João 21:7 - Tradução Bíblica Pacaas Novos

⁷ Wata' pain ca iri' win ma' ne capa' Jeju ca', querec pin' inon. Tomi' ac ton na Pedro: Taramaxicon nexi' na co ma' ta inon. Taraju iri napa' Pedro ne, pe hap ac con na womicon co an pe ca ma', pocom hwet ac con na.

João 21:7 Iomraidhean Croise

Marcos 11:3

Mo ta ma' i ma' pahu' quem cuhu' wari' ma', mo ta para tacom' hot hwein quem cuhu', tomi' ac hun tara: Om na, param inain na Taramaxicon nuxut ta ac hun tara. An in qui' ho' tain na ta jun quem na ca tomi' tococwa ma'.

Lucas 12:35

Tama' awori to je pain ca winim' mahu' pain ca in qui' ta' ne ac tococwa na. Win caca wari' co winim' xo' nonon taramaxicon nucucun co hwet non win ma' ca co an tam nam narima'. Wara hwet non, tomi' querec te wi ac caca na, aram aram in mao ta' ta ac ca na. Caram ma' co taramaja mi' e' nonon ma', awori to nana pain ca winim' cocon taramaxicon nucucun, tom xo' nanain oro naran nucucun, winim' xo' ac cocon na pain ca in qui' ta' nucun. Ma' ta pa mi' hap xun pain manain xirim pain ca xo' tataca ca ma' nana.

Lucas 2:11

Pan' qui' na wari' co to' witan xim nuhu' ta. Xo' pan' nain xim ca'. Pan' pe nain Belém ca', ca pan' pe pan ne ca pije' nucun taramaxicon Davi cara pane. Pije' co xo' pan' cwa', wirico co Cristo ma', co iri' Taramaxicon ma'.

Lucas 7:47

Je ca tomi' xim ca' ac con na. Mija paxi' na ca caracat nequem cam cwa'. Ane xic am pin xine ne. Je ca tomi' querec te tamana capa' ca'. Wari' co xic am pin xine pain wijimain ca caracat nucun ma' iri na ne, tomi' querec te wijimain e' napa' quem na ca tomi' con Simão.

João 13:23

Iri' win ma' ne napa' Jeju. Xao pe ja' pan inon.

João 19:26

Querec nam jicon Jeju ma'. Querec napa' pain ca pe ja' pan tam quem. Iri' win ma' ne napa' Jeju. Querec iri naparut ne, tomi' ac cam na jicon: Cawiji ron ta nam pata'.

João 20:2

Mo hwet ac caparut na Maria Madalena. Simão Pedro, wata' pain ca iri' win ma' ne capa' Jeju ca', mo hwet naparut Maria. An hwet ca' nonon pain manain pacun Taramaxicon nexi' ta naparut. Om ca taxi' urut pain ca an terem' pe cocon quem naparut.

João 20:20

Tomi' iri nain i ma' ne, mam' pe mi' ac caparut na pain manain prego pain micon je manain quit pain quiricon ma' quem. Querec iri urut pain con ne, tomi' querec te tamana ac urut con na.

João 20:28

Taramaxicon ne! Iri' Jam ne! Ac i ma' na ca tomi' con ma'.

João 21:20

Noro in ac ca na Pedro. Querec ac capa' na pain ca ja' ja' toton ma'. Wata' co iri' win ma' ne ca Jeju quem. Wata' co xao pe ho' non Jeju pain ca cao' querec te nuxut pane, co joc tomi' non Jeju pain ca ma' co tomi' mi' xim nem cocon oro taramaxicon quem ton pane.

João 21:24

Wata' pain ca taxipa' ton Jeju ca', tomi' hwet pan inuhu' pain oro ca ara ca Jeju pane. Xirao' pe mi' inuhu' pain quem. Taxi' urut pain ca tomi' iri'o' ta' ca' quem.

João 21:8

Warut iri na ne, horoho hwet ac urut pain na cacarain. Cuc in qui' ac urut pain na caji wi con hwam pain com ma' quem. Xi to xipana ara urut ta. Ac ca 100 e' ne na metro nein ca to pira ca' urut pain cacarain.

Atos 10:36

Taxi' hun Iri' Jam pain ca wara tomi' hwet caparut pain ca wari' nein Israel urut ca', pain ca ha' pin cuhu' pain ca toron toron om pin ne xumuhu' pain ca caracat nuhu', xi om ca Jeju Cristo co taramaxicon pe ho' taramaxicon pe ho' pi' pin nonon oro wari' ta caparut pane.

Atos 2:36

Je ca tomi' xuhu' ca' oro win ma' ne ac tococwa na. Wahu', oro win ma' iri' pain ca wari' nein Israel iri' ma' quem, taraju pa' jein i ca' con Jeju cara pane, co tatatain mi' hwe pain pana pane: To' taramaxicon pin non Jeju Iri' Jam ta. Wum co Cristo ma', co wara tomi' pe ta' pane. Taramaxicon pe ho' roron oro wari' ta non pari'. Ac i ma' na ca tomi' cocon oro wari' Pedro ma'.

1 Coríntios 15:47

Wari' co ma' cain' pane, wirico Adão cara pane, maqui' nain macan'. Xucun wari' co maqui' pa'ao' ma' iri na ne, wirico Cristo ma', maqui' nain pawin.

2 Coríntios 5:14

Ac ca cuc cuc caparut na Cristo cwa', pain ca pijim' xixi' na urut ca', xi querec pin' ara urut con pain ca om noc tamana capari' ta. Taxi' urut con pain ca mi' pin caho' capari'. Xica' pe xat paxi' na, ane mi' pin caho' mi' pin caho' xam' capari' ne. Je ca ac ca cono' cono' pi' pin iri' ne quem.

Tiago 2:1

Je ca tomi' xuhu' ca' xere. Wahu' pain ca howa hun Taramaxicon nexi' Jeju Cristo co awi tamana ma', pain ca om caracat nucun pain ca hwara' opa tamana nucun ma', om ca ha' ne pain ca tomi' querec te paxica' huhun oro wari' ta.