João 15:5 - Tradução Bíblica Pacaas Novos

⁵ Wata' co Iri' Panaji Uva. Wahu' co taparain nana ma' quem. Wari' co win cwere napa' ma', wari' co win cwere ta' ma' quem, ac ca wina tamana ca tara pain ca xut xo' ca pain ca an hwet pe cain ca howa nucun. Je ca tomi' xuhu' ca': Mo ta om xuhu', om ca ara ac hwein ca awi wa ta.

João 15:5 Iomraidhean Croise

Mateus 13:21

Ane om tomi' querec te cara cacain ne. Om ca corom mao nein ximicocon capijacon Iri' Jam ca taraju caca. Maqui' iri na carawa ca to' i'ina nonon ne, ja' tequi' quep em' iri tata oro wari' pain ca howa cacain capijacon Iri' Jam ma' ne, an to hap ac cacain na ca howa wa.

João 12:24

Je ca tomi' xuhu' ca', tomi' iri'o' inuhu' ta ac tococwa na. Noro jein tocwi trigo ma'. Mo ta oin' xine, memerem ac ne na, ac ca mi' pin ne na quem. Mo ta om oin' xine pain macan' ma', mo ta om memerem maram mao ne taparinain ma', to wet xica' pe cara ac ne tara tocwi. Mo ta memerem maram mao ne taparinain, mi tamana ac ne tara tocwi.

João 15:16

Om ca wahu' ne co tora' pan napa' pain ca taxipa' xun mahu' ma', om na. Wata' pan co tora' nuhu'. Mi' inuhu' pain ca taramaja wa quem. Wawaran mama' je, pijim' mi' jujun pain capija oro wari' ta inuhu'. Howa cara ac caca tara co howa nanapa' pahu' inuhu' quem. Mo ta tomi' ha' mahu' pain ca mi' xuhu' pain ca taramaja wa ca'. Mo ta tomi' ca' hun Te ma': Mi' naparut pain ca tomi' urut pum Panxima Jeju ta, mo ta tomi' ac i ma' hun pata', ha' ac cuhu' tara pain carawa ca mi' xut pain hun ma'. Mi' mi' pi' pin turuhu' pain.

João 5:19

Tomi' ac cocon na oro taramaxicon Jeju: Wata' pain ca Panxica Iri' Jam ta' ca', om na carawa ca ara taxi' ta' pain ca param pan ne. Tomi' iri'o' inuhu' ta. Querec iri inon Te pain ca ara cain ma' ne, je ca ara ta' ca'. Oro carawa ca ara ca Te cwa', je ca ara ta' quem.

João 9:33

Mo xi om maqui' con Iri' Jam ca hwara' opa nucun co ma', om xi quep xio pin ac capa' ta na ca tomi' tococwa ma'.

Atos 4:12

Je ca tomi' xuhu' ca' ac tococwa na. Xica' pe na Jeju co to' witan taxi' napari'. Om na xucun co to' witan roron oro wari' ta ca Iri' Jam pari', om om na pain oro xijein macan' pain pira quem. Xica' pe na Jeju co to' witan taxi' napari'. Ac i ma' na ca pijim' cocon oro taramaxicon Pedro ma'.

Romanos 12:5

Ac i ma' iri' pain ca win cwere xun Cristo quem. Mija paxi' iri', ane xica' pe ne cwerexi' con Cristo ne. Xi om ne ca win cwere ara xun ta. Jao jao ma' pin xijexi' pain ca coximinain curucun Cristo iri' ca'.

Romanos 6:22

Ane to' witan pin cuhu' Iri' Jam pain xocori ca' ne. Witan ca' hwein ca caracat wa. Wari' nucun Iri' Jam pin hwe, taramaja mi' e' hun Iri' Jam. Mi' ac cuhu' na pain ca awi wa pain ca iri' wari' ne pin cuhu' ca', ac i ma' na ca quep xiho' cuhu'. Aram aram mi' ac cuhu' tara pain ca om pi' ra ha' ne ca e' wa quem.

Romanos 7:4

Ac i ma' iri' quem xere: Ac ca cono' pin iri' na. Cono' ca' irin ca xirao' nucun Moisés, xi om ne ca cono' wi ara xun Cristo ta. Ac i ma' napari', win cwere pin urun xucun tarama' ma', wirico co e' mami' pane. Ma' ta ara hwein ca awi wa pain ca taramaja mi' mahu' ta napari' Iri' Jam.

1 Coríntios 10:16

Toc xin comi memem iri iri' ne. Tomi' querec te urut pum pain ca mi' maparut pain iri urun Iri' Jam ne. Querec pin' wi ac irin na quicon Cristo pain ca hohoc pin capari' pain ca caracat nexi'. Jicaracat cao' pin iri irin capam' ma' ne, querec pin' wi ac irin na curucun pain ca mi' pin caho' capari' quem.

1 Coríntios 12:12

Ma' xica' pe paxi' na cwerexi' ca', ane mija ne oro coximinain ne. Ma' na araxi', ma' na taparaxi', ma' na caximaxi', mija paxi' na oro xijein coximinain cwerexi'. Ane xica' pe ne cwerexi' ne. Ac i ma' na curucun Cristo quem. Mija na oro xijein coximinain curucun.

1 Coríntios 12:27

Je ca tomi' xuhu' ca': Curucun Cristo iri' pain ca jao jao ma' xijexi'. Coximinain curucun Cristo coximinain Cristo xam' iri'.

2 Coríntios 13:8

Xi ha' caparut pain ca ari urut pain capijacon Iri' Jam ca iri'o' ta. Ha' e' na pain ca pijim' hwet xo' urut pahu' pain ta.

2 Coríntios 9:10

Noro jun co ma', pain ca mi' cain oro tocwi ca oin' wa ma', je pain ca mi' cain carawa ca cao' wa ma' quem. Ac i ma' na pain ca mi' hwara' mi' hwara' tiquin' cuhu' pain oro carawa ma' quem. Ha' ac cuhu' tara pain ca xiram pa' xiram pa' tiquin' huhun oro co ximin nana pain ca om cocon carawa ma' quem.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Efésios 5:9

To pin iri irin xec ne, awi ac iri' na. Iri' wari' ac iri' na. Iri'o' ac iri' na quem.

Filipenses 1:11

Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.

Filipenses 4:13

Quereme quereme pi' pin inain oro ca ara napa', xi om ne ca wirico ara ca co to' hwara' opa napa' ta.

Filipenses 4:17

Tomi' hwet e' inuhu' pain, om ca mam' mami' xine pain carawa me xuhu' ca', om na. Param e' inon Iri' Jam pain ca ara mi' tamana cuhu' pain ca awi wa, xi om ne ca quep xiho' ara mahu' ta.

Colossenses 1:10

Tomi' mi' ac i ma' urut pahu' con, ma' ta xuruxut xo' hwe pain ca howa hun Taramaxicon nexi' ma'. Ma' ta hohot hun pain oro ca ara hwe ma', pain ca ara cara hwein oro ca awi wa ta urut pahu'. Ma' ta horon horon tiquin' hwe pain ca querec pin' hun Iri' Jam ta urut pahu'.

Colossenses 1:6

Capijacon Iri' Jam con Jeju ca pijim' hwet xihwe pane, pijim' hwet pijim' hwet xam' tata pain oro wari' pain oro xijein macan' quem. Oro co howa nanain ma', to' jimama' pin ac tococwa na. Win cuhu' pain ca xo' taraju ten qui' hwein pain cara pane, pain ca xo' querec pin' ten qui' hun Iri' Jam pain oro ca xiram pa' iri'o' capari' ma'.

Tiago 1:17

Oro carawa ca awi ca ma' napari' ca', wirico Iri' Jam co mi' napari' pain. Maqui' nain pawin, maqui' non Cotere' co tomi' ma' pin non xina con panawo' con pijo' pane. Xin in taxipa' paxi' na ca toha nucun xina con panawo' con pijo' ma'. Iri' Jam ma' iri na ne, om ca xin in camain' ca. Je curucun mao na.

1Pedro 2:4

Wixicam pin hun Taramaxicon nexi' Jeju co an xiho' nain pacun ca e' ma', ca to' teren nain xirim. Noc urut pum ta paxi' nonon oro wari' pane, ane tora' pan con Iri' Jam ne. Hohot tamana ara xi' mapa' ta non pane.

2 Pedro 3:18

Xuruxut xo' xuruxut xo' tiquin' e' je, ma' ta querec pin' hun Taramaxicon nexi' Jeju Cristo co to' witan napari' cwa', co xiram pa' e' napari' cwa'. Tomi' hwet xin ca awi nucun pain xocori ca', tomi' hwet cara xin ca awi nucun pain oro xec ca maqui' ta' ma' quem. Amém, iri'o' na ca tomi' ne ta. Je i ca' ca xirao' ne ca'.