João 4:12 - Tradução Bíblica Pacaas Novos

¹² Manain com ca', mi' napari' pain hwanana nexi' Jacó cara pane. Wirico co toc nain cominain, toc nanain mana panxica, toc nain oro winacon pane quem. Hwara' opa tiquin' ca' inon xi' ma mon pain ca cam mi' xim mapa' pain com ca to' e' cara nain ca wari' wa ra na ca tomi' con ma'.

João 4:12 Iomraidhean Croise

Mateus 12:42

Ac i ma' tara cam pacara pane quem, co taramaxicon pe ho' nonon oro wari' nein Sabá cara pane ac tococwa na. Main maqui' tara xec nein ca wap xim cuhu' Iri' Jam pain ca wari' nuhu' pain oro xec nexi' ca'. Wap xim iri turuhu' pain oro ca caracat nuhu' ne, xat ja' pan ac cuhu' tara taramaxicon nein Sabá cara pane, tomi' em' ac cuhu' tara: Em' nana caram cwa' ta turuhu'. Tomi' ac i ma' tara, xi maqui' ara camain iri' pira pain ca taraju wet ton con Salomão co taxi' tamana pane. Je ca tomi' xuhu' quem: Je xi taraju wet qui' mahu' pain ca tomi' pan xuhu' pain xocori ca' quem? Xi taxi' tiquin' ca' ara ton Salomão cara pane. Taxi' tiquin' ca' ton ca' ira inuhu' ta na ca tomi' tococwa ma'.

João 4:13

Om na, wari' co toc nain com ca', pe' mami' tara, toc ta' com mami' tara ta ac cam na.

João 4:20

Oro hwanana nuxut cara pane, in ac to taxipa' nonon Iri' Jam pain pacun ca', pain ca pe torotop mi' cocon ma' ac con na. Wahu' iri na ne, pain ca judeu hwe ma', tomi' ac hwe na: Na e' na pain ca in ac pe tocwa Iri' Jam pain Jerusalém ta, ac i ma' na ca tomi' hwe ma' non.

João 4:5

Xuruxut tiquin' xuruxut tiquin' ca' urut pain oro xijein cidade ca to nain Samaria, aram aram hwet ac urut pain na Sicar, je i ma' cidade ca hwet urut ma'. Sicar ma', pe ja' pan nain macaracon Jacó cara pane, ca mi' con panxica José pane.

João 4:6

Je ca pe ne manain com ca xe' ca Jacó pane quem. Cut xi' carawa ca cao' wa ta ac urut na pain ca taxipa' urut con Jeju ca', mama' ac urut pain na cidade. Jeju ma' iri na ne, xao pe ja' pan nain manain com ma'. Xi om ne ca jam' pin ara ca pain ca xut wa ta. Tocon xina pin na. Maqui' ac cama na narima' nein Samaria. Cam ta' com na. Tomi' ac cam na Jeju: Xiram pa' ne, cam mi' wijimain ne pain com ma' nam.

João 8:53

Hwara' opa tiquin' ca' inon xi' ma mon hwanana nuxut Abraão co mi' pin cara pane ra? Hwara' opa tiquin' ca' inonon xi' ma momon oro profeta co cono' nana pane quem ra? Cain' cain' xima quem? Tomi' xec xec a xima ta! Ac i ma' na ca tomi' cocon ma'.

Hebreus 3:3

Hohot paxi' na pain ca querec pin' tocwa Moisés pain ca taramaja xo' nucun pane, ane hohot tamana pan ne pain ca querec pin' tocwa Jeju ne, pain ca taramaja xo' tiquin' ca' con Moisés pane. Win ca wari' co quep nain xirim ma'. Hohot paxi' na pain ca querec pin' xine xirim pain ca quep awi xine ma', ane hohot tamana pan ne pain ca querec pin' tocwa wari' co taramaja xo' pain ca quep cain ne.