João 4:53 - Tradução Bíblica Pacaas Novos

⁵³ Na ra ac ca na. Je i ma' jamicon xina ca tomi' capa' Jeju pain xec pane, pain ca awi pin na panxima ta capa' pane ac ca na. Howa pin ac con na Jeju. Howa pin nonon Jeju oro ca nari nucun co to ho' nonon pain xiricon ma' quem.

João 4:53 Iomraidhean Croise

Mateus 8:13

Tomi' ac con na taramaxicon nucucun oro soldado Jeju: In mao rain xurum ta. Xio pin na wari' nem. Win ne ca howa mapa' ma' ac con na. Xio hap pin ac ca na wari' nucun ta.

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

João 4:51

Xut xut wet nain wana, xuruxut cam' ac cocon na co taramaja mi' e' nonon ma'. Awi pin na panxima ta nonon.

João 4:52

Cain' cain' ne con? Main ca pe ca xina pain ca awi pin nucun quem ac tococwa na. Pain xec pane, tocon xina pin iri na ne, nahwere' pin ac ca na ta nonon.

Atos 11:14

Tomi' hwet terem con Iri' Jam ma', pain ca mi' xim quem pain ca witan ca' main ca caracat nem ma'. Wum, oro ca nari nem cocon oro wari' co to ho' nenem pain xurum ma' quem, mi' xim nuhu' pain ca witan ca' hwein ca caracat nuhu' ta napa' jam co taramaja mi' non ma'. Ac i ma' na ca tomi' caparut Cornélio pane.

Atos 16:15

Ja' ac tacama na pain com. Wiricam, wiricoco oro win ma' cama co to ho' nanam pain xiricam ma' quem, ja' ac tacacama na pain com. Ja' iri tata ne, tomi' mip ac caparut na: Mo ta querec pin' mahu' pain ca howa ton Taramaxicon nexi' cwa', je ta to ho' qui' mahu' pain xuru ta naparut, tomi' tomi' na ac caparut na. Ma ac urut cam na, to ho' ac urut cam na.

Atos 16:34

Maji pain xuru ta ac tocwa na Paulo con Silas ma', mi' ac tococwa na pain carawa ca cao' wa. Tomi' querec te tamana na co ma'. Oro win ma' ca co to ho' nonon pain xiricon ma' quem, tomi' querec te tamana nana quem. Xi om ne ca howa pin ara cocon Iri' Jam ta.

Atos 18:8

Ma' na wari' co querec wet taxipa' nonon oro win judeu ca pain ca cut in xucucun ma' quem. Crispo na wixicon. Howa pin non Taramaxicon nexi' Jeju quem. Oro win ma' ca co to ho' nonon pain xiricon ma' quem, howa howa pi' pin nonon Jeju. Ma' mija nana oro wari' nein Corinto co taraju nonon Paulo pain ca pijim' mi' cocon con Jeju ma' quem. Ja' ac tococwa na pain com quem.

Atos 2:39

Je ara xi' na ca wara tomi' pe cuhu' ta. Wahu', mana panxihwe cocon waram winahu', oro wari' pain oro xijein macan' quem, wara tomi' pe mi' nuhu' pain Tamataracon. Wara tomi' pe wara tomi' pe pi' pin tata pain Tamataracon oro wari' co howa xine pan ca Taramaxicon Iri' Jam ta. Ac i ma' na ca tomi' cocon oro wari' Pedro ma'.