João 5:16 - Tradução Bíblica Pacaas Novos

¹⁶ Je ca quep em' xun Jeju ta cocon ma'. Xi om ne ca quep xio pin ara con wari' pain sábado ca', pain xec nein ca xao pe wa ne ca xumu wa ta nana.

João 5:16 Iomraidhean Croise

Mateus 12:13

Tomi' ac con na co xirac micon ma': Coc matam rain mum ma' ta non. Coc matam ac cain na, awi pin ac ne na con. Ac wirain pin na, awi pi' pin na con.

Marcos 3:6

Hwerehwet mama' ac caca na oro fariseu ma'. Hwet ac cocon na oro win ma' ca taramaxicon Herodes ma' quem. Tomi' xo' xijexi' ta, ma' ta to' pa' pin xun Jeju ta xucucun.

Lucas 6:11

Mana' tamana ac caca na caram ma' co tocojin' nonon ma'. Cain' cain' xuxun quem ac xucucun na.

João 1:19

Oro taramaxicon nuxut pain ca judeu urut ca', co to nanain Jerusalém pane, tomi' ac cocon na oro sacerdote cocon oro levita ma'. Mo tomi' querec jun João ma': Cain' ca wari' ma quem jun ta nonon. Ma, mo hwet ac cocon na, tomi' querec ac cocon na: Cain' ca wari' ma quem ac cocon na.

João 10:39

Quep xun ta mami' ac cocon na. Ane witan ca' tococwa ne.

João 15:20

Mam' pe wet jein ca tomi' xuhu' pane: Wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun, ac i ma' na ca tomi' xuhu' pane. Je ca tomi' xuhu' ca': Carawa ca ara mi' cacapa' oro wari' ma', je ta ara mi' cucuhu' quem. Ja' tequi' quep em' nanapa' oro wari' co noc nanapa' ma', ja' tequi' quep em' ac cucuhu' tara quem. Ma' nana co tomi' ha' nanapa' pain ca tomi' xo' toton pain capija ca', ma' ac caca tara co tomi' ha' nunuhu' pain ca tomi' xo' huhun pain quem.

João 5:10

Je ca tomi' cocon co ma' co quep xio wa oro taramaxicon ma': Sábado na xec ca'. Om ca na ne pain ca an main witam pain xec ca' nonon.

João 5:13

Om ca taxi' ton ta ac ca na. Xi wara xut xut pan' am ara ca pain iri' tococon wari' Jeju ma' ta.

João 5:15

Hwet mao ac ca na. Tomi' toton oro taramaxicon ma' e' ac ca na, hwet ac tococwa na, tomi' ac tococwa na: Wirico Jeju co quep xio pin napa' ta tata.

João 5:17

Ane tomi' pan cocon Jeju ne: Om ca taramaja maho' ca Te. Ac i ma' ina quem, om ca taramaja maho' ta' ta nonon.

João 5:18

Mana' tamana pin ac cocon na. To' pa' pin xun ta nonon. Om ca mana' e' cocon pain ca om tomi' ha' nucun pain ca taramaja cain sábado ma'. Mana' nonon pain ca Te inon Iri' Jam ta ca ma'. Iri' Jam ina xi' ma na ron, ac i ma' na ca tomi' nucucun pain ca mana' nucucun ma'.

João 7:21

Tomi' ac tococwa na: An hwet mi' inuhu' pain ca hwara' opa ne pain ca ara tain ca om ara taxi' ne ca wari' wa pain xec nein sábado pane, joc herehe pin ac ne na tucuhu' pane.

João 7:25

Ma' ac caca na wari' nein Jerusalém co tomi' querec ca' xucucun: Om ca wirico ca co to' pa' xi' caca ra?