Biblia Todo Logo
Bìoball air-loidhne

- Sanasan -




João 17:8 - Tradução Bíblica Pacaas Novos

8 Xi tomi' hwet ara toton pain ca tomi' hwet roron mapa' ta. Howa nanapa' quem. Taxi' pin nanapa' pain ca maqui' xim pane. Howa nenem pain ca hwet roron oro wari' ta pan mapa' quem.

Faic an caibideil Dèan lethbhreac




João 17:8
31 Iomraidhean Croise  

Tomi' hwet inonon pain capijam. Je ca noc cocon oro wari' co om howa nanapa' ma'. Xi win ma' ne pan tococwa pain ca wari' nein macan' caca ta. Win ta' ca', pain ca om win ma' ne toton ca' quem.


Om ca querec querec ac wari' co taramaja mi' e' nonon taramaxicon nucucun mami' mahu', om na. Querec querec ac oro win ma' ne pin mahu'. Oro win ma' ne pin xuhu' ca' ira. Wari' co taramaja mi' e' non taramaxicon nucun ma', om ca taxi' cain ca ara ta' nucun taramaxicon nucun. Wahu' iri na ne, oro win ma' ne pin inuhu', xi tomi' hwet tomi' hwet pi' pin ara xuhu' pain oro ca tomi' capa' Te ta.


Taxi' urut pum pain ca taxi' taxi' pi' pin main oro carawa. Oro ca tomi' querec xim urut pum quem, om ca param maparut pain ca tomi' querec urut pum pain, xi wara taxi' ximao ara main oro ca param nuxut ta. Je ca howa urut pum pain ca maqui' mon Iri' Jam ta urut con.


Xi noc cuhu' Te ta. Om ca noc cuhu', xi noc pan mahu' ta. Howa mahu' pain ca maqui' ton Te quem.


Pijim' mi' iri urut pahu' pain capijacon Iri' Jam pane ne, querec pin' ac hwein na pain ca om maqui' nein ca coromicat nuxut. Om ca capijacon wari' ne hwein. Capijacon Iri' Jam ma' ira hwein. Je ca tama' tomi' querec te urut con pahu'. Iri'o' na quem, maqui' non Iri' Jam co meo cara nain xumuhu' pain ca howa hwein capijacon ma'.


Querec urut con Panxica pain ca maqui' cain macan' pane. Tomi' hwet urut cocon oro wari' pain ca mam' capari' con Cote ca quem. Hwet roron oro wari' pain macan' cain, to' witan ca' roron pain ca caracat nucucun ta non pari'.


Mi' roron pain ca xica' pe ne ximicocon quem. Win ne ca xica' pe ne ximixi' pain ca win cwere xim ca', je pain ca win cwere mapa' quem. Mi' roron pain ca win cwere cacapari' quem. Ma' ta howa pin quequem oro wari' co om querec pin' nenem pain macan' ca'. Howa teterem pain ca tomi' mapa' pane, pain ca hwet roron oro wari' pain macan' ta mapa' pane quem.


Mo xi te iri'o' hun Iri' Jam ma', om ac ne xira ca noc mahu' ta ac tococwa na. Xi maqui' ara ton Iri' Jam ta. Je ca pe ho' xuhu' ca'. Om ca maqui' ta' pain ca param pan ne. Wirico Te co hwet roron ta napa' pahu'.


Om ca howa mapa' pain ca win cwere ton Te ra? Om ca howa mon pain ca win cwere pan capa' quem ra? Oro ca tomi' ne ca tomi' xuhu' ca', om ca maqui' nein ca coromicat ne. Maqui' non Te co pe ho' napa'. Oro ca tomi' ne ca', oro ca ara ne ca' quem, wirico Te na co tomi' pan nain. Wirico co ara pan nain quem.


Xi maqui' nein ca coromicat ne oro ca tomi' ne ta. Maqui' non Te co hwet roron oro wari' ta napa'. Wirico co tomi' mi' napa' pain oro ca tomi' ne. Wirico co mi' napa' pain ca pijim' ne.


Om na ta Taramaxicon ne ac con na Simão Pedro. Ma' wari' xi ja' ja' urut quem? Wum co tomi' hwet naparut pain capijam ca mi' nain ca e' cara wa pain pawin ta.


Tomi' xun urut pahu' pain i ca' quem xere. Wara hu urut pahu' pain ca xuruxut xo' je, ma' ta hohot hun Iri' Jam ta urut pahu' pane. Querec pin' paxi' urut pahu' pain ca tomi' ha' maparut quem. Xuruxut xo' hwe ma' ira. Ane hu ca' urut pahu' pain xocori ca' ne. Win ne ca tomi' jujun caparut Taramaxicon nexi' Jeju cwa'. Xuruxut xo' cara je me urut pahu'. Win xumu win xumu tiquin' jein ca xuruxut xo' wa ta urut pahu'.


Xirao' mi' ho' xuhu' pain i ca' quem xere: Mam' pe wet jein capijacon Iri' Jam ca pijim' xuhu' pane, pain ca pijim' hwet xuhu' pain ca to' witan pin xim cuhu' Jeju pane. Je ca howa hwe pane, howa cara hwein quem.


Win cwere inonon. Win cwere mapa' quem. Ma' ta xica' pe pin ne ximicocon. Ma' ta querec pin' quequem oro wari' co noc nenem ma', ma' ta querec pin' quequem pain ca hwet roron oro wari' pain macan' ta mapa' pane. Ma' ta querec pin' quequem pain ca om noc momon ma' quem. Win ne ca om noc mapa' quem non.


Hwet jujun oro wari' pain oro xijein macan' ca' inonon. Win mapa' pane, pain ca hwet roron oro wari' pain macan' ta mapa' pane.


Tomi' ac caparut na: Wara coromicat xo' na Iri' Jam pane. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Oro xucucun wari' co om howa nanapa' ma' iri nana ne, om ca mi' tococwa pain ca taraju pa' wa quem.


Wara tomi' hwet ara xi' inuhu' pain ca tomi' xo' capa' Taramaxicon nexi' pane, pain ca toc xine comi memem ca'. Ca' inuhu' pane: Xim pin iri na con ne, pain ca quep xiho' toton cocon oro taramaxicon Judas pain ca quep xun cocon pane, an pan ac cain na capam' Taramaxicon nexi' Jeju.


Wari' co howa nain ca tomi' nucun ma' iri na ne, querec pin' nain ca iri'o' nucun Iri' Jam. Oro ca tomi' ca Iri' Jam ma', iri'o' na ta na.


Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.


Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.


Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.


Lean sinn:

Sanasan


Sanasan