João 19:6 - Tradução Bíblica Pacaas Novos

⁶ Querec iri nonon Jeju oro taramaxicon nucucun oro sacerdote cocon oro guarda co querec wet nanain cote ne xiricon Iri' Jam ma' ne, merem ac caca na: Na e' na pain ca tatatain mi' tocwa pain pana ta. Na e' na pain ca tatatain mi' tocwa pain pana ta na ca merem nucucun. Wahu' pan tatara co tatatain mi' nonon pain pana ta ac ca na Pilatos. Om ca mam' tain ca pan tem wa con ta na ca tomi' tococwa ma'.

João 19:6 Iomraidhean Croise

Mateus 26:58

Ja' tequi' pira ca' non Jeju Pedro ma' quem. Xut ac ca na, wara ca' na ca tao' caho' nein xiricon sacerdote co iri' taramaxicon ma', corom mao ac ca na, xao pe ho' ac cocon na oro guarda ma' quem. Querec ta' carawa ca ara ton non Jeju ta xucun.

Mateus 27:22

Cain' cain' xiton Jeju cwa', co Cristo ta caca oro win ma' ca ma' quem ac tococwa na. Om na, na e' na pain ca to' pa' pin tocwa pain ca tatatain mi' tocwa pain pana ta nana.

Mateus 27:24

Querec pin' ac tococwa na oro wari' pain ca om ha' je na caca ma'. Querec pin' tata pain ca teretem pin xi' caca quem. Je ca tomi' con wari' nucun ma': Cam mi' ne pain com pain wijimain bacia ma'. Hohoc tain mu ta na. Querec querec xam' ac cocon na oro wari' pain ca hohoc cain micon. Tomi' ac tococwa na: Querec mahu' pain ca hohoc tain mu ca'. Je ca an hwet mi' xuhu' pain ca om hohot capa' pain ca to' pa' pin ron ta mahu' con co cwa' na ca tomi' tococwa ma'. Om ca wata' ne co em' cwa', xi param tain ca to' pa' pin tocwa ta. Wahu' co em' pan nana cwa' ira na ca tomi' tococwa ma'.

Lucas 23:4

Om ca mam' tain ca pan tem wa con co cwa' ta ac tococwa na oro taramaxicon nucucun oro sacerdote cocon oro xucucun wari' ma' quem.

João 18:3

Je ca mao cain totain oliva Judas. O qui' nonon oro soldado cocon oro guarda ma', wiricoco oro taramaxicon nucucun oro sacerdote cocon oro fariseu co hwet jun nonon ma'. Cut nanain naran nucucun je mam' mixita xi' caca quem.

João 18:31

An mao pan jun ta ac tococwa na. Tomi' querec pan jun, am mam' hwein ca pan tem wa con. Win ne ca ara taxipa' hwe pain ca tomi' xo' xujuhu' pain ca taramaxicon nuhu' ma', pain ca judeu hwe ma' ac tococwa na. Om na, to' pa' pan jun ta ac cocon na. Om ca to' pa' pin ac urut con. Xi tomi' narain ho' ara cacaparut pain ca to' pa' wa wari' oro win taramaxicon hwe pain ca romano hwe ma' nonon.

João 18:38

Ma' tara wari' co taxi' nain ca iri'o' wa ra na ca tomi' querec ca Pilatos. Tomi' iri nain i ma' Pilatos ne, hwet mao mami' ac ca na, tomi' ac cocon na oro taramaxicon nuxut pain ca judeu urut ca'. Om ca mam' camain' tain ca pan tem wa con ta nonon.

João 19:15

Ane merem caca ne: To' pa' pin ron. To' pa' pin ron. Tatatain mi' ron pain pana ta na ca merem nucucun. Cain' cain' xihwe quem? Taramaxicon ne hun ma' ira! Param mahu' pain ca tatatain mi' jun pain pana toton oro soldado ne cwa' ra? Om na, om ca taramaxicon ne urut con ta. Ma' xica' pe na taramaxicon pain Roma ta. Wirico co taramaxicon ne urut ta nonon Pilatos oro taramaxicon nucucun oro sacerdote.

João 19:4

Hwet mao mami' ac ca na Pilatos, tomi' ac tococwa na oro taramaxicon nucucun oro sacerdote ma'. Taraju wet xine e'. An hwet mi' ho' xuhu' con. Ma' ta taxi' mahu' pain ca om mam' camain' tain ca pan tem wa con ta tata.

Atos 2:23

Iri' Jam ma', wara an pe xo' nain ca coromicat nucun pane, pain ca main quep totoron ta cuhu' con. Je ca om narain ho' cuhu' con. Quep hun, to' pa' pin jun ta ac huhun na oro caracat co om tomi' ha' camain' nonon Iri' Jam. Tatatain mi' ac cocon na pain pana.

Atos 7:52

Tomi' hwet paxi' nanain capijacon Iri' Jam oro profeta pain cara pane. Ma' xica' pe tara profeta co om ja' tequi' quep em' caca oro hwanana nexi' pane ra? Om na ta, om ca ma' xica' pe camain' ca cocon. Quep em' quep em' xam' tata pane. To' parapa' tata co wara tomi' pe nanain ca maqui' nucun co ma' co tama' ara xo' quem, co tomi' mi' pan hwe cocon co noc nonon pane, co to' pa' pin hwe pain xocori ca' quem.