João 5:5 - Tradução Bíblica Pacaas Novos

⁵ Ma' na wari' co terem' pe nain i ma' quem. Carama pe na. Ma' 38 na cawaxi' pain ca carama pe ca.

João 5:5 Iomraidhean Croise

Marcos 9:21

Tomi' querec ac con na cote ca pije' Jeju ma': Cain' ca ma' ne cawaxi' pain ca pa' con tamanain quem non. Om na, wara pa' qui' non pain iri' ca pije' nucun, mao ac ne ma' na con.

Lucas 13:16

Je ca tomi' xuhu' ca' ac tococwa na. Na e' na pain ca quep xio pin tacama narima' cwa', co hwanana ne non Abraão cara pane. Ac ca pao' pe cam na Caxicon Jam pane. Wara pain pin na cam, ma' 18 pin na cawaxi' pain ca pao' pe cam pane. Om ca na ne pain ca tacom' ca' tacama con Caxicon Jam pain sábado ca' ra? Na ne ma' ira! Ac i ma' na ca tomi' tococwa ma'.

Lucas 8:43

Pe nain i ma' narima' co ao tamana ma' quem. Ma' 12 na cawaxi' pain ca ao tamana cama. Pi' ca' paxi' nam dinheiro pain ca pagar cocon oro doutor ma', ane om aramao xio taxi' cacam ne.

João 5:14

Om om, mam' mami' ac con na Jeju. Mam' pe non pain ca tao' caho' nein xiricon Iri' Jam. Taraju wet ne e' ac con na. Xio pin ma. Ta caracat mami' ma me. Ma' ta om quep quem iri' ca om awi wa. Jain jain paxi' ma pain ca caxi nem cara ne. Mo ta quep quem iri' ca om awi wa, jain jain tamana ac ma tara na ca tomi' con ma'.

João 5:4

Ma' ara xi' na xec nein ca aram aram quiji' qui' ca jam co taramaja mi' non Iri' Jam ma', meo meo ac cain na com, je curucun pane. Co corom cain' nain com pain ca xo' meo nein ma', xio pin ac ca na. Caxi tamana paxi' na, xio pin ac ca na ta.)

João 5:6

Querec pan ac con na Jeju. Querec non pain ca terem' pe cain i ma'. Pain cara pane ca caxi ca co ma' ta ac cocon na oro wari' ma'. Tomi' pan ac con na Jeju: Param main ca xio wa quem non.

João 9:1

Maji ta ac caparut na Jeju ma', xuruxut mama' ac urut na. Querec ac con na wari' Jeju. Wara om na tocon pain ca xo' pan' nucun pane.

João 9:21

Ane om taxi' urut con pain ca querec pin' ca pain xocori ca' ne. Om ca taxi' urut con co quep xio pin non quem. Ho' tarama' pin na, taxi' pan xucun. Je xi tomi' querec pan hun quem? Tomi' xo' pan turuhu' pain ac cocon na.

Atos 14:8

Pe nain Listra wari' co carama pe. Wara carama pe qui' nain ca xo' pan' qui' nucun pain ca pije' nucun pane. Om ca xut camain' ca.

Atos 3:2

Hwet xin iri nanain ne, wara an mamam' nonon wari' co carama pe ma'. Wara carama pe qui' nain ca xo' pan' qui' nucun pain ca pije' nucun. An mamam' an mamam', wara ca' na cote ne capijain manain xirim ca corom ac caca oro wari' ma', an terem' ac cocon na. Capijain Man Ca Awi ta na wixinain cote ne manain xirim ma'. Je curucucun pane, an mamam' an terem' taxipa' nonon pain i ma', pain oro xijein xec. Ma' ta xiram pa' xine, mi' xine pain dinheiro ta cocon oro wari' co corom xi' nana ma' nonon.

Atos 4:22

Xi wara hwana ara ca wari' co quep xio pin wa pain ca ara an hwet mi' tocwa pain ca hwara' opa nucun Jeju ta. Wara tiquin' ca' nain ca 40 ne cawaxi' nucun quem.

Atos 9:33

Wa' mao iri nain i cain ne, querec ac con na wari' co carama pe. Eneias na wixicon. Ma' 8 na cawaxi' pain ca terem' e' cain wi ma'.