João 2:21 - Tradução Bíblica Pacaas Novos

²¹ Ane om tomi' mi' cain cote ne xiricon Iri' Jam Jeju ne. Tomi' mi' xucun pain curucun.

João 2:21 Iomraidhean Croise

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 2:22

E' mami' iri na ne, mam' pe wet ac urut na pain ca taxipa' urut con ca', mam' pe wet urut pain ca tomi' nucun pain ca tomi' mi' cain curucun pain cote ne xiricon Iri' Jam pane. Iri'o' na xin ca xirao' pe xine capijacon Iri' Jam ma', pain ca e' mami' ta' ca Jeju ma', iri'o' na ca tomi' nucun Jeju pane quem urut, howa ac urut con na.

1 Coríntios 3:16

Om ca xiricon Iri' Jam hwe ra? Om ca corom pe ho' cuhu' Tamataracon ra? Xiricon Iri' Jam hwe ma' ira. Corom pe ho' nuhu' Tamataracon ma' quem, wara taxi' ara xi' hwein i ma' ta.

1 Coríntios 6:19

Cain' cain' xihwe quem? Om ca taxi' hwein i ca' ra, pain ca ac xirinain Tamataracon Iri' Jam ne curuhu' ma'? Ac xuru mahu' ta cuhu' Tamataracon Iri' Jam ma' ira. Corom pe ho' nuhu'. Mi' nuhu' pain Iri' Jam. Om ca mene pan hwein curuhu'.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

Colossenses 1:19

Je ca param ca Iri' Jam pane. An tan pan ne pain ca Iri' Jam ne ta, an tan pan ne pain iri' xumum ta non Cristo.

Colossenses 2:9

Wari' paxi' na Cristo. Ane pe ho' pan con Iri' Jam ne. Iri' wirico na pain oro ca coromicat nucun, je pain oro ca ara nucun, je pain oro ca hwara' opa nucun quem.

Hebreus 8:2

Taramaja pe nain iri' xirim ca in ac pe tocwa Iri' Jam cwain, ca quep pan ca cain. Om ca quep cain wari', quep pan nain Taramaxicon Iri' Jam.