João 3:11 - Tradução Bíblica Pacaas Novos

¹¹ Warut pain ca pijim' urut pahu' ca', tomi' hwet paxi' urut pahu' pain ca taxi' nuxut. Tomi' hwet paxi' urut pahu' pain ca querec nuxut quem. Ane om howa jein na hwein ca tomi' nuxut ne. Tomi' iri'o' inem ta.

João 3:11 Iomraidhean Croise

Mateus 11:27

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

Mateus 23:37

Tomi' xaxa' ina pahu' ac tococwa na oro wari' nein Jerusalém. Wahu' paxi' nana co to' parapa' nonon oro profeta pane. Wahu' paxi' nana co to' to' cono' pin nonon pain pacun oro wari' co mam' cuhu' Iri' Jam pane quem. Ane xiram pa' xuhu' ne. Om ca noc camain' xuhu'. Tama' cut in xuxuhu' na paxi' inuhu'. Tama' querec wet xuxuhu' na paxi' inuhu'. Win con jicon me pain ca cut corom to con oro wixicon pain tapaxicon ma', ac i ma' xuhu' paxi' inuhu' ta. Ane noc mahu' ne.

Lucas 10:22

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

João 1:11

Pe paxi' nain macaracon, ane om tomi' querec te cocon oro win ma' ca ne.

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 12:49

Xi maqui' nein ca coromicat ne oro ca tomi' ne ta. Maqui' non Te co hwet roron oro wari' ta napa'. Wirico co tomi' mi' napa' pain oro ca tomi' ne. Wirico co mi' napa' pain ca pijim' ne.

João 14:24

Wari' co noc napa' ma', om ca tomi' ha' cain ca tomi' ne. Oro capija ca tomi' xuhu' ca', om ca maqui' nein ca coromicat ne. Maqui' pan non Te co hwet roron oro wari' napa' ta naparut.

João 3:12

Mo ta om howa mahu' pain ca tomi' hwet xuhu' pain oro carawa ca ara pe nain macan' ca', cain' xi howa ac mahu' pain ca tomi' hwet xuhu' pain oro carawa ca ara pe nain pawin cain quem?

João 3:13

Om ca ma' camain' ca xucun wari' co piri' mao nain pawin ta ac con na. Xica' pe ina pain ca Iri' Wari' ta' ca', xica' pe ina pain ca piri' mao tain pawin cain. Xi quiji' qui' ara tain i cain ta non.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

João 5:43

Hwet paxi' inuhu', xi om ne ca hwet roron ta ara capa' Te pahu'. Ane noc mahu' ne. Hwet iri nuhu' wari' pain ca param pan nucun ne, tomi' querec te ac hun na.

João 7:16

Tomi' ac tococwa na: Oro ca pijim' ne ca', pain ca ca' na toton pain capijacon Iri' Jam oro wari' cwa', om ca maqui' pan capa'. Maqui' non Iri' Jam co hwet roron oro wari' ta napa' pane.

João 8:14

Wata' paxi' na co tomi' hwet nuhu' pata' ac tococwa na. Ane iri'o' ne ca tomi' hwet xuhu' ne. Xi taxi' pan ara xije pain ca maqui' tain pawin ta. Taxi' xije pain ca in mao tain ta' quem. Wahu' iri na ne, om ca taxi' mahu' pain ca maqui' ne. Om ca taxi' mahu' pain ca mao ta' ta' quem.

João 8:26

Mija mija wet paxi' napa' oro ca tomi' xim xuhu' ca'. Mija mija wet paxi' napa' oro ca tomi' xo' xim xuhu' pain oro carawa ca ara pan teretem hwe ma' quem, pain ca em' hwe ta xim xuhu' ca' quem. Ane noc tain ne. Xi tomi' hwet e' ara xuhu' pain ca taraju ta' con Te co hwet roron oro wari' ta napa' ta. Iri'o' na ca tomi' nucun quem. Ac i ma' na ca tomi' tococwa ma'.

João 8:38

Tomi' hwet inuhu' pain oro carawa ca querec ta' pain ca pe ho' pe ho' wet ton Te pane. Wahu' iri na ne, ara hwein ca ca' na cuhu' cote hwe ma' na ca tomi' tococwa ma'.

Atos 22:18

Ac ca querec ton na Taramaxicon ne Jeju. Hap ra ac capa' na. Paca' hap rain Jerusalém ca', xi howa je na caca oro wari' cwa'. Om ta howa quequem pain ca tomi' hwet mapa' cocon ta napa'.

2 Coríntios 4:4

Wirico Caxicon Jam co ac Iri' Jam nonon oro co om howa nonon Cristo ma', wirico co to' i'ina nonon pain ca coromicat xo' nucucun. Ac ca to' om pin cain na tococon pain ca om coromicat nucucun. Ma' ta om taraju pa' hwe ta nonon. Ma' ta om querec pin' hwein naran nein capijacon Iri' Jam ca an hwet pe nain ca toc meremem nucun Cristo pain ca hwara' opa tamana nucun ma' nonon. Wirico Cristo ara xi' na co an tan pan non Iri' Jam ma', iri' wirico na.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.

Apocalipse 3:14

Tomi' ac capa' na: Xirao' mi' ron co ma' co querec wet nonon co howa to nanain Laodiceia. Xirao' mi' ac i ca' ron: Je i ca' ca tomi' xim cuhu' Iri' Wari' co wara tora' ca Iri' Jam pane, wirico co iri'o' ma'. Je i ca' ca tomi' xim cuhu' co Amém na wixicon ma', co om mixein camain' pain ca tomi' hwet cain oro ca iri'o' wa con Iri' Jam ma', co taramaxicon pe ho' nain oro carawa jimao ca tomi' ma' pin ca Iri' Jam pane. Tomi' ca' xim nuhu':