João 19:7 - Tradução Bíblica Pacaas Novos

⁷ Je i ma' ira ac caca na oro taramaxicon nuxut pain ca judeu urut ca'. Na e' na pain ca mi' pin ca, xi Panxica Iri' Jam ina ta ara ca ta. Wari' co tomi' ximao ac i ma' ma', mi' pin tara ta na ca xirao' nucun Moisés ta nana pain ca merem cocon Pilatos.

João 19:7 Iomraidhean Croise

Marcos 15:39

Taramaxicon nucucun oro soldado ma', co xat ja' pan non ma', taraju iri non Jeju pain ca merem ca ne. Querec iri non pain ca mi' pin ac i ma' ca ma' ne. Tomi' ac ca na: Wa inon co cwa' me. Iri' Panxica Iri' Jam ca ma' ira na ca tomi' ca ma'.

João 19:8

Taraju iri nain i ma' Pilatos ne, jin' tamana ac ca na. Wara jin' paxi' na, jin' tamana pin ac ca na.

João 5:18

Mana' tamana pin ac cocon na. To' pa' pin xun ta nonon. Om ca mana' e' cocon pain ca om tomi' ha' nucun pain ca taramaja cain sábado ma'. Mana' nonon pain ca Te inon Iri' Jam ta ca ma'. Iri' Jam ina xi' ma na ron, ac i ma' na ca tomi' nucucun pain ca mana' nucucun ma'.

Atos 18:13

Pan tem na co cwa' ta! Pijim' iri nonon oro wari' ne, pijim' ni ca' nain oro ca howa nuxut pain ca in ac urut con Iri' Jam pain ca pe torotop mi' querec te urut con ca'. Om ca tomi' ha' ac tocwa, xi tomi' in pin ara cain ca xirao' nucun Moisés ta nana pain ca tomi' em' cocon ma'.

Romanos 1:4

Pain ca Iri' Jam nucun pain ca om caracat nucun quem, Panxica Iri' Jam na quem. Wirico Iri' Jam co an hwet pe non pane, pain ca an hwet pe cain ca hwara' opa nucun pain ca to' e' mami' con pane. Taramaxicon nexi' Jeju Cristo cwa' ira!