João 2:9 - Tradução Bíblica Pacaas Novos

⁹ Toc querec ac cain na. Comi uva pin na com ta. Co taramaja to nanain i ma', taxi' nanain ca maqui' ne comi uva ma'. Co ma' co querec wet nain carawa ca cao' querec te caca ma' iri na ne, om ca taxi' cain. Je ca hap ra con co an tam narima' ma'.

João 2:9 Iomraidhean Croise

Mateus 27:34

Wara joc wanan nanain comi uva pain waraqui pana ca wijein' tamana ma'. Ma' ta! Toc rain ta nonon. Toc querec iri nain ne, noc inain ta ac ca na quem.

Mateus 9:15

Om na, noro jujun oro wari' co tomi' querec te xucucun pain ca an tam narima' ca win ma' nucucun ma' ac tococwa na. Ma' tara ca tomi' xaxa' ac caca pain ca pe ho' pe ho' wet cocon win ma' nucucun co an tam nam narima' ra? Om ca an to ac cacain, xi tomi' querec te ara caca ta. Ame hwe e', main maqui' tara oro xec nein ca an ca' tococwa con, an to pin ac cacain tara ca cao' wa con ac i ma' na ca tomi' tococwa ma'.

João 2:8

Cam wijimain ho' jein. Mi' querec jun pain co ma' co querec wet nain carawa ca cao' querec te iri' ca' ac cocon na. Cam mi' wijimain ac cocon pain na.

João 4:46

In mao ac cain na Caná Jeju, Caná pain Galileia ma'. Je pain Caná ma', ca ara comi uva pin pe cain com pane. Pe nain i ma' taramaxicon co taramaja mi' non iri' taramaxicon. Maqui' nain Cafarnaum ma'. Caxi na panxica.

João 7:17

Wari' co ara tain nain ca param nucun Iri' Jam ma', querec pin' ac cain tara ca pijim' ne pain ca ca' na tain capijacon ca'. Querec pin' tarain pain ca om maqui' capa' ca'. Querec pin' tarain pain ca maqui' con Iri' Jam.