João 15:1 - Tradução Bíblica Pacaas Novos

¹ Wata' co Iri' Panaji Uva ta ac caparut na. Te iri na ne, wirico co querec wet nain panaji uva.

João 15:1 Iomraidhean Croise

Mateus 15:13

Je i ma' ira ac caparut na. Oro fariseu ma', an xiho' nanain memem ca om oin' ca Te co pe pawin cwain. Ame hwe e', main horohot pi' pin totoron ta.

Mateus 20:1

Pijim' ac caparut na: Carawa ca ara ne pain ca taramaxicon pe ho' toton cocon oro wari' Iri' Jam ma', an xiho' nain carawa ca ara ne con waximain totain uva ma'. Iri' xo' xec pin iri na ne, mo tomi' xo' toton caram ma' co taramaja xi' nana ma' ac ca na, mo hwet ac tococwa na.

Mateus 21:33

Tomi' ac tococwa na: Pijim' mami' xuhu', pijim' joc mam' mi' xuhu' cocon oro co taramaja to nanain totain uva, taraju wet je e'. Ma' na waximain xitot pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na wari' co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.

Marcos 12:1

Pijim' joc mam' mi' xuhu' cocon oro co taramaja to nanain totain uva ta ac tococwa na, pijim' ac tococwa na: Ma' na wari' pane. Oin' ac cain na totain uva. Tao' caho' ac cain na, xe' ac cain na manain cote ne pacun ca mam' hum' pe xine cominain uva quem. Quep ac cain na xirim ca mao pawin ma' quem, ma' ta piri' pe ca wari' co querec wet nain ta na. Tomi' xo' ac tococwa na co taramaja to taxipa' nanain xitot. Taramaja to jein totain uva ne ca' ac tococwa na. Paca' iri tara memem ne, mene ac hwein tara xijein cacarain ma', mene ac tain tara xijein cacarain ca' quem, ac i ma' tara ca pagar xuhu' pain ca taramaja nuhu' ta ac tococwa na. Mao tain pira ina ta ac tococwa na, mao ac ca na quem.

Lucas 13:6

Tomi' joc mam' mi' ac tococwa na pain panajinain figo ca om ma' winain ma'. Ca' na ca pijim' nucun: Ma' na wari' co oin' pe nain totacon panaji figo. Cat ta' figo ta ac ca na, noro noro ac cain na quem. Noro paxi' nain, ane om mi ne ne. Om ca mam' camain' cain.

João 1:17

Moisés cara pane, tomi' hwet napari' pain oro ca tomi' ha' je capari' Iri' Jam. Jeju Cristo ma' iri na ne, an hwet mi' napari' pain ca xiram pa' capari' Iri' Jam. Mi' napari' pain ca querec pin' xin oro ca iri'o' wa con Iri' Jam quem.

João 1:9

Co ac iri' naran ma', hwet hwet xam' napari' pain ca wari' nexi'. Toha mi' napari' pain ximixi' ca'.

João 15:2

Wari' co querec wet nain panaji uva ma', ton tapiripit taxipa' nain taparain ca om wina. Taparain ca wina ma', wawac wijimain pin ac cain na. Ma' ta wina tamana ne nain.

João 6:32

Om na, je ca tomi' xuhu' ca', tomi' iri'o' inuhu' ta ac tococwa na. Om ca Moisés ca co mi' nuhu' pain capam' ca camara' qui' nain pawin. Wirico Te co mi' nuhu' pain pane. Wirico Te co mi' nuhu' pain Iri' Capam' ca maqui' pawin pain xocori ca' quem.

João 6:55

Xi iri' carawa ca cao' wa ara ne cwere ca'. Iri' ca toc wa na cocu ca' quem.

Romanos 11:17

Panaji oliva ma', an xiho' naparut pain ca judeu urut ca', ac iri' panaji oliva urut. Ac ca jicaracat paric xine na taparaxut, maqui' ac hwe na pain ca om judeu hwe ma', pain ca an xiho' hwein taparain panaji caji oliva ma', an tan pan mi' ac xihwe na pain panaji iri' oliva ma', ca an xiho' naparut ma', jao jao ma' pin ac maparut na quem. Je ca tomi' xuhu' ca': Wahu' pain ca om judeu hwe ma', pain ca an xiho' hwein taparain caji oliva ma', jao jao ma' pin hwein oro iri' taparain panaji oliva. Jao jao ma' pin ac maparut na pain ca judeu urut ca'. Quep xiho' pin nuhu' Iri' Jam quem, xi om ne ca xiram pa' ara cuhu' ta. Win ne ca quep xiho' caparut pain ca judeu urut ca'. Ac ca e' wi maparut na, ac ca toc wi maparut na pain waraqui pana ca maqui' nein caximain ma'.

1 Coríntios 3:9

Je ca tomi' xuhu' ca': Taramaja wi urut con Iri' Jam cwa'. Wahu' iri na ne, ac totacon hwe pain ca taramaja mi' urut pahu'. Ac xiricon hwe quem.

1João 2:8

Ane xocori ne ca hu nucun ca xirao' mi' xuhu' ca' ne, ac je na. Querec pin' urun Cristo pain ca om noc iri'o' capari', querec pin' xihwe pain ca om noc iri'o' xujuhu' ma' quem. To' om pin ara xi' nain ca jitacat nein xim pain xumuhu' ta. Toha pin nuhu' iri' naran ca iri'o' ta.