João 17:1 - Tradução Bíblica Pacaas Novos

¹ Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 17:1 Iomraidhean Croise

Marcos 14:41

In mao mami' ac ca na, tomi' mami' ac con na Cote ca, in hwet mami' ac tococwa na. Je win 3 pin ne ca in hwet in hwet tococwa ma'. Tomi' ac tococwa na: Pi'am pi'am wet hwe ra? Xao to wa xao to wa wet hwein xumuhu' ra tata. Je i ma' ira, maho' jein ta ac tococwa na. Maqui' pin nana co quep xim nanapa' cwa'. Wata' pain ca Iri' Wari' ta' ca', quep ho' xim nanapa'. Maqui' pin na co tomi' mi' xim napa' cocon oro caracat ta.

Lucas 18:13

Co ma' co cut in taxipa' imposto ma' iri na ne, mo mo pe na. Om ca noro piri' ca, noro quiji' nain macan', xi wixipa' ara ca ta. Wap nain quimacon pain ca querec pin' xucun pain ca pan tem nucun. Xiram pa' ne ta Iri' Jam. Caracat ara xi' ina ta na. Ac i ma' na ca pijim' nucun Jeju ma'.

Lucas 22:53

Wara pe ho' paxi' inuhu' pain oro xijein xec pane, pain cote ne xiricon Iri' Jam pane. Je xi quep qui' mahu' pain i cain pane? Je i ma' pahu' ta ac tococwa na. Maqui' pin na iri' hora nuhu' ma', pain ca ara xim mahu' pain ca param nuhu' ma'. Maqui' pin na iri' hora nucun Caxicon Jam co taramaxicon pe ho' nonon oro caracat ta na ca tomi' tococwa ma'.

João 11:4

Taraju iri nain i ma' Jeju ne, tomi' ac ca na: Caxi paxi' na Lázaro, ane om mi' pin ta' ca pain ne. Caxi e' na. Ma' ta querec pin' cacapa' pain ca hwara' opa ne oro wari' ta na Te Iri' Jam. Ma' ta querec pin' quequem pain ca hwara' opa nem quem napa' pain ca Panxita' capa' ta na.

João 11:41

Joc hwet pin ac cacain na pacun ma'. Noro pawin ac ca na, tomi' ac con na Cote ca: Tomi' querec te inem pain ca ha' mapa' pain ca tomi' xim ca' Te.

João 12:23

Tomi' xo' ac tococwa na: Maqui' pin ta' iri napa' xec nein ca mi' pin ta' ne ca'. An hwet mi' ac cuhu' tara pain ca hwara' opa ne Te Iri' Jam. An hwet mi' turuhu' pain ca hwara' opa ne ca', pain ca Iri' Wari' ta' ca'.

João 13:1

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 16:32

Tara pahu' ac caparut na. Wixicam pin na xec nein ca wawaran mama' xi' hwe ta. Maqui' pin iri na ta. Wawaran pi' pin ac hwe tara, mama' mama' pi' pin ac hwein tara xuruhu'. An pe pin xim mahu', xica' pe ac ta' tara pa'ao'. Om paxi' tara ca xica' pe ta' quem, xi pe ho' taxipa' ara capa' Te ta.

João 7:30

Quep xun paxi' nonon Jeju quem, ane om quep ac cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ma'.

João 7:39

Tomi' mi' nain Tamataracon Iri' Jam ca mi' xun tococwa co howa nonon ma'. Om ca mi' querec tococwa pain, xi mi' pin querec ca Jeju ta. Om ca e' mami' querec ca, om ca in hwet querec con Cote ca, om ca taramaxicon wi querec con pain pawin quem.

João 8:20

Je ca tomi' ca Jeju pain ca pijim' pe cain ca tao' caho' nein cote ne xiricon Iri' Jam pane. Pijim' pe ja' pan nain pana ca to ne dinheiro ca mi' cocon Iri' Jam oro wari' ma'. Na paxi' xiroron pain ca quep pe cocon pain i ma', ane om quep cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ta.

Atos 3:13

Om na ta! Ca hwara' opa pan nucun Iri' Jam ta, co Iri' Jam ne caca hwanana nexi' cara pane, Abraão con Isaque con Jacó cara pane, wirico pan na co quep xio pin non wari' cwa', wirico co an hwet mi' nuhu' pain ca hwara' opa tamana nucun Jeju cara pane, co taramaja mi' taxipa' non pane. Quep jun Jeju ta huhun oro taramaxicon nuhu' pane, o mi' ac cocon na con taramaxicon Pilatos quem. Ma' ta to' pa' pin cocon oro soldado nem ta nonon pane. Om pin ton paxi' non Jeju Pilatos pane. Ane tomi' napat pan hun ne. Noc urut con ta hun.

1Pedro 1:21

Je ca howa pin hun Iri' Jam ma', xi om ca Cristo co to' e' mami' ca pane, co to' hwara' opa ca pain ca mi' con pain ca in ac in ac pi' pin cocon oro wari' quem. Je ca howa hun Iri' Jam ma'. Howa hun pain ca winim' hun ma', pain ca mi' xim cuhu' pain oro ca wara tomi' pe mi' cuhu' ma'.