João 2:2 - Tradução Bíblica Pacaas Novos

² Harahap je nanaparut. Jeju, warut, ca' urut pain ca taxipa' urut con ca', mama' ac urut na.

João 2:2 Iomraidhean Croise

Mateus 12:19

Om ta tomi' mana' ca, om ta merem ca, om ta xec xec ca, om ta tomi' ximao pe cain oro wanaji cidade.

Mateus 25:40

Wata' pain ca Taramaxicon ta' ca', tomi' ac toton tara: Quep xiho' iri huhun oro wari' co howa nanapa' pane ne, co xere ta' pane, co om hwara' opa camain' nana pane, wata' pan ac ne na co quep xiho' hwe pane. Tomi' iri'o' inuhu' ta, ac i ma' tara ca tomi' toton ta.

Mateus 25:45

Tomi' ac toton tara: Om iri na ca quep xiho' huhun oro wari' co howa nanapa' ne, co om hwara' opa camain' nana pane, wata' ac ne na co om quep xiho' hwe pane quem. Tomi' iri'o' inuhu' ta, ac i ma' tara ca tomi' toton ta.

João 2:12

Mama' ac urut pain na Cafarnaum ma'. Mo urut: Jeju ma'. Jicon ma'. Xurucun ma'. Warut pain ca taxipa' urut con ca' quem. Mama' mama' pi' pin urut pain Cafarnaum. Om ca tocwan ne xec nein ca to urut pain i cain.

João 2:17

Warut pain ca taxipa' urut con ca', mam' pe wet ac urut pain na capijacon Iri' Jam ca xirao' pe ca taramaxicon Davi cara pane. Ca' na ca xirao' nein ca mam' pe wet urut ca': Om ca noc camain' tain xurum ta Te Iri' Jam. Jain jain tamana inain. To' ara napa' ca jain jain tamana tain xurum ta. Ac ca to' pa' xim capa' na. Ac i ma' na ca xirao' nein.

João 2:22

E' mami' iri na ne, mam' pe wet ac urut na pain ca taxipa' urut con ca', mam' pe wet urut pain ca tomi' nucun pain ca tomi' mi' cain curucun pain cote ne xiricon Iri' Jam pane. Iri'o' na xin ca xirao' pe xine capijacon Iri' Jam ma', pain ca e' mami' ta' ca Jeju ma', iri'o' na ca tomi' nucun Jeju pane quem urut, howa ac urut con na.

João 2:3

Pi' pin iri na comi uva ne, tomi' ac cama na jicon Jeju, tomi' non cawinacam: Pi' pin na comi uva ta non.

João 3:22

Maji ta ac caparut na, mama' ac urut pain na Judeia. Wirico Jeju, warut pain ca taxipa' urut con ca' quem, mon to wet ac urut pain na i cain. Ja' ac cocon na pain com oro wari' Jeju quem.

João 4:2

Om paxi' na ca ja' pan cocon pain com oro wari' Jeju ma'. Warut pain ca taxipa' urut con ca', ja' pan urut cocon pain com.

João 4:33

Ma' tara wari' co mi' non pain carawa ca cao' wa ra ac xujuxut na.

João 6:12

Ma'am pin iri nana ne, tomi' ac caparut na pain ca taxipa' urut con ca': Om ta waraju xin oro pawirinain ma'. Pan cut jein ta naparut.

João 6:16

Xo' um pin iri na ne, quiji' mama' ac urut pain na com.

João 6:60

Taraju iri nanain ca tomi' nucun Jeju oro wari' co ja' ja' paxi' nonon ma' ne, ma' mija ac caca na co noc nanain ma'. I'ina a xira ca tomi' nucun co cwa' ta. Ma' tara ca howa ac tocwa ra na ca tomi' ximama' caca ma'.

João 6:66

Je ca ma' mija caca co noc pin nonon Jeju. Ja' ja' ja' ja' om pin nonon.

João 6:67

Tomi' querec ac caparut na pain ca taxipa' urut con ca', pain ca 12 urut ca'. Paca' xim mahu' quem ra naparut.

João 6:70

Wata' paxi' na co tora' pi' pin nuhu' pain ca 12 hwe ma' ac caparut na. Ane ma' ca win ma' nuhu' co tomi' ha' non Caxicon Jam ma' ne na ca tomi' caparut ma'.

João 6:71

Tomi' mi' non Judas, panxica Simão Iscariotes. To' 12 paxi' naparut Judas Iscariotes. Ane quep xiho' toton cocon oro taramaxicon co quep xun nonon Jeju ne. Ame hwe e'.

João 6:8

Tomi' ac ca na win ma' nuxut ma', André coxa' ca Pedro ma':

João 7:3

Tomi' ac cocon na Jeju xurucun ma': Om xi mon to wet main i ca' ta, mao ximain Judeia cain. Ma' ta querec quequem oro wari' co ja' ja' nenem ma', tomi' querec teterem pain ca an hwet pe main ca hwara' opa nem pain ca ara main ca om ara taxi' ne ca wari' wa ma'.

Atos 11:26

Mam' iri non ne, o mao ac con na pain Antioquia. Mon to wet ac cacain na i cain. Cut in cut in ac xucucun na cocon co howa nonon Jeju ma' quem. Ma' mija nana co ca' na caca pain capijacon Iri' Jam. Ca' na ca' na cawaxi' pa' ac cocon na. Co howa to nanain Antioquia pane, je win o' ma' pin tococwa pain ca howa cocon Cristo. Oro wari' nucun Cristo ta tata pane.

Atos 11:29

Tomi' xo' ac xucucun na co howa nonon Jeju ma': Cut mi' xuxun pain dinheiro oro xerexi' co to nanain Judeia ta ac xucucun na. Co ma' tamana nonon dinheiro ma', cut hwara' ac caca tara. Co om hwara' nonon ma' iri tatara ne, cut pije' ac caca tara quem. Ac i ma' na ca tomi' xo' tomi' xo' xam' xucucun ma'.

1 Coríntios 10:31

Je i ma' ira inuhu'. Oro carawa ca ara xi' hwe ma', pain ca cao' xi' hwe ma', pain ca toc xi' hwe ma' quem, pain ca ara xin hwein oro carawa ma', ara xin iri jein ne, ara ac hwein tara. Ma' ta in ac cocon Iri' Jam oro wari' co querec nanapari' pain ca ara xin ca', ac i ma' tara ca coromicat nuhu' ta.

1 Coríntios 7:39

Narima' co ma' nam tarama' ma', pe ho' cara toron pain ca e' e' wet nucun. Mo ta mi' ca' cam taxicam ma', hohot na pain ca an cama xucun tarama' co param cama ma', co howa non Taramaxicon nexi'. An e' toron wari' co howa non Taramaxicon nexi' ta.

Colossenses 3:17

Pain oro ca ara xi' hwe ma', je pain oro ca tomi' xi' hwe ma' quem, querec pin' pan tuturuhu' oro wari' pain ca taramaja mi' hun Taramaxicon nexi' Jeju. An hwet jein wixicon Jeju pain ca tomi' querec te hun Cotere' Iri' Jam quem.

Hebreus 13:4

Na e' na pain ca coromicat ca' hwe ma', pain ca awi tamana ne ca an wa narima' ma', je pain ca awi tamana ne ca an wa tarama' ma' quem. Om ca na camain' ne pain ca an wa xequem narima', om ca na camain' ne pain ca an wa xucun tarama' ma' quem. Wari' co quep ximao ma', co an nam xequem narima' ma', wap ac con tara Iri' Jam. Narima' co quep ximao ma' quem, co an non xucun tarama' ma' quem, wap ac cam tara Iri' Jam quem.

Apocalipse 3:20

Taraju wet xine me. Xat pe inain manain xuruhu'. Tataca ina quem. Mo ta taraju mahu' pain ca corom hwet xim xuhu' ca', mo ta pa mahu' pain, corom hwet ac xuhu' tara, cao' wi ac xijexi' tara ta.