João 17:4 - Tradução Bíblica Pacaas Novos

⁴ An hwet mi' inonon pain ca hwara' opa nem pain ca awi tamana nem pain macan' ca'. Xi om ne ca ara ara pi' pin ara tain ca taramaja ne ca ara ra mapa' ta.

João 17:4 Iomraidhean Croise

Lucas 22:37

Xi na ara ne pain ca hwet pin ne ca xirao' pe xine capijacon Iri' Jam ta. Ca' na ca xirao' pe nein: Ac ca caracat ca na cocon, xi to' pa' wi ara cocon cocon oro caracat ta na ca xirao' pe nein. Je ca tomi' xuhu' ca' ac tococwa na. Na e' na pain ca hwet pin ne ca xirao' pe nein pata'. Hwet pin ta' na ca xirao' pe nein pata' na ca tomi' tococwa ma'.

João 12:28

An hwet pe rain ca hwara' opa nem pain ca awi tamana nem ta Te ac ca na quem. Taraju ac urut pain na ca tomi' wa ma'. Maqui' nain pawin. Wara an hwet pe inain ca hwara' opa ne pain ca awi tamana ne ca' na. An hwet pe mami' ac tain tara quem. Ac i ma' na ca tomi' wa ca maqui' nain pawin.

João 14:13

Oro carawa ca mi' xut pain hun Te ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata', ara mi' ac xuhu' pain tara. Ma' ta an hwet mi' xuhu' pain ca hwara' opa nucun Te pain ca awi tamana nucun ta inuhu'.

João 14:31

Ane na e' ne pain ca tomi' ha' tomi' ha' pi' pin tain oro ca ara ra capa' Te ne, pain ca mi' pin ra capa' ca'. Mi' pin ta' pan ina pain ca tomi' ha' ton ca'. Om ca nain ho' xije. Ma' ta taxi' cacapa' oro wari' pain ca om noc ton ca' naparut. Tequi' to je e'. Maji mama' xi' ta ac caparut na.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

João 19:28

Taxi' pin ac xucun na Jeju pain ca ara awori pi' pin cain ca ara ra con Cote ca pane. Ma' xica' pe na ca xirao' pe xine capijacon Iri' Jam ca om hwet querec con. Je ca tomi' ca' ca: Toc xita' com na ina me na.

João 19:30

Toc pin iri nain ne, tomi' ac ca na: Ara awori pi' pin inain ca taramaja ne ta Te ac ca na. Maram quiji' mao ac ne na winacon. Mi' inem pain tamatara ca' Te. Querec wet rain ta non, mi' ac con pain na.

João 4:34

Tomi' ac caparut na: Ac carawa ca cao' wa napa' ca tomi' ha' ton Te co hwet roron oro wari' ta napa' pane. Ac carawa ca cao' wa napa' ca ara ara pi' pin tain ca taramaja ne ca ara ra capa' pane.

João 5:36

Ane ma' capa' xijein carawa ca to' querec pin' napa' pahu' ne, hwara' opa tiquin' ca' nain ca tomi' ca João pane, pain ca to' querec pin' capa' pahu' ac tococwa na. Oro carawa ca ara ta' ca', ca ara rain capa' Te cwa', je ca to' querec pin' napa' pahu'. Querec iri hwein oro carawa ca ara ta' ca' ne, querec pin' ac mahu' na pain ca hwet roron oro wari' ta capa' Te cwa' pahu'.

João 9:3

Om na ac caparut na. Om na ca caracat nucun ca to' om nain tocon. Om na ca caracat nequem jicon con cote ca ca to' om nain tocon quem. Om pan na tocon, ma' ta querec pin' cacapa' oro wari' pain ca hwara' opa ne pain ca quep xio pin ton ta na Iri' Jam.

Atos 20:24

Je i ma' ira ina ta. To' pa' ma' tatarapa' ne ina. Om ca xiram pa' xije. Ma' xica' pe na carawa ca param ta' ca', param e' inain ca ara ara pi' pin wa ca taramaja ne ca ara ra capa' Taramaxicon nexi' Jeju cwa', pain ca pijim' mi' roron pain capijacon Iri' Jam oro wari' ta capa' pane. Je ca tomi' xuhu' ca', tomi' hwet toton pain capijacon Iri' Jam oro wari' ta. Tomi' hwet toton pain ca xiram pa' capari' Iri' Jam ta. Om xi xiram pa' capari', xi awi iri' ta. Ane xiram pa' e' capari' ne.

2 Timóteo 4:7

Pain ca taramaja mi' ton Iri' Jam ca', om ca nain ho' camain' tain cwere pain ca taramaja ne. Om ca taramaja nene camain' ta'. Ara ara pi' pin inain oro ca taramaja ne ca mi' capa' pane. Howa cara inon quem, om ca an pe camain' ton.