João 3:7 - Tradução Bíblica Pacaas Novos

⁷ Je ca tomi' xim ca' Nicodemos ac con na. Ta wa ina me mapa' pain ca tomi' xim ca' me: Na e' na pain ca camara' qui' mami' hwe ta.

João 3:7 Iomraidhean Croise

João 3:12

Mo ta om howa mahu' pain ca tomi' hwet xuhu' pain oro carawa ca ara pe nain macan' ca', cain' xi howa ac mahu' pain ca tomi' hwet xuhu' pain oro carawa ca ara pe nain pawin cain quem?

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:6

Wari' co pan' qui' pain ca wanxi' con cote ca ma', panxica wari' e' na. Wari' co pan' qui' mami' pain ca meo cain ximicon Tamataracon Iri' Jam ma' iri na ne, panxica Iri' Jam na co ma'.

João 3:8

Win ne hotowa ma'. Pahop pahop xam' na. Taraju paxi' irin ca pahop nein ma', ane om taxi' xin ca maqui' nein pain ca mao nein ne. Ac i ma' na pain ca mam' camara' qui' mami' caca oro wari' pain Tamataracon Iri' Jam quem. Xi querec pin' xin ca taramaja nein pain ca meo nein ximicocon oro wari' co camara' qui' mami' nana ta. Ac i ma' na ca tomi' con Nicodemos Jeju ma'.

João 5:28

Ta wa ina me mahu' pain ca tomi' ne ca' me ac tococwa na. Main maqui' ta' ara xi' na xec nein ca taraju taraju pi' pin xin cacain ca tomi' ne oro wari' co wara cono' nana ma'.

Colossenses 1:12

Ma' ta tomi' querec te hun Cotere' quem urut pahu'. Wirico pan co to' hohot napari', pain ca main mi' xim xuhu' pain oro caramaju ca wara tomi' pe mi' xuhu' ca' capari' pain ca wari' ne capari' ca'. Ame hwe e', main cut xin irin pain pawin cain, ca toha pe ne naran nucun cain.

Hebreus 12:14

Win xumu jein i ca' quem, pain ca tomi' querec te xujuhu' pain ca jao jao ma' xujuhu' ma', je pain ca to ni ca' hwein ca caracat wa ma' quem. Wari' co om pe ni ca' nain ca caracat wa ma', om ta querec con Iri' Jam ta.

1Pedro 1:22

An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

Apocalipse 21:27

Om ta corom camain' caca oro wari' co to' em' xucucun pain ca pan teretem nucucun ma', cocon oro co ara taxipa' nanain oro ca om querec awi non Iri' Jam ma' quem, cocon co mixein nonon oro win ma' caca ma' quem, om ta corom camain' caca. Corom xica' to e' tatara oro wari' co xirao' to wa wixicocon pain tapari carawa nucun co ma' co ac Wijimain Taramaji Ovelha ma', corom xica' to e' tatara co xirao' to wa wixicocon pain ca e' cara xi' caca ma'.