João 4:16 - Tradução Bíblica Pacaas Novos

¹⁶ Mo'o ron taxim, in qui' ac ma tara con ta ac cam na.

João 4:16 Iomraidhean Croise

João 1:42

Maji con, hwet xun Jeju ta ac con na cwaji' ca, hwet ac cocon na. Noro ac con na Simão Jeju. Tomi' ac con na: Simão na wuxum. Panxica João ma. O' ma' ni pin xim. Cefas pin ra ac con na. Pedro na ca tomi' mao nein ca Cefas wa pain capijaxut pain ca judeu urut ca', pain aramaico ca'.

João 21:17

Tomi' querec mami' ac con na quem. Je win 3 pin ne ca tomi' querec con ma': Simão, panxica João. Om ca noc mapa' na ca tomi' querec mami' con ma'. Tomi' xaxa' ac ca na Pedro. Para tama' tomi' querec capa' pain ca om ca noc mapa' capa' ca' ne? 3 pin na ca tomi' querec capa' ma' na ca coromicat nucun. Tomi' ac con na: Taxi' taxi' pi' pin main oro carawa ta Taramaxicon ne. Taxi' mapa' pain ca om noc xim ca' non. Je ca tomi' xim ca' ac con na Jeju. Querec wet roron oro wari' ne co an xiho' nanain ovelha ta non.

João 4:15

Xiram pa' ne e' ac cama na. Cam mi' ne pain com ca tomi' ma ma'. Om ac ne tara ca toc ta' com mami' ta'. Om ac ne tara ca cam mami' tain com pain i ca' quem na.

João 4:17

Om napa' tarama' ta ac cama na. Tomi' iri'o' ma pain ca om napa' tarama' ta ma ma' ac cam na.

João 4:18

Xi wara ma' 5 ara quem tarama' pane ta ac cam na. Om ca an xo' mon tarama' co pe ho' nem pain xocori ca' quem. Tomi' iri'o' ma ma' ira nam.

Hebreus 4:13

Oro carawa ca tomi' ma' pin ca Iri' Jam ma', om ca xaraxa ca' ac con. Wari' quem, om ca xaraxa ca' ac xun quem. Om ca ma' camain' ne ca mam' tatep pa' ac xijexi' con. Querec querec pi' pin napari', taxi' taxi' pi' pin nain oro ca ara iri' quem. Main maqui' tara xec pain ca tomi' hwet xun iri' pain oro ca ara iri' quem.

Apocalipse 2:23

To' parapa' pin toton oro co an xiho' nanam ma', co ac humaxicam nana ma'. Querec pin' ac cacapa' tara oro co howa nana ma', pain ca cut in xucucun pain oro cidade ma', querec pin' tatarapa' pain ca taxi' tain oro ca coromicat nucucun oro wari' ma', je pain ca taxi' tain oro ca param nucucun ma' quem. Wahu' pain ca pan teretem hwe ma', wap wap xam' xuhu'. Win hwe pane xuhu', win ne ca ara ara hwe pane xuhu', ac i ma' tara ca wap xuhu' ta.