João 4:10 - Tradução Bíblica Pacaas Novos

¹⁰ Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

João 4:10 Iomraidhean Croise

Lucas 11:13

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain Tamataracon oro wari' co mi' ne nonon pain ra? Mi' pan totoron pain ta na ca tomi' tococwa ma'.

João 16:3

Ara ac i ma' tuturuhu', xi querec pin' cocon Te Iri' Jam ta. Om ca querec pin' cacapa' quem.

João 17:3

Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

João 4:14

Wari' co toc nain com ca mi' ta' ta' ca' iri na ne, om ta toc ta' com mami' ca. Com ca mi' ta' ta' ca', an xiho' nain ca hoi hoi ne com ca weweweo cara ma'. Weweweo pe tarain ximicon wari' co howa napa'. To' e' cara ac con tara, mi' ac tocwa tara pain ca pe ho' cara con Iri' Jam pain pawin quem na ca tomi' cam ma'.

João 6:35

Om na, wata' co Iri' Capam' ca mi' nain ca e' cara wa ta. Win ne ca to' e' cuhu' capam' pain ca cao' hwein ma', ac i ma' ina pain ca to' e' cara xuhu' ca' quem ac tococwa na. Wari' co hwet napa' ma', wari' co howa napa' ma', om ta jain jain mami' cain oro caramaji macan' ca to' e' non ma'. Ac ca om cao' xita' na mami' ca tara, ac ca om toc xita' na mami' ca tara pain ca mi' pan ton pain carawa ca to' hohot non con Te ta.

João 6:51

Wata' co Iri' Capam' ca mi' nain ca e' cara wa pain pawin. Quiji' qui' inain pawin ta. Wari' co cao' napa' pain ca Iri' Capam' ta' ca', e' cara ac ca tara pain pawin. Capam' ca mi' ta' ta' ca', je cwere ca'. Mi' tain cwere. Ma' ta e' caca oro wari' ta ina na ca tomi' tococwa ma'.

Atos 9:11

Hap ra ta Ananias ac con na. Mao rain wana ca Direita ne wixinain ma'. Parac iri rain ne, hwet ac main tara xiricon Judas. Pe ho' nem wari' co maqui' nain Tarso ra? Saulo na wixicon ac mon tara. Tomi' non Iri' Jam quem.

Romanos 8:32

Win ne ca om narain ho' capari' con Panxica pane, pain ca mi' pin caho' pin roron ta con pari' pane. Mi' napari' con, mi' mi' xam' napari' pain oro carawa con quem. Je ca tomi' xuhu' ca': Om ta mi' e' capari' pain oro carawa quem ra? Mi' e' tarapari' pain, xi wara mi' ara capari' con Panxica ta.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 10:4

Ac i ma' nanain com quem, toc toc pi' pin nanain com ca mi' cocon Iri' Jam quem. Om na xijein com ca toc caca, toc e' nanain com ca mi' cocon Iri' Jam pane, ca weweweo qui' nein pacun con Iri' Jam pane. Taraju wet je e', pacun ca weweweo qui' ne com pane, an xiho' non Cristo co tama' ja' ja' nonon pane. Wirico co querec wet nonon pane.

2 Coríntios 9:15

Je ca tomi' xuhu' ca'. Tomi' querec te xun Iri' Jam pain ca xiram pa' e' capari' ca', pain ca mi' e' capari' pain ca param nucun. Awi tamana na, om ca tomi' ac xine ca awi tamana nein ta.

Efésios 2:8

Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Hebreus 6:4

Tomi' xuxun oro wari' co wara taraju pa' paxi' nanain capijacon Iri' Jam ma', xi om ne ca toha mi' ara tococwa pain naran nucun pain ca coromicat nucucun ta. Wara querec pin' paxi' nanain oro ca mi' xim capari' Iri' Jam. Wara meo paxi' nonon Tamataracon quem.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.

Apocalipse 21:6

Tomi' tomi' tiquin' ac capa' na: Ara ara pi' pin inain oro ca ara ta' ta' ca'. Wata' co Alfa cwa', wata' co Ômega cwa', wata' co tomi' ma' pin nain oro carawa, wata' co to' pi' pin nain quem. Wari' co pe' ma', co toc ta' com ma', mi' ac ton tara pain ca toc wa comicon hoi hoi ma', ca mi' nain ca e' cara wa. Mi' e' ton pain, om ta pagar ne pain ton.

Apocalipse 22:17

Tomi' ac ne na Tamataracon Iri' Jam cam narima' co an ta' ca co ma' co ac Wijimain Taramaji Ovelha ma', maqui' hap ra ta ac caca na. Oro wari' co taraju nana ma', tomi' tatara quem, maqui' hap ra ta tatara. Oro wari' co pe' nana ma', co toc xi' com nana ma', maqui' tatara quem. Oro wari' co toc xi' nana ma', toc ac cacain tara comicon hoi hoi ma', ca mi' nain ca e' cara wa ma'. Comicon hoi hoi ma', mi' e' ac tococwa pain tara, om ta pagar cacain ta.

Apocalipse 7:17

Xi om ne ca querec wet xo' toton ara cocon co ma' co ac Wijimain Taramaji Ovelha ma', co pe ja' pan nain ca mam' xao pe ca Iri' Jam ma'. O mama' ac tococwa tara pain ca hoi hoi ne com ca mi' nain ca e' cara wa. Xiram pa' totoron Iri' Jam quem, xic cawain' xic cawain' pi' pin tarain comi tococon pain ca awaran nucucun ma'. Ac i ma' na ca tomi' capa' ma'.