João 3:16 - Tradução Bíblica Pacaas Novos

¹⁶ Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

João 3:16 Iomraidhean Croise

Mateus 9:13

Je ca tomi' xuhu' ca': Na e' na pain ca taraju pa' hwein capijacon Iri' Jam ca'. Je i ca' ca tomi' nucun: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' cuhu' Iri' Jam pain capijacon ca' tata. Je ca tomi' xuhu' ca' ac tococwa na. Om ca cwirin' je toton co wara xuruxut xo' nana ma'. Cwirin' je e' inonon oro caracat cwa', je ca maqui' ta' ca' na ca tomi' tococwa ma'.

Marcos 12:6

Xica' pe na wari' co pe ho' non waximain xitot ma', wirico panxica co om noc camain' ca ma'. Aram aram tomi' ac con na: Hwet roron quem arain. Cut pan rain memem ne cocon ta non. Ma ac ca na, mao ac ca na quem. Tomi' ha' totoron panxita' cwa' paxi' na ca coromicat nucun cote ca ira.

Lucas 2:14

Tomi' querec te tomi' querec te pi' pin nonon Iri' Jam oro co to nanain iri' pawin cain. Toron toron om pin tara ximicocon oro wari' co xiram pa' pan ca pain macan' ca' quem na ca tomi' caca ma'.

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 1:29

Xec pin iri na ne, querec ac con na Jeju João ma', pain ca xut hwet ton con ma'. Tomi' ac ca na: Noro jun co ma' co ac Wijimain Taramaji Ovelha nucun Iri' Jam ma'. Mi' pin pe rain maxicocon oro wari' ta non Iri' Jam pari'. Win ne wijimain taramaji ovelha ca mi' pin pe nain maxixi'. Xic am pin tain nain ca caracat nexi' ta na ca tomi' ca ma'.

João 10:28

Mi' inonon pain ca e' cara wa. Om ta pan' ara'am camain' caca. Quep xat cara inonon, om na wari' co coc xicot ca' ac napa' cocon.

João 3:15

Ma' ta e' cara e' cara xam' caca oro wari' co howa nanapa'. E' cara to ho' totoron Iri' Jam ta na ca tomi' con ma'.

João 3:18

Oro wari' co howa nanapa' ma', om ca tomi' mi' tococwa pain wap wa pain ca caracat nucucun. Oro wari' co om howa nana ma' iri nana ne, wara tomi' mi' tata pain ca wap wa pain ca caracat nucucun. Xi howa cacapa' pain ca xica' xat ta' pain ca Panxica ta' ca'.

João 3:36

Om ta pi' ra ha' ne ca e' nucucun oro wari' co howa nonon Panxica. To ho' cara totoron Iri' Jam pain pawin. Oro wari' co om tomi' ha' nonon Panxica cwa' iri nana ne, om ta to ho' cocon Iri' Jam pain pawin. Mana' pan ac tococwa tara, wap tamana cara ac tococwa tara quem.

João 6:40

Je ara xi' na ca param pan ca Te ma': Oro wari' co querec pin' nanapa' pain ca panxita' capa' ca', oro wari' co howa nanapa' cwa' quem, param tata pain ca e' cara caca pain pawin. Maqui' pin iri tara xec nein ca pi' pin ta' ne macan' ca' ne, to' e' mami' ac toton tara quem na ca tomi' tococwa ma'.

Romanos 5:10

Noc paxi' urun Iri' Jam pane ira, ane cut in pan capari' ne. Taxipa' pin ac urun na. Xi mi' pin ara ca Panxica ta. Wirico Panxica co to' taxipa' pin napari' con, taxi' urun. Je ca taxi' mip xun pain i ca' quem, pain ca main to' witan pin xim capari' ca', xi e' ara ca ta.

Romanos 5:8

Ane jimao ca Iri' Jam ne. An hwet mi' ara xi' napari' pain ca om noc capari' ca', xi om ne ca mi' pin caho' ara capari' Cristo ta. Mi' pin caho' napari' pain ca caracat caracat wet nexi' pane.

Romanos 8:32

Win ne ca om narain ho' capari' con Panxica pane, pain ca mi' pin caho' pin roron ta con pari' pane. Mi' napari' con, mi' mi' xam' napari' pain oro carawa con quem. Je ca tomi' xuhu' ca': Om ta mi' e' capari' pain oro carawa quem ra? Mi' e' tarapari' pain, xi wara mi' ara capari' con Panxica ta.

Efésios 2:4

Ane xiram pa' tamana capari' Iri' Jam ne. Om ca noc camain' capari'.

2 Tessalonicenses 2:16

Tomi' mi' urut pahu' con Taramaxicon nexi' Jeju Cristo con Cotere' Iri' Jam. Om ca noc capari' Iri' Jam. Om ca pi' ra ha' ne ca to' hwara' opa cara capari'. Xiram pa' napari' pain ca mi' e' capari' pain ca momon winim' xun pain ca main mi' xim capari' pain carawa ca awi ca wara coromicat an pe xo' mi' capari' quem. Om xi mi' capari' pain, xi iri' wari' iri' ta. Ane xiram pa' pan capari' ne. Je ca mi' e' capari' pain.

Tito 3:4

Ac i ma' paxi' iri' pane ira. Ane xiram pa' capari' Iri' Jam co to' witan napari' ne. An hwet mi' iri napari' pain ca xiram pa' nucun ne, je pain ca tomi' querec te tomi' querec te xam' capari' ma',

Hebreus 2:9

Ane taxi' xun Jeju ma' ne, pain ca querec pin' tocwa pain ca awi tamana nucun ma', je pain ca in ac tamana tocwa ma', xi om ne ca mi' pin caho' ara capari' ta. Xiram pa' ara xi' napari' Cote ca ma'. Je ca tomi' ca' con pane: Mi' xim pain ca hwara' opa tiquin' ca' quequem oro jam co taramaja mi' nanapa' cwa'. Ma' ta mi' pin caho' momon oro wari' ta non. Om ta momon hwara' opa tiquin' ca' quequem, to' hwara' opa hap mami' ac xim tara ta, ac i ma' na ca tomi' con pane.

1João 3:1

Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.

1João 4:19

Om ca noc xun Iri' Jam, om ca noc xijexi' quem, xi om ne ca wirico pan ara ca co om noc cain' napari' ta.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.