João 4:41 - Tradução Bíblica Pacaas Novos

⁴¹ Mija ac caca na oro xucucun wari' co taraju nonon pain ca pijim' nucun. Howa pin ac cocon na quem.

João 4:41 Iomraidhean Croise

Lucas 4:32

Wa wa wa wa pi' pin nonon oro wari' co taraju nanain ca pijim' nucun. Xi an hwet pan ara cain ca hwara' opa nucun pain ca ca' na cain capijacon Iri' Jam ta.

João 4:40

Hwet iri nonon Jeju ne, tomi' ac cocon na: Pe ho' xut ta nonon. Ma, pe ho' wijimain ac cocon na. Ma' 2 na xec nein ca pe ho' cocon ma'.

João 4:42

Tomi' ac cacam na narima': Howa pin urut con Jeju ta. Om ca howa e' urut con pain ca taraju urut pum pain ca tomi' hwet maparut con, om na. Howa urut con, xi om ne ca taraju pan ara urut pain ca tomi' nucun ta. Je ca howa urut con ca'. Querec pin' urut con. Wirico na co to' witan taxi' ca' nonon pain ca caracat nucucun oro wari' pain oro xijein macan' ca' na ca tomi' cacam ma'.

João 6:63

Je Tamataracon Iri' Jam ca mi' nain ca e' cara wa. Wari' ma' iri na ne, om ca e' pan ac ca. Je ca tomi' xuhu' ca': Oro ca tomi' ne ca tomi' xuhu' ca', maqui' nain Tamataracon Iri' Jam. To' e' cara nonon oro wari' ta ac tococwa na.

João 7:46

Xi ma' camain' ca wari' co an xiho' non pain ca pijim' nucun ta nana.

Atos 1:8

Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.

Atos 15:3

Mama' je ta pan ac cocon na co howa nonon Jeju pain Antioquia ma', mama' ac caca na. Xuruxut tiquin' ac cacain na Fenícia je Samaria ma', je i ma' wixinain oro xijein macan' ca xuruxut tiquin' caca ma'. Ca querec querec tococwa co howa pin nonon Jeju ma', pain ca mama' cacain oro xijein cidade ma', ca tomi' hwet tomi' hwet ac tococwa na cocon co om judeu nana co howa pin nonon Jeju ma' quem. Taraju iri nanain i ma' ne, tomi' querec te tomi' querec te pi' pin ac caca na. Mija na ca tomi' querec te caca, xi om ne ca howa pin ara cocon Jeju caram ma' co om judeu nana ma'.

Atos 8:12

Ane howa pin cocon Filipe ne. Pijim' pan iri nonon con Iri' Jam Filipe ne, pain ca taramaxicon pe ho' xitoton na nuhu' ta cocon ma', je pain ca to' witan xitoton na nuhu' Jeju co wara tomi' pe ca Iri' Jam pane cocon ma', howa pin ac cacain na ca pijim' nucun. Ja' ac tococwa na pain com quem. Ca tarama' nucucun, ca narima' nequequem quem, ja' ac tococwa na pain com.

Atos 8:25

Pijim' pijim' tiquin' ac cocon oro wari' na Pedro con João ma'. Tomi' hwet nonon con Jeju, pijim' pijim' ac cocon na pain capijacon Iri' Jam quem. Pi' pin iri na cocon ne, in mama' xin Jerusalém ta ac caca na. Pain ca xuruxut xuruxut caca ma', pijim' to ac cacain na oro ca paric to ne xirim pain Samaria ma'. Pijim' mi' pijim' mi' tata con Jeju oro wari' ma', pain ca to' witan xim cuhu' Jeju ta tococwa ma'.

Hebreus 4:13

Oro carawa ca tomi' ma' pin ca Iri' Jam ma', om ca xaraxa ca' ac con. Wari' quem, om ca xaraxa ca' ac xun quem. Om ca ma' camain' ne ca mam' tatep pa' ac xijexi' con. Querec querec pi' pin napari', taxi' taxi' pi' pin nain oro ca ara iri' quem. Main maqui' tara xec pain ca tomi' hwet xun iri' pain oro ca ara iri' quem.