João 7:1 - Tradução Bíblica Pacaas Novos

¹ Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

João 7:1 Iomraidhean Croise

Mateus 10:23

Mo ta quep em' to cucuhu' pain cidade ca to hwe ma', jein mama' ac hwein tara xijein cidade. Tomi' pe mi' inuhu' pain i ca' quem: Om ta mama' pi' pin querec hwein oro xijein cidade pain Israel ca', maqui' pa' ac xuhu' tara. Wata' pain ca Iri' Wari' ta' ca', maqui' pa' ac xuhu' tara pain ca taramaja taramaja wet nuhu' ta naparut.

Mateus 21:38

Ane om tomi' ha' caca co taramaja to nanain totacon ma' ne. Querec iri nonon panxica ne, pain ca xut qui' nucun ma', tomi' xo' ac xucucun na: Wirico co ma' panxica waximain xitot ta xucucun. Mi' pin iri tara cote ca ne, mene pin ac cain tara totain uva ca' xucucun. To' pa' pin xun ta ac xucucun na. Menexi' pin ac ne tara totain uva ca' xucucun. Ma ac xucucun na.

Marcos 11:18

Oro taramaxicon nucucun oro sacerdote ma', cocon oro co ca' na taxipa' nanain ca xirao' nucun Moisés ma' quem, taraju nanain ca tomi' nucun Jeju. Tomi' xo' ac xucucun na: Cain' cain' xuxun quem? Cain' xi to' pa' pin ac xun quem xucucun. Jin' ara xi' nonon Jeju, xi wa wa pan ara cocon oro wari' ta. Wa wa wa wa pi' pin nonon. Taraju hohot ara xi' nonon ca pijim' nucun.

João 1:19

Oro taramaxicon nuxut pain ca judeu urut ca', co to nanain Jerusalém pane, tomi' ac cocon na oro sacerdote cocon oro levita ma'. Mo tomi' querec jun João ma': Cain' ca wari' ma quem jun ta nonon. Ma, mo hwet ac cocon na, tomi' querec ac cocon na: Cain' ca wari' ma quem ac cocon na.

João 4:3

Taramaxicon nexi' Jeju ma', taxi' pin iri nonon oro fariseu ne, pain ca taraju cacain ca tomi' nucucun oro wari' ma', pain ca ma' mija caca co taxipa' pin nonon ma', maji ta ac caparut na, paca' ac urut pain na Judeia, in mama' ac urut pain na Galileia.

João 4:54

Pain ca paca' cain Judeia Jeju ma', pain ca in mao cain Galileia pane, je win 2 pin ne ca an hwet pe cain ca hwara' opa nucun pain ca ara cain ca om ara taxi' ne ca wari' wa pane.

João 6:1

Om ca pain homa ne, maji ta ac caparut na Jeju, pan horoho mama' ac urut pain na xijein cacarain com ma', Galileia ma'. Ma' na xijein wixinain quem. Tiberíades nanain quem.

João 7:11

Pirao' nonon Jeju oro taramaxicon nuxut pain ca judeu urut ca', co tomi' querec te wi nana cocon oro win ma' caca ma'. Mon wari' cara pane quem nonon oro wari'.

João 7:13

Om ca hwet tomi' xucucun. Tomi' hohomu e' xucucun. Xi jin' ara tococwa oro taramaxicon ta.

João 7:19

Om ca Moisés ca co tomi' hwet nuhu' pain oro ca tomi' nucun Iri' Jam ca tomi' ha' je cuhu' ra? Wirico paxi' na, ane om tomi' ha' iri'o' camain' hwein ca xirao' nucun ne. Para to' pa' pin xim mahu' quem? Tomi' napat a ximahu' pain ca taramaja tain xec nein ca xao to wa e' tara xumuhu' ta capari' Moisés. Xi tomi' ha' iri'o' hun quem ta na ca tomi' tococwa ma'.

João 7:25

Ma' ac caca na wari' nein Jerusalém co tomi' querec ca' xucucun: Om ca wirico ca co to' pa' xi' caca ra?

João 7:35

Tomi' ac xucucun na oro taramaxicon nuxut pain ca judeu urut ca': Main xi mao ta' ca quem, pain ca om ta mam' ac mahu' ta capari' ma' quem? Hwet toton nonon oro win ma' nexi' co to ho' nonon oro tatirim ra? Ca' na toton pain capijacon Iri' Jam na ra?

João 8:37

Iri' hwanana ne paxi' hun Abraão cara pane, taxi' inuhu' pain ca iri' hwanana ne hun ma'. Ane to' pa' pin xim mahu' ne. Xi howa hwein ca pijim' xuhu' ta.

João 8:40

Ane to' pa' pin xim mahu' ne, xi om ne ca tomi' hwet ara xuhu' pain capijacon Te ca iri'o' ca', ca taraju ta' ca'. Om ca ac i ma' camain' ca Abraão pane ta.

Atos 10:38

Taxi' hun Jeju co maqui' nain Nazaré, taxi' hun pain ca mi' con pain Tamataracon Iri' Jam, je pain ca mi' con pain ca hwara' opa nucun quem. Taxi' hun pain ca xut mao cain oro xijein cidade pane, pain ca tama' xiram pa' cocon oro wari', je pain ca tama' quep xio cocon oro wari' co ximin nana con Caxicon Jam quem. Ha' non Jeju pain ca ara ac i ma' ca pane, xi om ne ca pe ho' pan ara con Iri' Jam ta.