João 3:21 - Tradução Bíblica Pacaas Novos

²¹ Oro wari' co tomi' ha' taxipa' nonon Iri' Jam co iri'o' ma' iri nana ne, wixicam pin nanapa' pain ca ac naran ta' ca'. Ma' ta querec pin' cacaparut oro wari' pain ca quep xiho' caparut Iri' Jam pain ca tomi' ha' nuxut ta nana. Ac i ma' na ca tomi' con Nicodemos Jeju pane.

João 3:21 Iomraidhean Croise

João 1:47

Querec iri non Natanael Jeju pain ca maqui' ca ne, tomi' ac ca na: Wirico co ma' wari' nein Israel co xut xo' ma'. Om ca mixein camain' ca na ca tomi' ca ma'.

João 3:20

Oro wari' co caracat taxipa' nana cwa', noc nanapa' pain ca ac naran ta' ca'. Om ca wixicam jun na cacapa'. Ma' ta om querec pin' cacaparut pain ca caracat nuxut oro wari' cwa' ta nana.

João 5:39

Noro tamana paxi' hwein capijacon Iri' Jam ca xirao' pe xine ma'. Coromicat ac hwe na: Mo ta noro xin capijacon Iri' Jam ca', mam' ac xin tara ca om pi' ra ha' ne ca e' wa pain pawin ta paxi' na ca coromicat nuhu' ma'. Je capijacon Iri' Jam ca tomi' hwet pan napa' quem.

João 7:17

Wari' co ara tain nain ca param nucun Iri' Jam ma', querec pin' ac cain tara ca pijim' ne pain ca ca' na tain capijacon ca'. Querec pin' tarain pain ca om maqui' capa' ca'. Querec pin' tarain pain ca maqui' con Iri' Jam.

1 Coríntios 15:10

Ane xiram pa' e' capa' Iri' Jam ne. Wirico co mi' napa' pain ca pijim' wa capijacon. Xiram pa' napa'. Je ca ha' capa' pain ca pijim' tamana tain capijacon ca'. Taramaja tiquin' ca' inonon oro xucucun apóstolo. Om paxi' na ca wata' ne co taramaja cwa'. Wirico Iri' Jam co xiram pa' napa' pain ca taramaja wi capa' ca'.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

Gálatas 6:8

Ac i ma' iri' pain ca wari' nexi' pain ca xuruxut nexi' quem. Mo ta oin' e' xin ca pan teretem wa pain ca ara e' xin ca param ximama' pan nexi' ca', cut ac xin tara ca cono' wa pain ca wap capari' Iri' Jam. Mo ta oin' xin ca xuruxut xo' wa pain ca tomi' ha' e' xin Tamataracon Iri' Jam ma', cut ac xin tara ca e' cara wa. Je Tamataracon Iri' Jam tara ca mi' xim napari' pain ta.

Efésios 5:9

To pin iri irin xec ne, awi ac iri' na. Iri' wari' ac iri' na. Iri'o' ac iri' na quem.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Filipenses 2:13

Xi om ne ca wirico Iri' Jam ara ca co mi' nuhu' pain ca tomi' ha' xixi' na wa ma', wirico co mi' nuhu' pain ca ara hwein iri' ca param nucun quem.

Colossenses 1:29

Je ca taramaja tamana ta' ca', mija na ca taramaja ta' ca'. Mam' taramaja inain ca hwara' opa nucun Cristo co pe ho' napa' cwa' quem.

Hebreus 13:21

pain ca mi' cuhu' pain ca ara taxi' hwein ca awi wa ma', ma' ta ha' cuhu' pain ca ara hwein ca param nucun ma'. Param inon pain ca meo capari' pain iri' ximixi' ca', pain ca mi' capari' pain ca ara e' xin ca hohot pan non quem. Wirico Jeju Cristo ara xi' na co mi' napari' pain ca ara e' xin ca hohot pan non quem. Na e' na pain ca tomi' querec te cara xun co awi tamana ta! Amém, iri'o' na ca tomi' ne ta.

1Pedro 1:22

An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

1João 1:6

Tomi' ca' iri iri' ne, taxipa' inon Iri' Jam ta, am tomi' ac i ma' paxi' xi' pain ca xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Mo ta xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Om ca tomi' ha' xin capijacon Iri' Jam ca iri'o'.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.

Apocalipse 3:15

Taxi' inuhu' pain oro ca ara hwe ma'. Om paxi' na ca ari mahu', ane om win xumu mahu' ne. Win xumu xirarapa' na inuhu'. Tara pahu', mo ta om win xumu mip mahu', je i ma' xira ca ari mip mahu' ta.