Biblia Todo Logo
Bìoball air-loidhne

- Sanasan -




João 15:4 - Tradução Bíblica Pacaas Novos

4 Win cwere cara xine, win cwere cara ac xuhu' tara quem. Win ne ca wina e' ne taparain pana pain ca win cwere cara nein panaji ma'. Ac i ma' hwe quem. Mo ta om win cwere mahu', om ac ne tara ca xuruxut xo' hwe pain ca om an hwet pe hwein ca howa nuhu' quem.

Faic an caibideil Dèan lethbhreac




João 15:4
29 Iomraidhean Croise  

Noro jein panaji memem ma' quem ac tococwa na oro fariseu. Panaji memem ca awi ma', wina awi na. Panaji memem ca om awi ma' iri na ne, wina pan tem na quem. Xac querec iri xine winain ne, querec pin' ac xine na panaji pain ca awi nein, je pain ca om awi nein quem.


Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.


Maqui' iri tara xec nein ne, pain ca querec mami' xim mahu' ma', taxi' pin ac mahu' tara pain ca win cwere ton Te cwa', je pain ca win cwere mahu' quem, je pain ca win cwere xuhu' ca' quem.


Win cwere inonon. Win cwere mapa' quem. Ma' ta xica' pe pin ne ximicocon. Ma' ta querec pin' quequem oro wari' co noc nenem ma', ma' ta querec pin' quequem pain ca hwet roron oro wari' pain macan' ta mapa' pane. Ma' ta querec pin' quequem pain ca om noc momon ma' quem. Win ne ca om noc mapa' quem non.


Wari' co cao' nain cwere ca', wari' co toc nain cocu ca' quem, win cwere ac capa' na, win cwere ac ton na quem.


Tomi' ac tococwa na oro win judeu urut ma', co howa nonon ma': Mo ta tomi' ha' cara mahu' pain ca tomi' xuhu' ca', taxipa' iri'o' ac mahu' tara.


Wa' mao iri nain i cain ne, querec pin' ac tococwa na pain ca xiram pa' cocon Iri' Jam, je pain ca quep xiho' cocon quem. Hu ac tococwa na: Win xumu jun Taramaxicon nexi' ma'. Hwara' opa cara je pain ca howa hun quem tata.


Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.


Noro pan jein xumuhu' ta. Am howa iri'o' hun Jeju, querec pin' pan ac xujuhu' tara. Am xuruxut xo' hwe, am tomi' ha' hun. Om ca querec pin' hun Cristo Jeju pain ca pe ho' cuhu' pain xumuhu' ra? Tara pahu', am om howa iri'o' hun, am om hohot hun quem.


Ac ca mi' pin wi ta' na con Cristo quem, pain ca mi' pin pe cain panaxicon pane. E' e' wet paxi' ina, ane om e' pan ta' ne. Wirico Cristo co e' pe ho' napa' pain cwere. Tomi' ha' e' inain ca param nucun. Pain ca e' e' wet ta' pain macan' ca', howa cara inon Panxica Iri' Jam co om noc napa' cwa', co om nain ho' xucun pata' pain ca mi' pin caho' xim ta capa' ca'.


E' pe ho' tarain ximicocon Cristo ta inon pahu' quem. Win ne ca howa cocon ma' inon pahu'. Mi' roron pain ca om noc camain' quequem je pain ca om noc camain' xucucun quem. Hwara' opa tatara, om ta camara' caca pain ca caracat wa ta inon pahu'.


Ma' ta ara taxipa' cacain oro ca awi wa ta inon pahu'. Wirico tara Jeju Cristo co mi' nuhu' pain oro ca ara xo' wa ma'. Querec pin' ac tocwa tara Iri' Jam pahu', pain ca hwara' opa nucun, je pain ca awi tamana nucun quem.


Mo ta howa tiquin' howa tiquin' hun Cristo ma', mo ta hwara' opa cara hwe pain ca howa nuhu' ma', mi' ac cuhu' tara pain ca om ma' camain' cuhu' ca to' em' nuhu' ma'. Ta howa ni ca' camain' hwein capijacon Iri' Jam con Cristo me ta. Howa howa tiquin' jein oro ca wara tomi' pe nucun ca ara mi' xim cuhu' con. Wara pijim' xihwe pain pane, taraju hwein. Pijim' hwet pijim' hwet xam' tata pain oro xijein macan' oro wari' quem. Je ca taramaja ne ca' quem. Wata' pain ca Paulo ta' ca', pijim' hwet taxipa' inain capijacon Iri' Jam con Cristo.


Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.


Je ca tomi' xuhu' ca'. Xuruxut xo' xuruxut xo' tiquin' je pain ca win cwere hun Cristo Jeju ma'. Win ne ca howa hwein ca pijim' xihwe con, pain ca Taramaxicon na ta xihwe con pane.


Toron tamana napa' xumu pahu', xi coromicat ara xuhu' pane ta. Am tomi' querec cocon Caxicon Jam ma', am joc camara' cocon ma', am taramaja ximama' iri' pain ca pijim' mi' xuxun pain capijacon Iri' Jam ma', ac i ma' na ca coromicat ne pahu' pain ca jain jain ta' pahu' pane. Je ca hwet roron ton Timóteo pahu' pane. Ma' ta taxi' toton pain ca howa nucucun ta inon pahu' pane.


Ane om an xiho' xuxun oro wari' co in ca' nonon Iri' Jam ne, co to' om pin xun wawa ma'. Xi an xiho' ara xuxun co howa cara nonon Iri' Jam con Jeju Cristo ta. To' witan capari' ca' ira.


Wari' co tomi' ca' ma', win cwere inon Iri' Jam ta, am tomi' ac i ma' ca. Na e' na pain ca xut xo' ca quem. Win ca Jeju pain ca xut xo' ca pane.


Oro wari' co om howa cara nanain capijacon Iri' Jam ca ca' na ca Cristo pane, co tacan hwara' nanain ca coromicat pan nucucun pain ca ca' na cacain ma' quem, om ca win cwere cocon Iri' Jam. Oro wari' co howa cara nanain ma' iri nana ne, win cwere nonon Cotere', win cwere nonon Panxica quem.


Lean sinn:

Sanasan


Sanasan