João 6:1 - Tradução Bíblica Pacaas Novos

¹ Om ca pain homa ne, maji ta ac caparut na Jeju, pan horoho mama' ac urut pain na xijein cacarain com ma', Galileia ma'. Ma' na xijein wixinain quem. Tiberíades nanain quem.

João 6:1 Iomraidhean Croise

Mateus 15:29

Maji ta ac caparut na Jeju, xuruxut mama' ac urut na pain cacarain cote ne com pain Galileia ma'. Piri' mao tain pacun ca' e' ac ca na, piri' piri' xao pe ac ca na quem.

Mateus 4:18

Xut ac cain na cacarain cote ne com pain Galileia ma'. Querec ac tococwa na caram ma' co ma' 2 nana ma'. Simão co Pedro na xijein wixicon ma'. André na wixicon coxa' ca ma' quem. Xin mi' nana pain com caji wi ca mam' pa' caca hwam. Xi pa' taxipa' ara caca hwam ma', vender vender ac cocon na quem, je i ma' ca taramaja nucucun pane.

Lucas 5:1

Maqui' ac ne na xec pain ca pe cain cacarain cote ne com pain Genesaré Jeju ma'. Mija nana wari' co xao xao nonon. Om ca paric camain' caca. Taraju xin capijacon Iri' Jam nana.

João 21:1

Hwet pa' mami' ac caparut na Jeju pain cacarain cote ne com pain Tiberíades ma'. Ac i ca' na pain ca hwet pa' caparut pane.

João 6:23

Ma' ac ne na oro wirain mam' horoho wa ca maqui' nain Tiberíades ma' quem. Piri' to xin i ma' ta ac caca na oro wari' nein, piri' to ja' pan ac cacain na ca cao' to cacain capam' oro wari' cara ne, ca tomi' pe qui' con Iri' Jam pain ca tomi' querec te urut pum pain capam' ca' quem Te qui' ca pane.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.

João 9:10

Cain' cain' ma quem? Para querec pin' ma ma' quem ac cocon na.