João 16:5 - Tradução Bíblica Pacaas Novos

⁵ In hwet ton paxi' inon Te co hwet roron oro wari' ta napa' pane ac caparut na. Je xi tomi' querec mahu' pain ca main ca mao ta' ma ma' quem mahu'? Om ca tomi' querec camain' mahu' pain.

João 16:5 Iomraidhean Croise

João 13:3

Ane wara tomi' con Jeju Cote ca ne: Wum co iri' Taramaxicon. Taramaxicon pe ho' rain oro carawa cocon oro wari' quem ta non. Taxi' nain i ma' Jeju quem. Taxi' xucun pain ca maqui' con Iri' Jam, taxi' xucun pain ca in hwet ton con quem.

João 13:36

Tomi' querec ac con na Pedro: Main ca mao ta' ma ma' quem Taramaxicon ne ac con na. Om na ta Pedro ac ca na. Ca mao ta' ta' ca', om ca mao ac ma pain xocori ca'. Ame ma e', main maqui' tara xec nein ca hwet xim mapa'. Hwet ac mapa' tara ta non.

João 14:28

Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'.

João 16:10

To' querec pin' totoron pain ca xut xo' ne ca', xi om ne ca in hwet ara ton Te ta. In hwet iri ton ne, om iri tara ca querec mami' mahu' ne, je tara ca to' querec pin' cocon pain ca xut xo' ne ca'.

João 16:16

Maqui' ho' tara xec nein ca querec querec om mahu' ta ac caparut na. Ame hwe e', om ta pain homa ne, querec mami' ac mahu' tara quem naparut.

João 16:17

Tomi' ca' ac xujuxut na: Cain' cain' ta' ca pain ca maqui' ho' tara xec nein ca querec querec om mahu' capari' quem ne? Cain' cain' ta' ca pain ca om ta pain homa ne, querec mami' ac mahu' tara ta capari' quem? Cain' cain' ta' ca pain ca xi hwet ton ara ton Te ta ara ca quem?

João 16:28

Maqui' inon Te pain ca maqui' tain macan' pane. Paca' ho' tain ina quem. In hwet ac ton tara Te na ca tomi' caparut ma'.

João 17:13

Hwet ho' xim inem quem ac con na. Tomi' mi' inem cocon pain ca pe pe wet tain macan' ca'. Ma' ta tomi' querec te tamana caca inonon. Win ne ca tomi' querec te tamana ta' ca'.

João 17:4

An hwet mi' inonon pain ca hwara' opa nem pain ca awi tamana nem pain macan' ca'. Xi om ne ca ara ara pi' pin ara tain ca taramaja ne ca ara ra mapa' ta.

João 6:62

Cain' cain' xi' hwe pain ca aram aram querec xim mahu' pain ca piri' in mao tain pawin quem? Wata' pain ca Iri' Wari' ta' ca', main in mao tain pawin ca wara pe ta' pane. Cain' cain' xim mahu' quem?

João 7:33

Tomi' ac ca na Jeju: Pe ho' wijimain ca' xuhu', in hwet ac ton tara Iri' Jam co hwet roron oro wari' ta napa' pane.

Hebreus 1:3

Wirico Panxica co toha pan, pain ca an hwet pan cain ca toc meremem nucun Iri' Jam pain ca awi tamana nucun, je pain ca hwara' opa tamana nucun ma' quem. Xi iri' wirico pan ara ca pain ca Iri' Jam nucun ta. Wirico co quep xat nain oro carawa pain oro maxinain ma' quem. Tomi' e' nain, ma' ac ne na, xi hwara' opa ara ca pain ca tomi' cain ta. Hohoc pin iri napari' pain ca caracat nexi' ca' ne, xao pe ho' ac cain na iri' curucun Cote ca co hwara' opa tamana cwain, pain pawin cain.

Hebreus 12:2

Win xumu cara e' xun Jeju ma', xi wirico ara ca co mi' napari' pain ca howa wa pain ca xo' howa qui' xun pane, wirico co mi' xim napari' pain ca howa cara xun quem. Wixipa' paxi' nana wari' co tatatain mi' wawa pain pana ma', ane je i ma' ira ta pan ca Jeju ne. Quereme na pain ca tatatain mi' ma' tatarapa' pain ne ca pane, xi om ne ca coromicat ara cain ca aram aram tomi' querec te tamana ta' nucun pain pawin ta. Je ca pe ca pain xocori ca' quem, xao pe ho' nain iri' curucun Iri' Jam cwain.