João 3:13 - Tradução Bíblica Pacaas Novos

¹³ Om ca ma' camain' ca xucun wari' co piri' mao nain pawin ta ac con na. Xica' pe ina pain ca Iri' Wari' ta' ca', xica' pe ina pain ca piri' mao tain pawin cain. Xi quiji' qui' ara tain i cain ta non.

João 3:13 Iomraidhean Croise

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

Mateus 8:20

Tomi' ac con na Jeju: Noro rain oro carawa pain mi ma'. Ma' ma' xam' nain ca pi'am to nein. Noro rain oro me ma' quem. Ma' ma' xam' nain xirinain quem. Wata' iri na ne, pain ca Iri' Wari' ta' ca', om napa' xirim ca pe xo' ta' ca' na ca tomi' con ma'.

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 13:3

Ane wara tomi' con Jeju Cote ca ne: Wum co iri' Taramaxicon. Taramaxicon pe ho' rain oro carawa cocon oro wari' quem ta non. Taxi' nain i ma' Jeju quem. Taxi' xucun pain ca maqui' con Iri' Jam, taxi' xucun pain ca in hwet ton con quem.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 3:12

Mo ta om howa mahu' pain ca tomi' hwet xuhu' pain oro carawa ca ara pe nain macan' ca', cain' xi howa ac mahu' pain ca tomi' hwet xuhu' pain oro carawa ca ara pe nain pawin cain quem?

João 3:31

Jeju co maqui' pawin cain, hwara' opa tiquin' ca' nonon oro wari' pain macan' ca' ac tococwa na. Wata' pain ca wari' ta' ca' iri na ne, wari' nein macan' e' ina. Tomi' hwet e' inain oro carawa ca ara to nain macan'. Ane maqui' pan cain pawin Jeju ne. Hwara' opa tiquin' hwara' opa tiquin' xam' ca' napari' pain ca wari' nein macan' iri' ca'.

João 6:33

Je ca tomi' xuhu' ca' ac tococwa na. Iri' Capam' nucun Iri' Jam ma', ca mi' ca ma', maqui' nain pawin. Mi' nonon pain ca e' cara wa oro wari' pain macan' ca' ac tococwa na.

João 6:38

Pain ca quiji' qui' tain pawin pane, om ca maqui' ta' pain ca ara tain ca param pan ne ta', om na. Ara tain ca param nucun Te co hwet roron oro wari' ta napa', je ca ara ta' ta' pain ca quiji' qui' tain pawin pane.

João 6:42

Cain' cain' xira co cwa' ne ta ac caca na. Om ca Jeju panxica José ca ron? Querec pin' urut con cote ca cam jicon quem. Para tomi' cain i ma', pain ca quiji' qui' inain pawin ta ca ma' ne? Om ca na ne pain ca tomi' ac i ma' ca ta! Ac i ma' na ca tomi' caca ma'.

João 6:46

Taraju pa' hwe? Wari' co taraju non Te ma', taraju e' non. Om ca querec con. Xi ma' ca wari' co querec non Te cwain. Xica' pe ina pain ca maqui' tain ca pe pan ca Te cwain, wara querec inon ta.

João 6:51

Wata' co Iri' Capam' ca mi' nain ca e' cara wa pain pawin. Quiji' qui' inain pawin ta. Wari' co cao' napa' pain ca Iri' Capam' ta' ca', e' cara ac ca tara pain pawin. Capam' ca mi' ta' ta' ca', je cwere ca'. Mi' tain cwere. Ma' ta e' caca oro wari' ta ina na ca tomi' tococwa ma'.

João 6:62

Cain' cain' xi' hwe pain ca aram aram querec xim mahu' pain ca piri' in mao tain pawin quem? Wata' pain ca Iri' Wari' ta' ca', main in mao tain pawin ca wara pe ta' pane. Cain' cain' xim mahu' quem?

João 8:42

Mo xi te iri'o' hun Iri' Jam ma', om ac ne xira ca noc mahu' ta ac tococwa na. Xi maqui' ara ton Iri' Jam ta. Je ca pe ho' xuhu' ca'. Om ca maqui' ta' pain ca param pan ne. Wirico Te co hwet roron ta napa' pahu'.

Atos 2:34

Taxi' urun hwanana nexi' Davi pain ca om xirao' pe pan xucun pain ca xirao' pe ca con Jeju ma', xi piri' mao pan cain pawin ta. Jeju pan co piri' mao nain pawin. Wara xirao' pe ac i ca' na Davi pane, pain ca tomi' mi' con Cristo pane. Ca' na ca xirao' pe ca pane: Tomi' non Taramaxicon ne Iri' Jam co iri' Taramaxicon ma': Xao pe ho' ne pain iri' cwere ca'.

Atos 20:28

Ma' tara xumuhu' me, ara xite xujuhu' pain ca xuruxut xo' hwe ma' ac tococwa na. Querec wet jujun oro wari' co howa nonon Jeju pain Éfeso ma'. Win ne ca querec wet jujun ta cuhu' Tamataracon Iri' Jam ca'. Ac oro ovelha nuhu' ara xi' nana. Ac pastor co querec wet taxipa' nain winacon je, querec wet jujun, pa' mi' jujun pain ca cut in xucucun pain ca wari' nucun Iri' Jam caca ma'. Mam' to' witan ara xi' tata pain quicon Panxica pane ta.

Romanos 10:6

Ane xirao' pe ca' xine capijacon Iri' Jam ne, pain ca tomi' capari' pain ca to' hohot pin e' tocwa wari' pain ca howa nucun ca'. Ca' na ca tomi' capari': Om ca na ne pain ca coromicat ximama' ca' hwe: Piri' mama' xin pawin cain, o in qui' ac xun tara Cristo. Ma' ta to' hohot capari' Iri' Jam ta, om ca na ne pain coromicat ac i ma' hwe ma', ac i ma' na ca xirao' pe xine pain capijacon Iri' Jam pane.

1 Coríntios 15:47

Wari' co ma' cain' pane, wirico Adão cara pane, maqui' nain macan'. Xucun wari' co maqui' pa'ao' ma' iri na ne, wirico Cristo ma', maqui' nain pawin.

Efésios 1:23

Curucun iri' pain ca howa xun ca'. Wirico co win cwere napari' pain ca mi' capari' pain ca hwara' opa tamana nucun, wirico co mi' napari' pain ca taxi' tamana nucun quem. Pe ho' pe ho' pi' pin nain oro carawa quem.