João 14:3 - Tradução Bíblica Pacaas Novos

³ Mao iri ta' ne, ara xo' ac tain tara ca to xi' nuhu', in qui' ac ta' tara, cut mama' ac xuhu' tara pain i cain quem. Ma' ta to ho' cara mahu' pain ca pe pan ta' pain i cain inuhu' ta.

João 14:3 Iomraidhean Croise

João 12:26

Wari' co taramaja mi' xim napa' ma', na e' na pain ca ja' ja' cara capa'. Oro ca mao ne ca', je tara ca mao ca quem, pe ho' tarapa' quem. Wari' co taramaja mi' napa' ma', tomi' querec te ac tocwa tara, hohot ma ta ac tocwa tara. Wirico Te tara co hohot ma pan ton non ta na ca tomi' tococwa ma'.

João 14:28

Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'.

João 14:4

Querec pin' hwein wana ca ac ta' ta' pain ca mao ta' ta' ca' quem ac caparut na.

João 17:24

Tomi' mi' inem cocon caram cwa' co mi' mapa' cwa' Te ac con na. Param inonon pain ca to ho' cacapa' pain ca pe ne quem. Ma' ta querec cacain ca hwara' opa ne pain ca awi tamana ne ca mi' mapa' ca'. Xi wara tomi' querec te ara mapa' pain ca om tomi' ma' pin querec xine macan' pane ta non.

Atos 1:11

Tomi' ac cocon na: Para noro pawin hwe ma' quem wari' nein Galileia? Jeju ma', co an piri' mao wa pain pawin ma', main in qui' tarain macan' ta. Querec hun pain ca piri' mao nucun. Ac i ma' tara ca in qui' nucun quem ta nonon.

Romanos 8:17

Je ca mi' xim capari' pain oro ca awi wa ca wara tomi' pe mi' capari' pane, xi om ne ca mana panxica ara iri' ta. Main cut xin con, cut wi xin con Cristo. Mo ta an xiho' xun Cristo pain ca jain jain nucun pain macan' ca', mo ta jain jain wi xun, tomi' querec te ac capari' tara Iri' Jam. Tomi' querec te wi ac capari' tara con Cristo, mi' wi ac capari' tara pain ca jao jao ma' xun pain ca awi nucun pain ca hwara' opa nucun quem.

Filipenses 1:23

Param param pi' pin paxi' inain. Param inain ca e' e' tiquin' wa, param inain ca mi' pin wa ca' quem. Param paxi' inain ca mi' pin wa, pe ho' xiton Cristo na ina. Hohot tamana xirapa' ca mi' pin wa ta.

2 Tessalonicenses 1:12

Tomi' ac i ma' urut con pahu'. Ma' ta awi na awi na cocon Taramaxicon nexi' Jeju oro wari' pain ca querec pin' cucuhu' pain ca to' witan pan cuhu' ma'. Ma' ta awi hwe awi hwe cuhu' Taramaxicon nexi' quem. Ha' taraparut quem. Om paxi' xira ca awi hwe capari' Cotere' Iri' Jam con Taramaxicon nexi' Jeju Cristo ma'. Ane xiram pa' pan cacapari' ne. Mi' taxipa' nanapari' pain oro ca param nucucun ta.

2 Timóteo 2:12

Taramaxicon wi xun quem, xi momon quereme ara xin oro ca to' i'ina napari' ca'. Mo ta om querec pin' xim ta xun, om ca querec pin' xim ta ac capari' tara quem.

Hebreus 9:28

Ac i ma' na Cristo pain ca mi' pin nucun quem. Mi' pan xucun con Iri' Jam, om ca ara mami' cain, om ca mi' pin mami' ca quem. Ma' ta to' om pin tain ca caracat nucucun oro wari' co mija nana ta na. Maqui' mami' tarain macan' quem. Maqui' mami' iri tara ne, om ta to' om mami' cain ca caracat nexi'. To' witan xuhu' pain ca winim' mahu' ta napari'.

Apocalipse 3:21

Oro wari' co hwara' opa cara nana pain ca howa nucucun ma', mi' ac toton tara pain ca xao to ho' cacapa' pain ca mam' xao pe ne pain ca taramaxicon pin ta' ta' ca'. Taramaxicon wi ac cacapa' tara. Win ta' pain xocori ca', pain ca to' quiji' pin ton Caxicon Jam pane, je pain ca xao pe ho' pin ton Te pain ca mam' xao pe nucun pain ca taramaxicon nucun quem.