João 2:10 - Tradução Bíblica Pacaas Novos

¹⁰ Tomi' ac con na: Cain' cain' xima quem? Oro wari' ma', cam mi' cain' taxipa' nanain comi uva ca awi tamana. Toc toc ma'am pin iri nana co toc nanain ma' ne, cam mi' ac tococwa na pain comi uva ca om awi homa. Wum iri na ne, cam mi' cain' main ca om awi homa nein, aram aram cam mi' ac main na ca awi tamana nein ca' na ca tomi' ca ma'.

João 2:10 Iomraidhean Croise

Mateus 24:49

Am wap ximao cocon oro win taramaja ca ma', am miri'om cain ca taramaja nucun pain ca waraju wi xijexi' cocon co toc tamanain to nanain caji tocwa ca mana' ma' quem.

Lucas 12:45

Ane om ac i ma' ne pain ca om tomi' ha' nucun ne. Am om taramaja xo' ca, am coromicat ca' ca: Om om na taramaxicon ne cara ne, om ta in hap ca ma' toron pain ca coromicat nucun. Am wap ximao cocon co taramaja nana ma', am wap ximao cacam ca narima' nequequem pain ca taramaja cacama ma' quem. Am miri'om cain ca taramaja nucun ma', am cao' e' ca, am toc e' cain ca mana' nein tocwa ma', je pain ca toc tamanain pe ca ma' quem.

Lucas 16:25

Ane tomi' in pin con Abraão ne: Om na ta arain. Mam' pe wet rain oro carawa ca hohot nem pain ca e' e' wet ma pain macan' pane. Tomi' querec te ma pain oro carawa ca awi ca param ma pane quem. Lázaro cwa' iri na ne, ximin na pane. Om ca ma' camain' con carawa ca awi. Ac i ma' paxi' hwe pain cara pane. Ane ja' tomi' querec te tocwa Lázaro pain i ca' ne. Wum iri na ne, jain jain tamana pan ma pain cote ne xe ma' ta.

Atos 2:15

Toc tamanain to nana ta paxi' maparut, ane om toc tamanain to urut ne ac tococwa na. Xi pawin querec ca xina ta. Om ca toc tamanain to wa ca mana' nein comi uva pain xo' xec ta.

1 Coríntios 11:21

Capam' nuhu' pan ca cao' xi' hwe ma'. Comi memem nuhu' pan ca toc xi' hwe ma' quem. Xi wara cao' harahap ara hwein carawa ca cut qui' pan hwe ma'. Om ca winim' xujuhu' pain. Ma' ac caca na co pe' pe' wet nana, ma' ac caca na co toc tamanain to nana quem.

Efésios 5:18

Ta quep cuhu' comi uva ca mana' me. To' em' pin ara xi' napari' comi uva ca mana' ta. Param pan jein Tamataracon Iri' Jam. Pe ho' mip turuhu' ca hwara' opa nein ta.

1 Tessalonicenses 5:7

Xi ma' ne ximicocon oro wari' co om querec nana ma', co ac ca pi'am caca na. Ac ca pi'am towa caca na pain xim. Oro wari' co ara e' nanain ca param pan nucucun ma', pain ca toc tamanain to cacain comi uva ca mana' ma', ac ca toc tamanain to cacain na pain xim ma'. Om ca querec pin' cacain carawa ca maqui' pa' toton nonon.

Apocalipse 17:2

Caracat wi xi' ta nonon oro taramaxicon co taramaxicon to nanain oro xijein macan', win ne ca param ni ca' ton taxi cwa', param ni ca' jun Iri' Jam ta nonon. Oro wari' co to nanain oro xijein macan' ma' quem, ac ca toc tamanain to cacain na comi uva nequem ca mana' ma', ca tomi' joc mam' mi' nain oro ca om awi wa ca ara cama pain ca caracat wi cocon oro xucucun taramaxicon.

Apocalipse 17:6

Querec pin' inam pain ca hohot tamana cam ca to' parapa' pin tococwa oro wari' nucun Iri' Jam pain ca howa cara cocon Jeju ma'. Pain ca tomi' querec te nequem pain ca cono' pin nucucun ma', ac ca toc tamanain pe camain na quicocon. Querec iri inam ne, wa wa tamana ac tam na.