João 7:11 - Tradução Bíblica Pacaas Novos

¹¹ Pirao' nonon Jeju oro taramaxicon nuxut pain ca judeu urut ca', co tomi' querec te wi nana cocon oro win ma' caca ma'. Mon wari' cara pane quem nonon oro wari'.

João 7:11 Iomraidhean Croise

João 1:19

Oro taramaxicon nuxut pain ca judeu urut ca', co to nanain Jerusalém pane, tomi' ac cocon na oro sacerdote cocon oro levita ma'. Mo tomi' querec jun João ma': Cain' ca wari' ma quem jun ta nonon. Ma, mo hwet ac cocon na, tomi' querec ac cocon na: Cain' ca wari' ma quem ac cocon na.

João 11:56

Oro taramaxicon nucucun oro sacerdote cocon oro fariseu ma', wara tomi' nonon oro wari': Mo ta taxi' hun Jeju pain ca pe pan ca ma', na e' na pain ca tomi' hwet mi' maparut con. Ma' ta quep xut con na ca tomi' cocon ma'. Je ca pirao' cocon Jeju quem. Tomi' querec ac xucucun na co to nanain ca tao' caho' nein cote ne xiricon Iri' Jam. Cain' ca coromicat hwe quem xucucun. Om ta maqui' cain ca tomi' querec te nexi' ron na ca tomi' querec xucucun ma'.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

João 7:13

Om ca hwet tomi' xucucun. Tomi' hohomu e' xucucun. Xi jin' ara tococwa oro taramaxicon ta.

João 7:15

In ac tamana ac cocon na oro taramaxicon nuxut pain ca judeu urut ca'. Para taxi' tamana ca ma' ne? Xi ca' na xo' camain' tocwa pain capijacon Iri' Jam ira nana pain ca in ac cocon ma'.

João 9:12

Main ca pe ca quem ac cocon na. Om ca taxi' ton ta ac ca na.