João 2:6 - Tradução Bíblica Pacaas Novos

⁶ Pain ca judeu urut ca', hohoc mam' taxipa' urut pain muxut pain ca cao' xi' nuxut. Je ca an to xine pain i ma' ca cam pe wa com ma'. Ma' 6 na. Ac tapaxi' paxi' na, mam' quep tapaxi' nanain pain pacun. Iri' horonain. Ac ca ma' 100 litro ne na ca moin' xica' pe nein.

João 2:6 Iomraidhean Croise

Lucas 16:6

Om na, dever 100 inon pain cote ne too nein homain winain oliva ac ca na. Hap ra, je i ca' ca xirao' nein ca dever mon ca'. Xirao' ni rain, dever 50 inon pain cote ne too nein homain oliva ta rain con na ca tomi' con ma'.

João 2:7

Tomi' pan ac ca na Jeju ma', tomi' nonon co taramaja to nanain i ma': Cam moin' jein com pain oro tapaxi' ma' nonon. Cam moin' xo' ac cacain na.

João 3:25

Ma' ac caca na co taxipa' ca João ma', co tomi' in pin nonon win judeu caca ma'. Tomi' in pin xucucun pain ca hohoc xo' xucucun pain com ma', pain ca ma' ta hohot xun Iri' Jam ta caca ma'.

Efésios 5:26

Ma' ta to' hohot cuhu' Iri' Jam xuhu' ta napari'. Ac ca hohoc pin capari' na pain com ma'. Mam' to' om pin napari' pain ca em' nexi' pain capijacon quem.

Hebreus 10:22

Je ca tomi' ca' xuhu' ca': Mam' wixicam pin xun Iri' Jam pain ca win xumu iri'o' xun, je pain ca howa mip xun ca'. Om ta tara con ta'a camain' xun pain ca xic am pin capari' pain ca caracat nexi' ta. Ac ca cam huco' mi' capari' na pain quicon Jeju pain ca coromicat pan teretem nexi' ca', ac ca hohoc xo' capari' na pain com ca awi tamana pain cwerexi' quem.

Hebreus 6:2

Wara tomi' xo' urut pahu' pain ca ca' na xine pain oro ca ja' wa com, je pain ca quep tocwa pain winacon wari' ma' quem. Wara tomi' xo' urut pahu' pain ca to' e' mami' xun tococwa co wara cono' nana, je pain ca tomi' xo' xun tococwa pain oro ca ara caca oro wari' pain ca e' e' wet nucucun pane quem.

Hebreus 9:10

Oro ca ara caca pain ca in ac cocon Iri' Jam ma', ara taxipa' e' nanain ca hu pan tococwa pain carawa ca cao' wa, je pain ca toc wa quem, je pain ca hohoc xo' xucucun quem. Tomi' ha' je e' tata, tomi' ha' tomi' ha' maqui' pa' ac cuhu' tara xec nein ca to' xocori pin tain cain oro ca tomi' xo' xim xuhu' ta nonon ma'.

Hebreus 9:19

Noro jun Moisés cara pane. Tomi' hwet tomi' hwet pi' pin iri nonon oro wari' pain oro ca ara je cocon Iri' Jam pane ne, cam pe ac cain na quinain wijimain boi je quinain bode ma', joc wanan ac ca na pain com. Cam huco' mi' na pain ca xirao' pe xine oro ca ara je ca Iri' Jam ma', cam huco' mi' ac cocon na oro wari' quem. Mam' cam huco' na pain tenenein ovelha ca toto paca' ma', ca pao' pe xine pain wijimain taparain pana ma', hissopo na wixinain.