João 5:6 - Tradução Bíblica Pacaas Novos

⁶ Querec pan ac con na Jeju. Querec non pain ca terem' pe cain i ma'. Pain cara pane ca caxi ca co ma' ta ac cocon na oro wari' ma'. Tomi' pan ac con na Jeju: Param main ca xio wa quem non.

João 5:6 Iomraidhean Croise

Lucas 18:41

Ma' carawa ca ara mi' ne mapa' ma' quem non. Om na, querec mami' xita' na ina ta Taramaxicon ac con na.

João 21:17

Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'. Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non. Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non.

João 5:5

Ma' na wari' co terem' pe nain i ma' quem. Carama pe na. Ma' 38 na cawaxi' pain ca carama pe ca.

João 5:7

Xi ma' capa' wari' co quep xiho' napa' ta taramaxicon ac ca na. Meo iri xira com ca' ne, ma' ac ca xira co an quiji' mi' napa' pain. Ane om capa' wari' co quep xiho' napa' ne. Corom ta' paxi' ina, corom ca' corom ca' nanapa' xucucun co caxi nana ma' na ca tomi' ca ma'.

Hebreus 4:13

Oro carawa ca tomi' ma' pin ca Iri' Jam ma', om ca xaraxa ca' ac con. Wari' quem, om ca xaraxa ca' ac xun quem. Om ca ma' camain' ne ca mam' tatep pa' ac xijexi' con. Querec querec pi' pin napari', taxi' taxi' pi' pin nain oro ca ara iri' quem. Main maqui' tara xec pain ca tomi' hwet xun iri' pain oro ca ara iri' quem.

Hebreus 4:15

Xi taxi' ara capari' pain ca om hwara' opa nexi' pain ca wari' nexi' ta. Ha' non pain ca xiram pa' capari', xi wara tomi' querec ximao pan ara tocwa pain oro ca caracat wa pane ta. Wirico Caxicon Jam co caracat ra caracat ra non pane, win capari' pain xocori ca' quem. Ane om caracat camain' ca ne.