João 21:3 - Tradução Bíblica Pacaas Novos

³ Pa' ta' hwam ina ta ac caparut na Simão Pedro. Warut quem, hwet xut pum ta ac urut con na, mama' mama' pi' pin ac urut na, piri' to ac urut pain na mam' horoho wa ma'. Pa' towa xi' paxi' urut, ane om pa' camain' urut ne.

João 21:3 Iomraidhean Croise

Lucas 5:5

Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

João 21:4

Xec pin ta' iri na ne, om ca xec homa ne, xat pe ac cain na cacarain com Jeju. Wirico paxi' na. Ane om querec pin' urut con ne.

Atos 18:3

Oc taxipa' nain caji xirim Paulo pane, je i ma' ca taramaja nucun. Oc taxipa' nain caji xirim Áquila cam Priscila ma' quem. Je ca pe ho' cacam Paulo ma'. Taramaja to ho' ac xequequem na.

Atos 20:34

Taxi' mahu' pain ca taramaja pan ta' pane. Cut pan inain dinheiro ne, ma' ta cut tain carawa ca cao' wa je oro carawa ca param ta' ca' ina pane. Cut mi' inonon pain oro win ma' ta' quem.

1 Coríntios 3:7

Je ca tomi' xuhu' ca': Wari' co oin' nain tocwi ma', om xi in ac tocwa. Wari' co cam xo' nain ma' quem, om xi in ac tocwa quem. Iri' Jam pan xira co in ac wa pain ca to' tarama' cain ta.

1 Coríntios 9:6

Cain' cain' ne ca coromicat nuhu' pata'? Cain' cain' ne ca coromicat nuhu' con Barnabé ma' quem? Om ca hohot ne pain ca mi' cacaparut pain dinheiro mam' cut urut pain carawa ca cao' wa pain ca taramaja mi' urut con Taramaxicon nexi' ra? Hohot ne ma' ira.

1 Tessalonicenses 2:9

Om ca mam' pe wet maparut pain ca taramaja tamana nuxut pain ca cut xin urut pain dinheiro ca mam' cut urut pain carawa ca cao' wa pane ra xere? Mam' pe wet maparut pain ma' ira. Jam' tamana urut pane. Ca taramaja urut, ca pijim' pijim' mi' ac urut pahu' na pain capijacon Iri' Jam con Jeju, ca taramaja taramaja urut, ca pijim' pijim' ac urut na pane. Pain xec je pain xim, taramaja tamana urut pane. Ma' ta om to' i'ina xuxun pain ca tama' xiram pa' xut xuxun ta urut pahu'.