João 19:9 - Tradução Bíblica Pacaas Novos

⁹ Corom mao mami' ac cain na xiricon, tomi' querec ac con na Jeju. Main ca maqui' ma quem ac con na. Ane tacana pe pan ca Jeju ne. Om ca tomi' camain' ca.

João 19:9 Iomraidhean Croise

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Mateus 27:27

Oro soldado ma', an corom mao ac cocon na Jeju pain xiricon taramaxicon. Tomi' cut in ac cocon na oro win soldado caca ma', coco' coco' mam' pin ac cocon na quem.

Lucas 23:9

Tomi' querec tamana paxi' non pain oro ca tomi' querec ximao wa ma', ane tacana pe pan ca Jeju ne. Om ca tomi' camain' ca.

João 18:28

Iri' xo' xec pin na. Oro taramaxicon nuxut pain ca judeu urut ma', maji ta, paca' ac cacain na xiricon Caifás ma', an mao ac cocon na Jeju pain xiricon taramaxicon nucucun oro romano. Ane om corom caca ne. Tomi' ca' xucucun: Mo ta corom mama' xin xiricon tatirim cwa', em' pin ac iri' tara, om ac ne tara ca na capari' pain ca cao' xin carawa nein ca tomi' querec te nexi' pain xec nein Páscoa ca' nana. Je ca hwerehwet to ca' cacain xiricon taramaxicon.

João 18:33

Corom mami' ac cain xiricon na Pilatos. Harahap je con Jeju ta ac tococwa na oro wari' nucun. Tomi' querec ac con na: Wum co iri' taramaxicon nucucun oro judeu cwa' ra non.

João 18:34

Tara pum ac con na Jeju. Ca tomi' querec mapa' ma', maqui' nain ca coromicat nem ra? Maqui' non xucun wari' ra na ca tomi' con ma'.

João 18:37

Je ca tomi' xim ca', taramaxicon ma ma' ira ac con na. Wum co tomi' pan nain i ma' ira, pain ca taramaxicon ma mapa' ma' ac con na. Je ca pan' ne ca pije' ne pane, je ca maqui' tain macan' pane. Tomi' hwet toton pain oro ca iri'o' wa oro wari' ta ina pane. Taraju wet nanapa' oro wari' co param nanain ca iri'o' wa quem na ca tomi' ca Jeju.

João 19:10

Je xi tomi' mapa' quem ac con na Pilatos. Om ca querec pin' mapa' pain ca taramaxicon ta' ca' ra? Na napa' pain ca om pin jun toton oro soldado ne pum, na napa' pain ca tatatain mi' jun pain pana toton pum quem non.

João 19:8

Taraju iri nain i ma' Pilatos ne, jin' tamana ac ca na. Wara jin' paxi' na, jin' tamana pin ac ca na.

João 8:14

Wata' paxi' na co tomi' hwet nuhu' pata' ac tococwa na. Ane iri'o' ne ca tomi' hwet xuhu' ne. Xi taxi' pan ara xije pain ca maqui' tain pawin ta. Taxi' xije pain ca in mao tain ta' quem. Wahu' iri na ne, om ca taxi' mahu' pain ca maqui' ne. Om ca taxi' mahu' pain ca mao ta' ta' quem.

Filipenses 1:28

Quereme jujun oro wari' co ari nunuhu' ma', ta jin' camain' huhun me. Quereme iri jujun ne, querec pin' caracan ac xucucun tara pain ca to' quiji' pin xun tococwa ma'. Querec pin' pan ac xujuhu' tara pain ca witan xi' hwe ma' quem. Wirico Iri' Jam tara co ara tain nain i ma' pahu'. Wirico pan tara co to' quiji' pin nonon, wirico pan tara co to' witan xim nuhu' ma' quem.