João 4:21 - Tradução Bíblica Pacaas Novos

²¹ Howa ne pain ca tomi' xim ca' narima' ac cam na. Wixicam pin ta' ara xi' na xec pain ca om in ac pe mami' tocwa Iri' Jam pain pacun ca'. Om ta in ac pe mami' tocwa pain Jerusalém quem.

João 4:21 Iomraidhean Croise

Mateus 18:20

Xi pe ho' ara toton co cut in xucucun pain ca howa cacapa' ta. Mo ta ma' 2 caca, mo ta ma' 3 caca, pe ho' inonon ta na ca tomi' caparut ma'.

Mateus 28:19

Je ca tomi' xuhu' ca': Hwet hwet xam' jujun oro wari' pain oro xijein macan'. Pijim' hwet jujun pain capija, ma' ta taxipa' cacapa'. Ja' jujun pain com quem. Ja' iri jujun ne, an hwet ac hwein tara wixicon Te, je pain wuxu pain ca Panxita' capa' ca', je pain wixinain Tamataracon quem.

Lucas 21:24

Ma' tatara co to' parapa' pin xun wawa pain cote ne quit, ma' tatara oro xucucun co quep xun wawa, cut mama' ac tococwa tara pain oro xijein macan' ma' quem. To' quiji' pin ac tococwa tara oro wari' nein Jerusalém. Oro tatirim co om judeu nana ma', wiricoco pan tatara co to' quiji' pin nonon. To' quiji' to' quiji' maqui' pa' ac cocon tara xec ca wara coromicat an pe xo' mi' cocon pain Iri' Jam pane.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 16:2

Mana' hwerehwet ca' tuturuhu' pain oro xirim ca cut in to xujuhu' ma'. Om ta corom mami' ac hwein. Om ta xica' pe ne ca mana' hwerehwet cucuhu' quem, main ma' tatara co to' parapa' pin xim nunuhu'. Coromicat ximama' tatara quem: Ara urut pain ca param nucun Iri' Jam pain ca to' parapa' pin urut cocon caram cwa' ta tatara pain ca coromicat pan teretem nucucun pahu'.

João 16:32

Tara pahu' ac caparut na. Wixicam pin na xec nein ca wawaran mama' xi' hwe ta. Maqui' pin iri na ta. Wawaran pi' pin ac hwe tara, mama' mama' pi' pin ac hwein tara xuruhu'. An pe pin xim mahu', xica' pe ac ta' tara pa'ao'. Om paxi' tara ca xica' pe ta' quem, xi pe ho' taxipa' ara capa' Te ta.

João 4:23

Ame ma e', main maqui' tara xec nein ca in ac xo' cocon Cotere' Iri' Jam oro wari'. Je Tamataracon tara ca mi' nonon pain. Mi' totoron pain ca in ac xo' cocon pain ca querec pin' iri'o' cocon quem. Wara maqui' pin na xec nein ca in ac ac i ma' cocon quem. Oro wari' co in ac ac i ma' nonon ma', wiricoco co param pan ca Cotere' Iri' Jam pain ca in ac tatarapa' ta cocon ma'.

João 5:25

Maqui' pin na xec nein ca tomi' toton ta' oro wari' co om howa querec nanapa' ma', co ac ca cono' caca na pain ca om howa cacapa' ma'. Taraju iri tatarapa' pain ca tomi' toton ta' ne. Mo ta howa pin cacapa', e' cara ac caca tara. Tomi' iri'o' inuhu' ta.

João 5:28

Ta wa ina me mahu' pain ca tomi' ne ca' me ac tococwa na. Main maqui' ta' ara xi' na xec nein ca taraju taraju pi' pin xin cacain ca tomi' ne oro wari' co wara cono' nana ma'.

Atos 6:14

Taraju urut con pain ca tomi' napat ca quem. To' pa horohot pin tarain cote ne xiricon Iri' Jam Jeju cara pane, co maqui' nain Nazaré pane. Tomi' ni ca' tarain ca xirao' nucun Moisés ca tomi' ha' taxipa' iri' ca' quem, ac i ma' na ca tomi' napat ca co cwa' ta. Ac i ma' na ca tomi' mixein ximama' nucucun ma'.

Efésios 2:18

Wirico Cristo co mi' napari' pain ca corom hwet xun Cotere' pain ca tomi' xun ca'. Warut pain ca judeu urut ca', wahu' pain ca om judeu hwe ma' quem, mi' mi' xam' napari' pain ca corom hwet xun. Xi xica' pe ara ne Tamataracon ca pe ho' pe ho' pi' pin napari' ta.

Efésios 3:14

Je ca tomi' mi' xuhu' con Cotere' cwa'. Pe torotop mi' inon.

1 Timóteo 2:8

Je ca tomi' toton co tomi' xun nonon Iri' Jam. Tomi' xun iri nonon pain oro ca cut in nucucun ma' ne, na e' na pain ca xumu xo' caca pain ca tomi' xun cocon ma'. Na e' na pain ca hohot cocon Iri' Jam ca xuruxut nucucun. Om ca na ne pain ca mana' caca pain ca tomi' cocon Iri' Jam. Om ca na ne pain ca tomi' caracan xucucun pain quem.

1Pedro 1:17

Tomi' xo' tomi' xo' xam' tarapari' pain oro carawa ca ara iri' Iri' Jam. Om ta tomi' querec te paxica' capari', an an ari tara ca tomi' nucun pain ca tomi' mi' xim capari' pain. Co om ara xo' nain ca ara nucun ma', wap ac tocwa tara. Co querec hohot ca pain ca ara nucun ma' iri na ne, om ta wap tocwa. Je ta in ac qui' hun quem. Tomi' ha' jun pain ca to to wet hwein macan' ca'. Xi Te ara hun ta.

Apocalipse 21:22

Om ca querec camain' tain xirim ca in ac pe tocwa Iri' Jam pain cidade ma' quem. Xi om ne ca pe pan ara cain Taramaxicon Iri' Jam co hwara' opa tamana pan ta. Pe nain co ma' co ac Wijimain Taramaji Ovelha ma' quem. In ac pan tata, to pan nanain maxinain xirim ca in ac to tococwa.