João 15:8 - Tradução Bíblica Pacaas Novos

⁸ Mo ta ara hwein oro ca hohot non Te ma', querec pin' ac cocon tara oro wari' pain ca hwara' opa nucun pain ca awi tamana nucun. Ac i ma' tara ca an hwet pe hwein ca taxipa' mahu' ma' quem na ca tomi' caparut.

João 15:8 Iomraidhean Croise

Mateus 5:16

Je ca tomi' xuhu' ca'. Ac i ma' tara ca toha ne naran nuhu' ta. Toha mi' jujun oro wari'. Ma' ta querec pin' cacain ca ara hwe ma', pain ca ara hwein ca awi wa ma'. Ma' ta awi na xin Iri' Jam ta cocon Cotere' co pe pawin pahu'.

Mateus 5:44

Ane tomi' pan xuhu' pain i ca' ne: Ta noc huhun co noc nunuhu' ma' me. Tomi' mi' jujun con Iri' Jam oro wari' co ja' tequi' quep em' nunuhu' ma' quem.

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

João 13:35

Mo ta om noc camain' xujuhu', querec pin' querec pin' pi' pin ac cucuhu' tara oro wari' pain ca taxipa' mahu' ma' na ca tomi' caparut ma'.

João 15:5

Wata' co Iri' Panaji Uva. Wahu' co taparain nana ma' quem. Wari' co win cwere napa' ma', wari' co win cwere ta' ma' quem, ac ca wina tamana ca tara pain ca xut xo' ca pain ca an hwet pe cain ca howa nucun. Je ca tomi' xuhu' ca': Mo ta om xuhu', om ca ara ac hwein ca awi wa ta.

João 8:31

Tomi' ac tococwa na oro win judeu urut ma', co howa nonon ma': Mo ta tomi' ha' cara mahu' pain ca tomi' xuhu' ca', taxipa' iri'o' ac mahu' tara.

1 Coríntios 10:31

Je i ma' ira inuhu'. Oro carawa ca ara xi' hwe ma', pain ca cao' xi' hwe ma', pain ca toc xi' hwe ma' quem, pain ca ara xin hwein oro carawa ma', ara xin iri jein ne, ara ac hwein tara. Ma' ta in ac cocon Iri' Jam oro wari' co querec nanapari' pain ca ara xin ca', ac i ma' tara ca coromicat nuhu' ta.

1 Coríntios 6:20

Wirico Iri' Jam ara xi' na co mene pan nain curuhu'. Xi om ne ca mam' to' witan ara cuhu' pain quicon Panxica ta. Je ta mam' tomi' ha' qui' hun pain curuhu' ma' quem. Ma' ta awi na Iri' Jam ta caca oro wari' pahu'.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Tito 2:10

Ta an noc xa hwein carawa nucucun me ta roron. An hwet mi' pan jujun pain ca xuruxut xo' nuhu' ma', ma' ta querec pin' cucuhu' pain ca om mixein camain' nuhu' pain ca ara cara xin hwein oro ca param nucucun ta roron. Querec pin' iri tuturuhu' pain oro ca taramaja xo' nuhu' oro wari' ma' ne, taraju toto napa' me ac caca tara pain ca taraju cacain ca pijim' xine capijacon Iri' Jam co to' witan napari' ta roron.

Tito 2:5

Na ac cacam tara pain ca ca' na cacam pain ca coromicat xo' wa, je pain ca ma' ne ximicacam quem. Na ac cacam tara pain ca ca' na cacam pain ca querec wet xo' cocon waram taxicacam cacam humaxicacam ma', pain ca taramaja to cacamain xiricacam ma'. Na ac cacam tara pain ca ca' na cacam pain ca xiram pa' cocon oro wari' ma', je pain ca tomi' ha' cocon waram taxicacam ma'. Mo ta xuruxut xo' ac i ma' cacama co xo' horon nana ma', om ac ne tara ca tomi' napat cacain capijacon Iri' Jam oro wari' cacam ta.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 4:11

Mo ta mi' cuhu' pain ca pijim' wa ma', pijim' xo' ac hwe tara. Xi capijacon Iri' Jam pan ara ne ca pijim' hwe ta. Mo ta mi' cuhu' pain ca quep xiho' hun win ma' nuhu' ma', mam' quep xiho' ac hun tara pain ca hwara' opa nucun Iri' Jam ca mi' taxipa' ca ma'. Ma' ta awi na Iri' Jam ta caca oro wari'. Wirico Jeju Cristo tara co mi' nonon pain ca tomi' ac i ma' caca ma'. Hohot na pain ca tomi' querec te xun pain ca awi tamana cara nucun. Na e' na pain ca tomi' querec te xun pain ca hwara' opa tamana cara nucun ma' quem. Amém, iri'o' na ca tomi' ne ta.