João 5:4 - Tradução Bíblica Pacaas Novos

⁴ Ma' ara xi' na xec nein ca aram aram quiji' qui' ca jam co taramaja mi' non Iri' Jam ma', meo meo ac cain na com, je curucun pane. Co corom cain' nain com pain ca xo' meo nein ma', xio pin ac ca na. Caxi tamana paxi' na, xio pin ac ca na ta.)

João 5:4 Iomraidhean Croise

Mateus 11:12

Pijim' paxi' nonon oro wari' João pane, pijim' mi' paxi' nonon con Iri' Jam co taramaxicon pe ho' pin ton nonon quem. Ane noc urut con ta cocon Iri' Jam ne. Noc urut con pain ca taramaxicon pe ho' caparut ta nana. Je curucucun pane, pain ca xo' pijim' ten qui' ca pane, mao ac ne ma' na cocon, noc urut con noc urut con wet nana pain xocori ca' quem. To' quiji' pin xun nonon oro wari' co taramaxicon pe ho' ca Iri' Jam quem.

Mateus 6:33

Win xumu cain' jun Iri' Jam. Tomi' ha' jun pain ca taramaxicon pe ho' cuhu' ma'. Cut mi' ac cuhu' tara pain oro carawa ca om nuhu' ma'.

Lucas 13:24

Ca taramaxicon pe ca Iri' Jam ma', an xiho' nain xirim ca corom ac xine pain wijimain man. Je ca tomi' xuhu' ca': Win xumu jein ca taramaxicon pe ca Iri' Jam. Jain jain je pain ca corom ac hwe pain wijimain manain xiricon. Xi iri'o' ara ne ca tomi' xim xuhu' ca': Main mija paxi' tatara oro wari' co corom xin nanain. Ane om ha' xun tococwa pain ca corom xi' wa ne.

Lucas 16:16

Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem.

João 5:3

Je ca toco' to caca co caxi nana ma'. Mija nana. Ma' nana co om tococon. Ma' nana co caji at nana. Ma' nana co carama to nana. (Winim' nanain ca meo ne com ma'.

João 5:5

Ma' na wari' co terem' pe nain i ma' quem. Carama pe na. Ma' 38 na cawaxi' pain ca carama pe ca.

João 5:7

Xi ma' capa' wari' co quep xiho' napa' ta taramaxicon ac ca na. Meo iri xira com ca' ne, ma' ac ca xira co an quiji' mi' napa' pain. Ane om capa' wari' co quep xiho' napa' ne. Corom ta' paxi' ina, corom ca' corom ca' nanapa' xucucun co caxi nana ma' na ca tomi' ca ma'.

1 Coríntios 6:11

Ma' paxi' nana win ma' nuhu' co ac i ma' nana pain cara pane. Ane hohoc pin cuhu' pain ca caracat nuhu' Iri' Jam ne. Iri' wari' ne pin inuhu' ta nuhu'. To' hohot pin nuhu'. Xi om ca Taramaxicon nexi' Jeju Cristo pain Tamataracon pahu'.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.