João 16:3 - Tradução Bíblica Pacaas Novos

³ Ara ac i ma' tuturuhu', xi querec pin' cocon Te Iri' Jam ta. Om ca querec pin' cacapa' quem.

João 16:3 Iomraidhean Croise

Lucas 10:22

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

João 15:21

Oro wari' co noc nanapa' ma', om ca querec pin' cocon Te co hwet roron oro wari' ta napa'. Je ca noc xuxun cucuhu' ma'. Je ca quep em' xuxun cucuhu' ma' quem. Xi taxipa' ara mahu' ta.

João 15:23

Oro wari' co noc nanapa' ma', om ca xica' pe ta' pain ca noc cacapa'. Noc nonon Te quem.

João 17:25

Wum co tama' ara xo' ta Te ac con na. Om ca querec pin' camain' quequem oro wari' co noc nenem. Ane querec pin' xim ne. Querec pin' nenem caram cwa' co mi' mapa' cwa' quem. Querec pin' nenem pain ca hwet roron oro wari' ta mapa' pane.

João 17:3

Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.

João 8:19

Main ca pe ca cote ma quem ac cocon na. Om ca querec pin' mahu' ta ac tococwa na. Om ca querec pin' hun Te quem. Mo xi querec pin' mahu', querec pin' ac hun xira Te quem.

João 8:55

Om ca querec pin' camain' hun ta. Wata' iri na ne, querec pin' inon. Mo xi tomi' ca' ta': Om ca querec pin' ton, mo xi tomi' ac i ma' ta', tomi' mixein ac ta' xira. Win hwe ma', pain ca tomi' mixein hwe ma'. Ane querec pin' ton ne. Tomi' ha' inon quem.

Atos 3:17

Taxi' paxi' inuhu' ta xere ac tococwa na. Taxi' inonon oro taramaxicon nexi' pain ca judeu iri' ca' quem. Wirico paxi' na Jeju co wara tomi' pe pin ca Iri' Jam pane, ane om querec pin' hun ne. Je ca noc urut con ta hun pane. Je ca to' pa' pin hun quem.

1 Coríntios 2:8

Om ca taraju pa' caca oro taramaxicon co om howa nana cwa', om ca ma' camain' ca taramaxicon co taraju pa' nain ca coromicat nucun Iri' Jam. Mo xi taraju pa' cacain, om xi tatatain mi' qui' cocon pain pana Taramaxicon nexi' co awi tamana pain ca om caracat nucun pain ca hwara' opa tamana nucun.

2 Tessalonicenses 1:8

Oro wari' co noc nonon Iri' Jam ma', co om tomi' ha' je na nanain capijacon ca tomi' hwet napari' con Taramaxicon nexi' Jeju ma', wap ac tococwa tara pain ca win hwe pane tococwa ma'.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1João 2:23

Oro wari' co noc nonon Panxica Iri' Jam ma', om nonon Cotere'. Wari' co Panxica Iri' Jam na Jeju ta, ma' non Cotere' quem.

1João 3:1

Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.

1João 4:8

Wari' co noc non win ma' ca ma', om ca querec pin' con Iri' Jam, xi noc con wari' Iri' Jam ta.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.