Biblia Todo Logo
Bìoball air-loidhne

- Sanasan -




João 19:4 - Tradução Bíblica Pacaas Novos

4 Hwet mao mami' ac ca na Pilatos, tomi' ac tococwa na oro taramaxicon nucucun oro sacerdote ma'. Taraju wet xine e'. An hwet mi' ho' xuhu' con. Ma' ta taxi' mahu' pain ca om mam' camain' tain ca pan tem wa con ta tata.

Faic an caibideil Dèan lethbhreac




João 19:4
16 Iomraidhean Croise  

Xao pe xao pe wet nain ca mam' xao pe nucun Pilatos ma', ca tomi' xo' pe tococwa oro wari' ma'. Maqui' ac ca na wari' co mo pin nain ca xirao' nequem manacon. Mi' ac con pain na. Ca' na ca xirao' nequem: Miri'om roron caram ma' co quep em' xun nonon tarama' ma' me. Xi pan tem ca ta. Tohwein' inon pain xim ca' ne. To' jain jain tamana napa', toron tamana napa' xumu con ta na ca xirao' mi' con taxicam.


Querec pin' ac tococwa na oro wari' pain ca om ha' je na caca ma'. Querec pin' tata pain ca teretem pin xi' caca quem. Je ca tomi' con wari' nucun ma': Cam mi' ne pain com pain wijimain bacia ma'. Hohoc tain mu ta na. Querec querec xam' ac cocon na oro wari' pain ca hohoc cain micon. Tomi' ac tococwa na: Querec mahu' pain ca hohoc tain mu ca'. Je ca an hwet mi' xuhu' pain ca om hohot capa' pain ca to' pa' pin ron ta mahu' con co cwa' na ca tomi' tococwa ma'. Om ca wata' ne co em' cwa', xi param tain ca to' pa' pin tocwa ta. Wahu' co em' pan nana cwa' ira na ca tomi' tococwa ma'.


Tomi' ac tococwa na: Caracat ina ta. Om xi tomi' mi' xuhu' con Jeju ne, xi em' ca ta tata. Para mo merem maparut ma' quem ac cocon na. Wum co em' pan ma' ira na ca tomi' cocon ma'.


Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.


Om ca mam' tain ca pan tem wa con co cwa' ta ac tococwa na oro taramaxicon nucucun oro sacerdote cocon oro xucucun wari' ma' quem.


Hohot paxi' na pain ca tatatain mi' cacapari' pain pana ca', xi pan teretem tamana ara iri' ta. Ane om pan tem camain' ca co cwa' ne na ca tomi' con win ma' ca ma'.


Taramaxicon nucucun oro soldado ma', querec iri nain oro ca ara ne con Jeju ma' ne, tomi' ac ca na: Wa inon co cwa' me. Iri' wari' ca ma' ira na ca tomi' ca pain ca tomi' querec te con Iri' Jam.


Corom mami' ac cain xiricon na Pilatos. Harahap je con Jeju ta ac tococwa na oro wari' nucun. Tomi' querec ac con na: Wum co iri' taramaxicon nucucun oro judeu cwa' ra non.


Ma' tara wari' co taxi' nain ca iri'o' wa ra na ca tomi' querec ca Pilatos. Tomi' iri nain i ma' Pilatos ne, hwet mao mami' ac ca na, tomi' ac cocon na oro taramaxicon nuxut pain ca judeu urut ca'. Om ca mam' camain' tain ca pan tem wa con ta nonon.


Querec iri nonon Jeju oro taramaxicon nucucun oro sacerdote cocon oro guarda co querec wet nanain cote ne xiricon Iri' Jam ma' ne, merem ac caca na: Na e' na pain ca tatatain mi' tocwa pain pana ta. Na e' na pain ca tatatain mi' tocwa pain pana ta na ca merem nucucun. Wahu' pan tatara co tatatain mi' nonon pain pana ta ac ca na Pilatos. Om ca mam' tain ca pan tem wa con ta na ca tomi' tococwa ma'.


Om paxi' na ca caracat ca Cristo pane, ane cut mi' pan con pain ca caracat nexi' Iri' Jam ne. Ac wari' co caracat pin ma ta non pari'. Ma' ta to' hohot pin xuhu' ta napari'. Win cwere iri jun Cristo ne, querec hohot ac xuhu' tara, ac ca om caracat camain' hwe tara con ta napari' quem.


Wirico Jeju co sacerdote co iri' taramaxicon ta. Wirico co hohot ma', pain ca quep xiho' capari' pain ca ximin nexi' ca'. Awi tamana na pain ca om caracat camain' nucun. Om ca pan tem camain' ca. Om ca ma' camain' con carawa ca ja' tomi' em' tocwa pain ca caracat wa. Pe ni ca' nonon oro caracat. Mi' non pain ca taramaxicon hwara' opa wa Cote ca, taramaxicon pe tiquin' ca' nain iri' pawin cain.


Mam' to' witan nuhu' pain wic ca awi tamana ma', je quicon Cristo co ac wijimain taramaji ovelha ca om em' camain' ma'.


Om ca caracat camain' ca pane. Om ca mixein camain' ca quem.


Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.


Taxi' hun Cristo pain ca maqui' nucun pane. Maqui' nain macan', ma' ta to' om pin tain ca caracat nuhu' ta napari'. Taxi' hun pain ca om caracat camain' ca quem.


Lean sinn:

Sanasan


Sanasan