João 4:3 - Tradução Bíblica Pacaas Novos

³ Taramaxicon nexi' Jeju ma', taxi' pin iri nonon oro fariseu ne, pain ca taraju cacain ca tomi' nucucun oro wari' ma', pain ca ma' mija caca co taxipa' pin nonon ma', maji ta ac caparut na, paca' ac urut pain na Judeia, in mama' ac urut pain na Galileia.

João 4:3 Iomraidhean Croise

Mateus 10:23

Mo ta quep em' to cucuhu' pain cidade ca to hwe ma', jein mama' ac hwein tara xijein cidade. Tomi' pe mi' inuhu' pain i ca' quem: Om ta mama' pi' pin querec hwein oro xijein cidade pain Israel ca', maqui' pa' ac xuhu' tara. Wata' pain ca Iri' Wari' ta' ca', maqui' pa' ac xuhu' tara pain ca taramaja taramaja wet nuhu' ta naparut.

Marcos 3:7

Maji ta ac ca na Jeju, mama' xin cacarain cote ne com ma' ac tococwa na co taxipa' ca ma', mama' ac caca na quem. Mija nana wari' co ja' ja' nonon. Om ca paric camain' caca. Maqui' nanain Galileia.

Lucas 17:11

Mama' xin Jerusalém ta ac ca na Jeju ma', mama' ac caca na. Xuruxut nanain wana ca ac mao nain cacarain Samaria je Galileia ma'. Pe nain quiricon xina Samaria ma', pe nain xijein quiricon Galileia ma', xuruxut mama' nanain wana ca ac nain ximijain.

João 1:43

Xec pin iri na ne, mao tain Galileia ta ac ca na Jeju. Mam' ac con na Filipe. Hap ra, ja' ja' ne ac con na.

João 10:40

Maji ta ac caparut na Jeju, in mama' ac urut pain na xijein cacarain Jordão cain. Mama' ac urut pain na ca ja' to cocon pain com oro wari' João cara pane, pain ca xo' ja' ten qui' ca com pain cara pane. Mon to wet ac urut pain na i cain.

João 11:54

Je ca mo mo pe ca' cocon oro wari' Jeju ma' quem. Om ca xut mao pe mami' cain Judeia. Maji pain oro xijein cidade ca to ja' pan nain mahweri cain ac caparut na pain ca taxipa' urut con ca', hwet ac urut cocon na oro wari' co to nanain ca paric to ne xirim pain Efraim. Mon to wet ac urut pain na i cain con.

João 2:11

Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.

João 3:22

Maji ta ac caparut na, mama' ac urut pain na Judeia. Wirico Jeju, warut pain ca taxipa' urut con ca' quem, mon to wet ac urut pain na i cain. Ja' ac cocon na pain com oro wari' Jeju quem.

João 3:32

Tomi' hwet paxi' nain ca querec pe cain pawin cain. Tomi' hwet paxi' nain ca taraju pe cain i cain quem. Ane om caca wari' co howa nanain ca tomi' nucun ne.

João 4:47

Tomi' ac caca na oro wari': Maqui' nain Judeia Jeju ta, wa' qui' nain Galileia ca' nana. Taraju iri na co ma' co caxi panxica ma' ne, mo hwet ac con na Jeju pain Caná. Jain jain na, mi' pin ta' na panxita' ta Jeju ac con na. Xiram pa' ne con. Mao rain xuru cain, pain Cafarnaum cain. Quep xio ron ta na ca tomi' con ma'.

João 7:1

Pi' pin iri na ca pijim' nucun Jeju ne, pain Cafarnaum ma', xut mao ac cain na Galileia. Noc inain ca xut mao wa pain Judeia ta na. Xut mao ni ca' nain, xi to ara cacain i cain oro taramaxicon nuxut co to' pa' pin xun nonon ta.