João 18:1 - Tradução Bíblica Pacaas Novos

¹ Pi' pin iri na ca tomi' con Cote ca ne, maji ta ac caparut na, hwerehwet mama' ac urut na. Wirico Jeju ma', warut pain ca taxipa' urut con quem, xom tacaracam' mama' ac urut pain na taparain com ma', ca Cedrom caca oro wari' ma'. Je ca pe ne totain oliva ma', pain xijein cacarain ma'. Xuruxut xuruxut hwet ac urut pain na.

João 18:1 Iomraidhean Croise

Mateus 26:30

Com iri urut pain tamara' pain ca in ac urut con Iri' Jam ne, hwerehwet mama' ac urut na, mama' ac urut pain na Pacun Nein Oliveira ma'.

Mateus 26:36

Maji ta ac caparut na Jeju, mama' ac urut pain na totain oliva ma', ca Getsêmani caca oro wari' ma'. Wirico Jeju, warut pain ca taxipa' urut con ca' quem, mama' ac urut na pain Getsêmani. Xao to to jein i ca', pain ca tomi' ton Te pain i cain ta ac caparut na.

Marcos 14:26

Com iri nanain tamara' pain ca in ac cocon Iri' Jam ne, hwerehwet mama' ac caca na, mama' ac cacain na Pacun Nein Oliveira ma'.

Marcos 14:32

Mama' ac cacain na totain oliva ma', ca Getsêmani caca oro wari' ma'. Tomi' pan ac cocon na co taxipa' ca Jeju ma'. Xao to to jein i ca', pain ca tomi' ton Te ta tata.

Marcos 14:42

Tequi' to je ta. Maji cocon. Maqui' nain i ma' co tomi' mi' xim napa' cocon ta na ca tomi' tococwa ma'.

João 14:31

Ane na e' ne pain ca tomi' ha' tomi' ha' pi' pin tain oro ca ara ra capa' Te ne, pain ca mi' pin ra capa' ca'. Mi' pin ta' pan ina pain ca tomi' ha' ton ca'. Om ca nain ho' xije. Ma' ta taxi' cacapa' oro wari' pain ca om noc ton ca' naparut. Tequi' to je e'. Maji mama' xi' ta ac caparut na.

João 18:26

Pe nain i ma' co nari non co wac tapit ca taraxicon Pedro ma' quem. Taramaja mi' e' non sacerdote co iri' taramaxicon ma'. Tomi' ac con na Pedro: Ac ca querec xim na pain ca quep urut con Jeju pain totain oliva ma'. Ac ca pe ho' mon na quem na ca tomi' con ma'.

Atos 21:11

Hwet ac caparut na, an ca' ac con na pain cinturão nucun Paulo. Mam' pao' pe pan ac xucun na pain caximacon pain micon. Tomi' ca' na Tamataracon Iri' Jam ta ac ca na. Ac i ma' tara ca pao' pe tocwa waximain cinturão ca'. Pao' pe totoron oro taramaxicon nucucun oro judeu pain Jerusalém. An mi' ac tococwa con tara co om judeu nana ta. Ma' ta tao' pe cocon ta totoron na ca tomi' ca Ágabo ma'.