João 16:9 - Tradução Bíblica Pacaas Novos

⁹ To' querec pin' totoron pain ca caracat nucucun ma', pain ca om howa cacapa' ma'.

João 16:9 Iomraidhean Croise

Marcos 16:16

Tomi' ac tococwa na: Wari' co howa ma', co ja' com ma' quem, to' witan ca' ac tocwa tara pain ca caracat nucun. Wari' co om howa ma' iri na ne, em' ma ta ac tocwa tara, wap tamana ac tocwa tara ta.

João 16:8

Maqui' iri tara ne, ca' ac ne tara ca taramaja nein: Meo tarain ximicocon oro wari' co om howa nanapa'. To' querec pin' totoron pain ca caracat nucucun. To' querec pin' totoron pain ca xut xo' ne ca'. To' querec pin' totoron pain ca wap toton cocon Te Iri' Jam quem.

Romanos 7:9

E' paxi' ina pain cara pane, pain ca om taxi' querec tain ca xirao' nucun Moisés pane. Taxi' pin iri inain ne, hu iri napa' ne. Xirao' caho' iri napa' pain ca param ximao wa ne, hwara' opa pin ac capa' na ca caracat wa, ac ca mi' pin ta' na quem.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

Hebreus 3:12

Ma' tara xumuhu' me xere. Ma' ta om ma' camain' ca win ma' nuhu' co pan tem ximicon ta. Ma' ta om ma' camain' ca win ma' nuhu' co om howa xo' ra na ma', co an pe pin ton non Iri' Jam co e' cara cwa'.