João 3:5 - Tradução Bíblica Pacaas Novos

⁵ Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

João 3:5 Iomraidhean Croise

Mateus 18:3

Tomi' ac caparut na: Coromicat ni je. An xiho' jejem oro wixicacam hwijima' pain ca coromicat nequequem. Mo ta om an xiho' hwehwem pain ca om xec xec taxi' nequequem ca', om ta hwet camain' hun Iri' Jam pain ca taramaxicon pe ca pain pawin cain, tomi' iri'o' inuhu'.

Mateus 19:24

Win ne camelo ma'. Cote ne carawa na camelo. Ha' xirain pain ca corom nein wijimain manain ca mam' oc tocwa wom ra? Om xi ha' nein. I'ina xirain, om xi corom ac nein. Ac i ma' na con wari' co caramaju ma' quem. I'ina tamana non pain ca xin ne con Iri' Jam pain ca taramaxicon pe ho' ton con ta. Tomi' iri'o' inuhu' ta na ca tomi' caparut pane.

Mateus 21:31

Tomi' querec ac tococwa na: Ma' co tomi' ha' pan non cote ca quem tata. Wirico co pan' cain' ta nonon. Je ca tomi' xuhu' ca', tomi' iri'o' inuhu' ta ac tococwa na. Oro caracat ma', cocon oro caxicon wari' cacam oro caxicam narima' ma' quem, hohot nonon Iri' Jam, om ca i'ina cacam pain ca xin ne cocon Iri' Jam pain ca taramaxicon pe ho' tatam cacam ta. Wahu' iri na ne, om ca hohot hun Iri' Jam. I'ina tamana nuhu' pain ca xin ne hun pain ca taramaxicon pe ho' xim cuhu' ma'.

Mateus 28:19

Je ca tomi' xuhu' ca': Hwet hwet xam' jujun oro wari' pain oro xijein macan'. Pijim' hwet jujun pain capija, ma' ta taxipa' cacapa'. Ja' jujun pain com quem. Ja' iri jujun ne, an hwet ac hwein tara wixicon Te, je pain wuxu pain ca Panxita' capa' ca', je pain wixinain Tamataracon quem.

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Mateus 5:20

Je ca tomi' xuhu' ca': Tomi' ha' jein oro ca tomi' nucun Iri' Jam. Coromicat ac i ca' paxi' hwe pain xocori ca': Tomi' ha' nana oro fariseu ma', tomi' ha' nana oro co ca' na taxipa' nanain ca xirao' nucun Moisés ma' quem, ac i ma' paxi' na ca coromicat nuhu' pain xocori ca'. Ane tomi' pan xuhu' pain i ca' ne: Mo ta om tomi' ha' tiquin' ca' huhun pain oro ca tomi' nucun Iri' Jam ma', om ta to ho' camain' huhun oro wari' co taramaxicon pe ho' ca Iri' Jam ta. Tomi' iri'o' inuhu' ta.

Marcos 10:14

Querec iri nonon co taxipa' ca Jeju ne, pain ca tomi' in pin cacam ma', om ca hohot con. Mana' ac tococwa na. Ta narain ho' hwehwem pain ca hwet cacapa' hwijima' cwa' me ta. Ta tomi' in pin hwehwem me ta. Oro wari' co an xiho' nanam pain ca om xec xec nequequem ma', pain ca howa cacapa' ma', wiricoco tatara co taramaxicon pe ho' ca Iri' Jam ta.

Marcos 16:16

Tomi' ac tococwa na: Wari' co howa ma', co ja' com ma' quem, to' witan ca' ac tocwa tara pain ca caracat nucun. Wari' co om howa ma' iri na ne, em' ma ta ac tocwa tara, wap tamana ac tocwa tara ta.

Marcos 9:47

Mo ta to' caracat quem tucum ma' quem, pain ca querec param ximao main ca om awi wa ma', noro maho' rain e'. Ac ca hot pin main tara. Hohot na pain ca mao main pawin ca taramaxicon pe ca Iri' Jam ma', pain ca om ne tucum ma'. Cain' cain' xira quem? Hohot xira pain ca xin mi' xima pain cote ne xe ma', pain ca ma' ma' wet ne tucum ra? Om xi hohot ne ta.

Lucas 13:24

Ca taramaxicon pe ca Iri' Jam ma', an xiho' nain xirim ca corom ac xine pain wijimain man. Je ca tomi' xuhu' ca': Win xumu jein ca taramaxicon pe ca Iri' Jam. Jain jain je pain ca corom ac hwe pain wijimain manain xiricon. Xi iri'o' ara ne ca tomi' xim xuhu' ca': Main mija paxi' tatara oro wari' co corom xin nanain. Ane om ha' xun tococwa pain ca corom xi' wa ne.

Lucas 13:3

Om na ta, tomi' iri'o' inuhu'. Mo ta om cwirin' pin hwein ca caracat nuhu' ma', cono' cono' pi' pin ac hwe tara quem.

Lucas 13:5

Om na ta, tomi' iri'o' inuhu'. Mo ta om cwirin' pin hwein ca caracat nuhu' ma', cono' cono' pi' pin ac hwe tara quem na ca tomi' tococwa ma'.

João 1:13

Om ca to' mana panxica Iri' Jam tococwa cocon oro hwanana nucucun. Om ca to' mana panxica Iri' Jam tococwa cocon cote caca cacam jicocon pain ca ma' xirapari' pije' na cacama. Om ca to' mana panxica Iri' Jam tococwa cocon cote caca pain ca wanxi' tococwa quem. Wirico Iri' Jam pan na co mi' nonon pain ca mana panxica pin caca ma'.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:4

Cain' cain' xira quem ac ca na. Ma' na ca pan' qui' mami' ac ca wari' pain ca horon pin nucun ra? In hwet xirain monocwam jicon ra? Ac i ma' xira ca pan' qui' mami' ca ra na ca tomi' con ma'.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Atos 3:19

Je ca tomi' xuhu' ca' ac tococwa na. Cwirin' pin je. Coromicat ni pin je. Howa jun Iri' Jam, ma' ta xic am pin cain ca caracat nuhu'.

Romanos 14:17

Xi tomi' xeo pa' capari' Iri' Jam pain carawa ca cao' wa pain ca taramaxicon pe ho' capari' ta. Om ca tomi' xeo pa' capari' pain carawa ca toc iri' quem, om na. Ma' na xijein carawa ca tomi' capari': To' hohot pin nuhu' Tamatara ta napari'. Mi' nuhu' pain ca om toron ne xumuhu' Tamatara ta napari'. Ja' tomi' querec te nuhu' Tamatara ta napari' quem, je i ma' ca tomi' capari' Iri' Jam.

Romanos 8:2

Tamataracon Iri' Jam ma', ca hwara' opa ma', to' e' napari'. To' witan napari'. Xi om ne ca win cwere ara xun Cristo Jeju ta. To' witan ca' napari' pain ca hwara' opa nein ca caracat wa. To' witan ca' napari' pain ca hwara' opa nein ca cono' wa quem.

1 Coríntios 15:50

Je ca tomi' xuhu' ca' xere: Oro cwerexi' ca', pain ca ma' ne cwerexi' pain quixi' ca', om ta mama' ac nein ca taramaxicon pe ca Iri' Jam pain pawin cain. Oro cwerexi' ca cono' taxipa' ca', om ta mama' ac nein i cain. Xi cono' ra ha' wa pain i cain ta.

1 Coríntios 2:12

Om ca mi' capari' pain ca an xiho' xuxun oro wari' pain ca coromicat nucucun co om howa nonon Iri' Jam cwa'. Mi' napari' pain Tamataracon quem. Ma' ta querec pin' hwein oro caramaju ca mi' xuhu' ca' napari'.

1 Coríntios 6:11

Ma' paxi' nana win ma' nuhu' co ac i ma' nana pain cara pane. Ane hohoc pin cuhu' pain ca caracat nuhu' Iri' Jam ne. Iri' wari' ne pin inuhu' ta nuhu'. To' hohot pin nuhu'. Xi om ca Taramaxicon nexi' Jeju Cristo pain Tamataracon pahu'.

Gálatas 6:15

Mo ta wac xirac cacapari', mo ta om wac xirac cacapari', an an ari na con Iri' Jam. Om ca noro capari' pain i ma'. Noro e' nain ximixi' pain ca to' xocoricon wari' pin capari' ca'.

Efésios 5:26

Ma' ta to' hohot cuhu' Iri' Jam xuhu' ta napari'. Ac ca hohoc pin capari' na pain com ma'. Mam' to' om pin napari' pain ca em' nexi' pain capijacon quem.

1Pedro 1:2

Wara querec pin' nuhu' Cotere' Iri' Jam pain cara pane. Tora' nuhu', to' hohot pin nuhu' Tamataracon quem. Ma' ta tomi' ha' hun Jeju Cristo ta nuhu'. Ma' ta hohoc pin cuhu' pain quicon ta nuhu'. Param inon Cotere' Iri' Jam pain ca quep xiho' tamana cuhu' pain ca mi' cuhu' pain ca param nucun. Param inon pain ca mi' hwara' cuhu' pain ca om toron ne xumuhu' quem.

1Pedro 3:21

Com ca to' witan nanam pane, tomi' joc mam' mi' nain com ca ja' iri' pain ca howa nexi' pain xocori ca' quem. Ja' iri irin com ne, om ca hohoc xin homirixi', om na. An hwet e' irin ca wara tomi' xun Iri' Jam pain ca hohoc pin rain ca caracat ne pain xumu me xun ca'. To' witan pin napari', xi om ne ca to' e' mami' ara con Jeju Cristo ta.

1João 2:29

Wara taxi' hun pain ca ara xo' nucun ma', pain ca hohot con Iri' Jam pain oro ca ara nucun. Je ca taxi' hwein i ca' quem: Oro wari' co ara xo' taxipa' nana ma', pain ca hohot cocon Iri' Jam pain oro ca ara nucucun ma', wiricoco co mana panxica Iri' Jam nana quem.

1João 5:1

Mana panxica Iri' Jam nana oro wari' co howa nonon Jeju ma', pain ca Cristo ca ma'. Oro wari' co om noc nonon Cotere' Iri' Jam cwa', om ca noc cocon oro win ma' caca co Te nonon quem.