João 18:3 - Tradução Bíblica Pacaas Novos

³ Je ca mao cain totain oliva Judas. O qui' nonon oro soldado cocon oro guarda ma', wiricoco oro taramaxicon nucucun oro sacerdote cocon oro fariseu co hwet jun nonon ma'. Cut nanain naran nucucun je mam' mixita xi' caca quem.

João 18:3 Iomraidhean Croise

Mateus 25:1

Tomi' ac caparut na: Carawa ca ara ta' ne pain ca in qui' ta' ta' ca', pain ca taramaxicon pin ta' ta' ca', an xiho' tarain carawa ca ara nanam oro mon xojam' co winim' xun nonon wari' co an ta' narima' ma'. Ma' 10 nana oro mon xojam' co winim' xun nonon. Cut nanain naran nequequem, maji xuruxut cam' xun e' ac cacama na.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 18:12

Quep ac cocon na Jeju. Mo nana: Oro soldado con taramaxicon nucucun ma', oro guarda co querec wet nanain cote ne xiricon Iri' Jam ma' quem. Quep nonon, pao' pe ac cocon na quem.

João 18:18

Oro guarda cocon co taramaja mi' nonon taramaxicon ma', wara caraho' nanain xe, xi capin' ara caca ta. Coco' coco' mam' pin nanain, nonoc ac cacain na. Xat pe ho' nonon Pedro ma'. Nonoc ac cain na quem.

João 18:22

Tomi' iri nain i ma' ne, wap ac cain tocon na guarda co xat pe nain i ma'. Tomi' xo' ximon sacerdote co iri' taramaxicon ta non.

João 19:6

Querec iri nonon Jeju oro taramaxicon nucucun oro sacerdote cocon oro guarda co querec wet nanain cote ne xiricon Iri' Jam ma' ne, merem ac caca na: Na e' na pain ca tatatain mi' tocwa pain pana ta. Na e' na pain ca tatatain mi' tocwa pain pana ta na ca merem nucucun. Wahu' pan tatara co tatatain mi' nonon pain pana ta ac ca na Pilatos. Om ca mam' tain ca pan tem wa con ta na ca tomi' tococwa ma'.

João 7:32

Oro fariseu ma', taraju nonon oro wari' pain ca tomi' hohomu xucucun con Jeju. Tomi' xuxun oro guarda ma' ac cocon na oro taramaxicon nucucun oro sacerdote ma'. Quep totoron Jeju ta nana.

Atos 1:16

Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.

Atos 10:1

Pe nain xijein cidade wari' co taramaxicon nucucun oro soldado. Cornélio na wixicon. Cesareia na wixinain cidade ca pe pan ca ma'. Ma' 100 nana oro soldado co taramaxicon ne nonon ma'. Maqui' nanain Itália. Soldado wi nana cocon oro xucucun soldado co maqui' nanain Itália quem. Je ca Oro Italiano tococwa ma'.