac cain na pain ca tomi' nucun quem. Je ca tomi' xuhu' ca': Carawa ca coromicat taxipa' iri' pain iri' ximixi' ca', je ca tomi' hwet iri' pain ca tomi' nexi' ca' quem na ca tomi' tococwa ma'.

Lucas 7:16

Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

João 6:14

Querec iri nanain i ma' oro wari' ne, pain ca an hwet pe cain ca hwara' opa nucun ma', pain ca tomi' hwara' pin cain capam' con hwam ma', tomi' ac caca na: Wirico co cwa' xin profeta co xirao' pe caca pain cara pane, co main maqui' tarain macan' ca' caca pane. Wirico ma' ira nana.

João 7:32

Oro fariseu ma', taraju nonon oro wari' pain ca tomi' hohomu xucucun con Jeju. Tomi' xuxun oro guarda ma' ac cocon na oro taramaxicon nucucun oro sacerdote ma'. Quep totoron Jeju ta nana.

João 7:47

Cain' cain' xihwe quem ac tococwa na. Mixein turuhu' quem ra na ca tomi' caca oro fariseu ma'.

João 7:52

Cain' cain' ma quem? Ac ca maqui' main Galileia na ta! Mo xi noro tamana main capijacon Iri' Jam ma', taxi' ac ma xira pain ca om ma' camain' ca profeta co maqui' nain Galileia ta! Ac i ma' na ca tomi' in pin cocon ma'.

João 9:16

Ma' ac caca na oro fariseu co tomi' ca' nana quem: Om ca maqui' con Iri' Jam co ara nain i ma'. Xi taramaja ara ca pain xec nein ca xao to wa ne ca xumu wa ca', pain ca ta taramaja hwein me ta capari' ca' na ca tomi' caca ma'. Tara con ac caca na oro xucucun ma' quem. Mo xi caracat ca, om xi ara taxi' ac i ma' cain carawa ca om ara taxi' ne ca wari' wa ta. Ac i ma' na ca coromicat ni ca' xucucun.

Atos 11:24

Barnabé ma', awi na, xut xo' taxipa' na. Pe ho' mip non Tamataracon Iri' Jam, howa mip na quem. Ma' mija pin ac caca na oro wari' co howa nonon Taramaxicon nexi' con.

Romanos 5:7

Om ca querec tocwa wari' co mi' pin caho' non xucun wari' co tama' xut xo' ma'. Tara, am ma' paxi' ca wari' co quereme ma', co mi' pin caho' non xucun wari' co awi tamana.

Filipenses 2:14

Ara xo' jein oro ca ara hwe pain ca tomi' ha' hun Iri' Jam. Ta tomi' wijimi hwe pain me, ta tomi' mana' xujuhu' pain me.