João 3:12 - Tradução Bíblica Pacaas Novos

¹² Mo ta om howa mahu' pain ca tomi' hwet xuhu' pain oro carawa ca ara pe nain macan' ca', cain' xi howa ac mahu' pain ca tomi' hwet xuhu' pain oro carawa ca ara pe nain pawin cain quem?

João 3:12 Iomraidhean Croise

João 3:11

Warut pain ca pijim' urut pahu' ca', tomi' hwet paxi' urut pahu' pain ca taxi' nuxut. Tomi' hwet paxi' urut pahu' pain ca querec nuxut quem. Ane om howa jein na hwein ca tomi' nuxut ne. Tomi' iri'o' inem ta.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

João 3:8

Win ne hotowa ma'. Pahop pahop xam' na. Taraju paxi' irin ca pahop nein ma', ane om taxi' xin ca maqui' nein pain ca mao nein ne. Ac i ma' na pain ca mam' camara' qui' mami' caca oro wari' pain Tamataracon Iri' Jam quem. Xi querec pin' xin ca taramaja nein pain ca meo nein ximicocon oro wari' co camara' qui' mami' nana ta. Ac i ma' na ca tomi' con Nicodemos Jeju ma'.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 5:11

Mija mija wet paxi' na ca tomi' xo' xim xuhu' con Jeju cwa', pain ca an xiho' con Melquisedeque cara pane. Ane i'ina capa' pain ca tomi' xo' xuhu' ne, xi taraju wet hwe ta. Ac ca horoman pin cuhu' na ca taraju wa.

1João 4:10

Pain ca om noc xun Iri' Jam ma', tomi' querec te paxi' urun. Ane om noc iri'o' pan capari' ne. Je ca mam' capari' con Panxica pane. Pe rain maxicocon, mi' pin caho' roron, xic am pin rain ca caracat nucucun ta non pari'. Je ca querec pin' xun pain ca om noc iri'o' capari' ta.