João 16:12 - Tradução Bíblica Pacaas Novos

¹² Mija mija wet paxi' na oro ca tomi' xim xuhu' pain xocori ca'. Mo xi tomi' ho' xuhu' pain, om xi taraju pa' ac hwein. I'ina xira xumuhu' pain ta.

João 16:12 Iomraidhean Croise

Marcos 4:33

Ac i ma' na ca pijim' cocon oro wari' Jeju pane. Pain ca taraju taraju wet cocon pain ca pijim' mi' tococwa pain capijacon Iri' Jam ma', pijim' joc mam' mi' e' tata pain oro carawa.

João 14:30

Om ta momon tomi' tomi' tiquin' xuhu' pain xocori ca' quem, xi ma' ara ne carawa ca ara xim napa' ca'. To' quiji' pin xim paxi' napa' Caxicon Jam co taramaxicon pe ho' nonon oro wari' pain macan' ca', ane om na con pain ca to' quiji' pin capa' ne, xi taramaxicon pe ho' capa' ta.

João 15:15

Om ca querec querec ac wari' co taramaja mi' e' nonon taramaxicon nucucun mami' mahu', om na. Querec querec ac oro win ma' ne pin mahu'. Oro win ma' ne pin xuhu' ca' ira. Wari' co taramaja mi' e' non taramaxicon nucun ma', om ca taxi' cain ca ara ta' nucun taramaxicon nucun. Wahu' iri na ne, oro win ma' ne pin inuhu', xi tomi' hwet tomi' hwet pi' pin ara xuhu' pain oro ca tomi' capa' Te ta.

João 16:11

To' querec pin' totoron pain ca wap toton cocon Te ma' quem, xi om ne ca wara wap ton ara con Caxicon Jam co taramaxicon pe ho' nonon ma'. Taxi' pin ac cocon tara Te pain ca wap toton pan cocon pain ca caracat nucucun.

João 16:13

Ane maqui' ta' ne Tamataracon Te ca an hwet pe taxipa' nain oro capijacon Te ca iri'o' ne. Maqui' iri tara ne, tomi' xo' ac cuhu' tara pain oro capijacon Te ca iri'o'. Om ta tomi' hwet cuhu' pain ca coromicat pan nein, om na. Tomi' hwet e' turuhu' pain oro ca taraju ne con Te. Tomi' hwet turuhu' pain oro carawa ca ara ta' ma' quem.

Atos 1:3

Mi' pin iri na ne, e' mami' iri na ne, hwet pa' ac cocon na oro apóstolo nucun. Ma' 40 na xec pain ca hwet pa' ho' hwet pa' ho' cocon pane. Ma' ta querec pin' mahu' pain ca e' mami' ne ca' tata. Wata' ta wata' ta tata. Xin ne, wum ma' ira ac cocon na. Om ca tara pum camain' cocon. Querec pin' nonon pain ca e' mami' nucun pane. Tomi' xo' ac tococwa na con Iri' Jam quem, pain ca taramaxicon pe ho' toton cocon pane.