João 2:12 - Tradução Bíblica Pacaas Novos

¹² Mama' ac urut pain na Cafarnaum ma'. Mo urut: Jeju ma'. Jicon ma'. Xurucun ma'. Warut pain ca taxipa' urut con ca' quem. Mama' mama' pi' pin urut pain Cafarnaum. Om ca tocwan ne xec nein ca to urut pain i cain.

João 2:12 Iomraidhean Croise

Mateus 11:23

Wahu' quem oro wari' co to nanain Cafarnaum ma'. Xec xec a xihwe! Awi urut, querec pin' taraparut pain ca awi nuxut xi' ma hun Iri' Jam ra? Om na ta! Wixicaracao' mi' turuhu' pain cote ne xe ta! An hwet mi' paxi' inuhu' pain ca hwara' opa ne ca', querec paxi' mahu' pain ca ara tain oro ca om ara taxi' ne ca wari' wa ca'. Ane om cwirin' je na hwe ne. Mo xi an hwet mi' ac i ma' toton pain ca hwara' opa ne oro caracat co to nanain Sodoma cara pane, cwirin' pin ac caca xira, ma' ma' wet ac ne xira cidade nucucun pain xocori ca', ac i ma' paxi' xira cocon.

Mateus 12:46

Tomi' tomi' wet iri nonon oro wari' Jeju ne, maqui' ac cama na jicon cocon xurucun. Hwet to nana. Tomi' xun Jeju ta ac cacama na.

Mateus 4:13

Wa' mao paxi' nain Nazaré ma', ane om mon to wet cain i cain ne. Pe pin tain Cafarnaum ta ac ca na. Cafarnaum ca pe ja' pan nain cote ne com pain Galileia ma', ca pe ja' pan nain oro xijein cidade pain Zebulom je Naftali ma', je ca pe pan ta' ca Jeju quem.

Marcos 6:3

Om ca wirico co cwa' co ara taxipa' pana cara pane ra ac caca na. Om ca cawiji con Maria cwa' ra? Om ca aji' con Tiago con José con Judas con Simão cwa' ra? Om ca to ho' cacapari' oro mon xojam' co aji' nonon cwa' ra? Cain' cain' xira ne nana, miri'om ac cocon na quem. Om ca howa camain' cocon.

João 2:2

Harahap je nanaparut. Jeju, warut, ca' urut pain ca taxipa' urut con ca', mama' ac urut na.

João 4:46

In mao ac cain na Caná Jeju, Caná pain Galileia ma'. Je pain Caná ma', ca ara comi uva pin pe cain com pane. Pe nain i ma' taramaxicon co taramaja mi' non iri' taramaxicon. Maqui' nain Cafarnaum ma'. Caxi na panxica.

João 6:17

Wara xim pin na, om ca hwet querec caparut Jeju. Piton to ac urut pain na mam' horoho wa ma'. Pan horoho mama' xin xijein cacarain cain ta ac urut na, pan horoho mama' ac urut na. Xumu urut pain Cafarnaum ma'.

1 Coríntios 9:5

Cain' cain' ne cacam narima' nuxut co howa nana quem? Om ca hohot ne pain ca maji urut cacam pain ca pijim' mama' urut pain oro xijein xirim ra? Hohot ne ma' ira. Win caca oro xucucun apóstolo ma', win caca mana coxa' ca Taramaxicon nexi' Jeju ma' quem. Win ca Pedro ma' quem. Maji nanam manacocon, mi' ac tacacama na pain carawa ca cao' wa quem.

Gálatas 1:19

Querec inon Tiago coxa' ca Taramaxicon nexi' quem. Om ca querec toton oro xucucun apóstolo, xica' to ac caca na caram ma' Pedro con Tiago co querec ta' pain ca xo' mao tain Jerusalém pane.