João 2:11 - Tradução Bíblica Pacaas Novos

¹¹ Je win an hwet pe cain ca hwara' opa nucun Jeju pane, pain ca ara cain ca om ara taxi' ne ca wari' wa pane. An hwet pe pe nain pain Caná pain Galileia pane. Ara iri nain ne, an hwet pe ac cain na ca awi tamana nucun pain ca Iri' Jam nucun. Howa ac urut con na pain ca taxipa' urut con ca'.

João 2:11 Iomraidhean Croise

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 1:17

Moisés cara pane, tomi' hwet napari' pain oro ca tomi' ha' je capari' Iri' Jam. Jeju Cristo ma' iri na ne, an hwet mi' napari' pain ca xiram pa' capari' Iri' Jam. Mi' napari' pain ca querec pin' xin oro ca iri'o' wa con Iri' Jam quem.

João 1:43

Xec pin iri na ne, mao tain Galileia ta ac ca na Jeju. Mam' ac con na Filipe. Hap ra, ja' ja' ne ac con na.

João 1:50

Tomi' ac con na Natanael Jeju: Howa mapa' Natanael, xi om ne ca tomi' hwet ara xim pain ca querec xim pain ca xao pe pe main xiquijinain panaji figo pane ac con na. In ac paxi' mapa'. Ame ma e', main querec rain ca ara ta' ta'. In ac tamana ac mapa' pain tara ta non.

João 10:41

Mija ac caca na oro wari' co hwet nonon pain i cain quem. Tomi' ca' nana: João cara pane, om paxi' na ca an hwet cain ca hwara' opa wa pane, om paxi' na ca ara cain ca om ara taxi' ne ca wari' wa pane. Ane iri'o' ne oro ca tomi' hwet nucun con Jeju ne. Iri'o' iri'o' pi' pin na con ta na ca tomi' caca ma'.

João 11:15

Tomi' querec te paxi' ina pain ca om pe ho' ton pain ca mi' pin nucun quem. Xi param ara xuhu' pain ca howa mip mahu' pain ca maqui' ton Te Iri' Jam ta ac caparut na. Ame hwe e', querec iri xine pain ca ara ta' ta' con ne, howa mip ac mahu' tara ta naparut. Maji hwet xun ta ac caparut na.

João 11:47

Cut in xijexi' ta ac xucucun na oro taramaxicon nucucun oro sacerdote cocon oro fariseu ma', tomi' cut in ac cocon na oro win taramaxicon caca ma', pain ca Sinédrio caca ma'. Cain' cain' xuxun Jeju quem ac caca na. An hwet pe tamana ara xi' nain ca hwara' opa nucun pain ca ara cain ca om ara taxi' ne ca wari' wa ta nana.

João 12:18

Co taraju nana ma', pain ca an hwet pe ac i ma' cain ca hwara' opa nucun ma', ma' mija nana co xuruxut cam' nonon ma'.

João 12:37

Querec paxi' nonon pain ca an hwet pe tamana cain ca hwara' opa nucun pain ca ara tamana cain ca om ara taxi' ne ca wari' wa ma'. Ane ma' mija caca co om howa nonon ne.

João 12:41

Xirao' ac i ma' na Isaías pane. Xi om ne ca wara querec ara cain ca hwara' opa nucun Jeju pain ca awi tamana nucun ta. Tomi' hwet ac cain na quem.

João 14:13

Oro carawa ca mi' xut pain hun Te ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata', ara mi' ac xuhu' pain tara. Ma' ta an hwet mi' xuhu' pain ca hwara' opa nucun Te pain ca awi tamana nucun ta inuhu'.

João 16:27

Xi noc cuhu' Te ta. Om ca noc cuhu', xi noc pan mahu' ta. Howa mahu' pain ca maqui' ton Te quem.

João 16:30

Taxi' urut pum pain ca taxi' taxi' pi' pin main oro carawa. Oro ca tomi' querec xim urut pum quem, om ca param maparut pain ca tomi' querec urut pum pain, xi wara taxi' ximao ara main oro ca param nuxut ta. Je ca howa urut pum pain ca maqui' mon Iri' Jam ta urut con.

João 2:1

3 pin iri na xec nein ne, ma' ac ca na wari' co an tam narima' ma', pain Caná ma', je i ma' wixinain cidade ma'. Pe nain Galileia Caná. Je ca pe cama jicon Jeju ma' quem.

João 2:23

Pe pe wet nain Jerusalém Jeju pain oro xec nein Páscoa ma', pain ca tomi' querec te wi urut pain ca judeu urut ca'. Mija pin nana oro wari' co howa nonon quem. Howa nonon, xi om ne ca querec ara cacain oro ca ara ca pain ca an hwet pe cain ca hwara' opa nucun pain ca ara cain oro carawa ca om ara taxi' ne ca wari' wa ma'.

João 3:2

Hwet ton Jeju ta ac ca na, xut hwet towa ac con na. Tomi' xim inem Taramaxicon co pijim' mi' taxipa' nonon pain capijacon Iri' Jam ac con na. Taxi' urut pum pain ca maqui' mon Iri' Jam. Taxi' urut pum pain ca ca' na roron pain capija oro wari' quem pane. Xi an hwet pe taxi' ara main ca hwara' opa wa pain ca ara main oro ca om ara taxi' ne ca wari' wa ta. Mo xi om pe ho' quem Iri' Jam ma', om xi ara ac main oro ca ara ma ma' na ca tomi' con ma'.

João 4:3

Taramaxicon nexi' Jeju ma', taxi' pin iri nonon oro fariseu ne, pain ca taraju cacain ca tomi' nucucun oro wari' ma', pain ca ma' mija caca co taxipa' pin nonon ma', maji ta ac caparut na, paca' ac urut pain na Judeia, in mama' ac urut pain na Galileia.

João 4:46

In mao ac cain na Caná Jeju, Caná pain Galileia ma'. Je pain Caná ma', ca ara comi uva pin pe cain com pane. Pe nain i ma' taramaxicon co taramaja mi' non iri' taramaxicon. Maqui' nain Cafarnaum ma'. Caxi na panxica.

João 4:54

Pain ca paca' cain Judeia Jeju ma', pain ca in mao cain Galileia pane, je win 2 pin ne ca an hwet pe cain ca hwara' opa nucun pain ca ara cain ca om ara taxi' ne ca wari' wa pane.

João 5:23

Ma' ta in ac in ac pi' pin quequem oro wari' ta arain napa'. Win ne ca in ac cacapa' ca' napa'. Oro wari' co om in ac nanapa' pain ca Panxica Iri' Jam ta' ca', om ca in ac cocon Te co hwet roron oro wari' ta napa' quem.

João 6:14

Querec iri nanain i ma' oro wari' ne, pain ca an hwet pe cain ca hwara' opa nucun ma', pain ca tomi' hwara' pin cain capam' con hwam ma', tomi' ac caca na: Wirico co cwa' xin profeta co xirao' pe caca pain cara pane, co main maqui' tarain macan' ca' caca pane. Wirico ma' ira nana.

João 6:2

Mija nana wari' co ja' ja' nanaparut. Om ca paric camain' caca. Xi om ne ca querec ara cocon Jeju pain ca an hwet pe cain ca hwara' opa nucun pain ca quep xio pin cocon oro wari' co caxi nana pane.

João 6:26

Om na, pirao' paxi' mahu', xi cao' ara hwein capam' pata' ta ac tococwa na. Pirao' paxi' mahu', xi ma'am ara hwein ta. Om ca pirao' mahu' pain ca querec pin' hwein ca an hwet mi' xuhu' pain ca hwara' opa ne ca', pain ca mi' xim xuhu' pain ca e' cara wa pain pawin cain. Tomi' iri'o' inuhu' ta.

João 6:30

An hwet mi' xut pain ca hwara' opa nem ma' e' ac cocon na. Ara rain ca om ara taxi' ne ca wari' wa ta. Ma' carawa ca ara ta' ma ma' quem? Ara rain ta. Ma' ta querec xut pain pum, ma' ta howa xut pum pain ca maqui' mon Iri' Jam ta.

João 7:31

Mija paxi' nana oro wari' co om howa nonon ma'. Ane mija caca co howa pin nonon quem ne. Tomi' ca' nana: Wirico co Cristo ta, xi ma' ca xucun co maqui' ta' ma', co hwara' opa tiquin' ca' non pain ca an hwet pe cain ca hwara' opa nucun pain ca ara taxi' cain ca om ara taxi' ne ca wari' wa ta na ca tomi' xucucun.

João 9:16

Ma' ac caca na oro fariseu co tomi' ca' nana quem: Om ca maqui' con Iri' Jam co ara nain i ma'. Xi taramaja ara ca pain xec nein ca xao to wa ne ca xumu wa ca', pain ca ta taramaja hwein me ta capari' ca' na ca tomi' caca ma'. Tara con ac caca na oro xucucun ma' quem. Mo xi caracat ca, om xi ara taxi' ac i ma' cain carawa ca om ara taxi' ne ca wari' wa ta. Ac i ma' na ca coromicat ni ca' xucucun.

2 Coríntios 3:18

Taraju pa' taraju pa' pi' pin irin xocori ca tomi' xo' nucun Iri' Jam quem. Ac ca hot ca' capari' na con wom co tatep pa' nain tocoxi' Taramaxicon nexi' cwa', ac ca toha pan iri' na pain ca toha mi' capari' pain ca awi tamana nucun quem. Je ca ha' capari' pain ca taraju pa' wa. Ca to' jimama' ac capari' na, ca to' jimama' ac capari' na, aram aram an xiho' pin ac xun tara quem. Wirico Taramaxicon nexi' ma', co iri' Tamataracon Iri' Jam ma', wirico co ara mi' napari' pain.

2 Coríntios 4:17

Jain jain paxi' urut, ane to' hwara' opa caparut oro ca jain jain nuxut ne, xi winim' ara urut pain ca awi tamana wa ca mi' xim caparut Iri' Jam ta. Awi tamana tara, om ta pi' ra ha' ne quem. Awi tiquin' ca' tarain oro ca jain jain wijimain nuxut pain macan' ca'.

2 Coríntios 4:6

Xi toha mi' ara caparut pain iri' xumuxut Iri' Jam ta. Win ca pain ca xo' tomi' qui' cain ca jitacat nein xim pain ca toha pin ra ta qui' cain xec pain cara pane. Ac i ma' naparut quem, ac ca toha mi' caparut na pain ca toc meremem nucun pain xumuxut pain ca coromicat nuxut. Ma' ta querec pin' hwein ca hwara' opa ne ca toc meremem pe nain tocon Cristo ta naparut.

1João 5:13

Je ca xirao' mi' xuhu' ca', xirao' mi' inuhu' pain ca howa hun Panxica Iri' Jam ma'. Ma' ta taxi' xujuhu' pain ca e' cara xi' hwe ta inuhu'.