João 21:5 - Tradução Bíblica Pacaas Novos

⁵ Tomi' querec ac caparut na: Hwijima'. Pa' hwe quem ac caparut na. Om na, om ca pa' camain' urut ta ac urut na.

João 21:5 Iomraidhean Croise

Mateus 14:15

Irawin pin iri na ne, mo tomi' xun Jeju ta ac urut na pain ca taxipa' urut con ca', xuruxut hwet ac urut con na. Irawin pin na ta Jeju. Om nain i ca' xirim ca cut pe xine carawa ca cao' wa quem urut con. Mama' je ximomon oro wari' cwa'. Ma' ta mama' cacain oro ca paric to ne xirim ma', cut pan ac cacain tara carawa ca cao' wa ta na ca tomi' urut con.

Marcos 8:7

Ma' paric ca' e' nonon oro wixicon hwam quem. Tomi' querec te urut pum pain ca mi' maparut con hwam cwa' quem Te ac ca na, maxiram' mi' jujun con ta ac tococwa na co taxipa' ca ma' quem.

Filipenses 4:19

Iri' Jam ne cwa', co taramaja mi' ta' cwa', mija tamana na oro caramaxicon. Je ca ha' con pain ca mi' mi' pi' pin xim cuhu' pain oro ca param nuhu' pain ca ximin nuhu' ma'. Xi om ne ca win cwere ara hun Cristo Jeju ta.

Hebreus 13:5

Ta win xumu ximama' hwein oro caramaji macan' me, pain ca caramaju xita' na ina me hwe ma'. Carawa ca wara ma' nuhu' ma', hohot napa' ta jein. Xi tomi' pe mi' ca' ara capari' Iri' Jam ta: Om ta an pe camain' xuhu'. Om ta in ca' camain' xuhu' ta, ac i ma' na ca tomi' pe capari' ta.

1João 2:13

Xirao' mi' inuhu' pain ca wara horon hwe ma' quem. Xi om ne ca querec pin' ara hun co wara ma' ma', pain ca om om wet ne macan' pane. Wahu' pain ca xo' horon hwe ma' quem, xirao' mi' inuhu'. Xi om ne ca to' quiji' pin ara hun Caxicon Jam ta.

1João 2:18

Je ca tomi' xuhu' ca', pain ca ac ca mana panxita' xuhu' ne ca'. Wixicam pin na xec nein ca pi' pin ta' ne macan' ca'. Maqui' nain i ma' wari' co noc tamana non Cristo ma', co ari mip non ma'. Wara taraju hun pain ca maqui' ta' nucun. Wara mija pin nana oro win ma' ca co ari nonon Cristo pain ca noc cocon ma' quem. Je ca taxi' xin ca wixicam pin ne xec nein ca pi' pin ta' ne macan' ca'.